لهسهر فهرمانی بهرێز مسعود بارزانی سهرۆكی ههرێمی كوردستان . فوادحسین سهرۆكی دیوانی سهرۆكایهتی ههرێم نامهیهكی فهرمی ئاراستهی كۆبوونهوهی وهزیرانی دهرهوهی یهكێـتی ئهوروپا كرد كه بریاره رۆژی ههینی رێكهوتی 15/8/2014 لهبرۆكسلی پایتهختی بهلجیكا ببهسترێت.
فواد حسین سهرۆكی دیوانی سهرۆكایهتی ههرێمی كوردستان رایگهیاند لهو نامه فهرمیهی سهرۆكایهتی ههرێمی كوردستان كه خراوهته بهردهم كۆبونهوهی وهزیرانی دهرهوهی ولاتانی یهكێتی ئهوروپا داوای هاوكاری سهربازیكراوه بۆ مهبهستی پارێزگاریكردن له خاكی ههرێمی كوردستان و رووبهرووبونهوهی چهكدارانی تیرۆرستی داعش ، ههروهها گهراندنهوهی هێمنی و چهسپاندنی تهناهی بۆ هاوڵاتیان لهسهرجهم ناوچهكانی ههرێمی كوردستان و شوێنهكانیتر .
سهرۆكی دیوان ئهوهشی روونكردهوه داوایهكیتر كه لهرێگهی ئهو نامه فهرمییه ی سهرۆكایهتی ههرێم خراوهته بهردهم كۆبونهوهكه ، بهناوی حكومهت و گهلی كوردستان داوایان له وڵاتانی یهكێتی ئهوروپا كردووه بۆ ناردنی هاوكاری مرۆیی پێویست بۆ لێقهوماوان و ئاوارهكان كهئێستاكه لهدۆخێكی زۆر دژواری مرۆییدا ژیان بهسهر دهبهن و رۆژانهش ژمارهیان لهزیادبووندایه بهتایبهتی كوردانی ئێزیدی له ناوچهكانی شهنگال و دهورووبهری و ئاوارهكانی مهسیحی ناوچهكانی پارێزگای نهینهوا و هاوڵاتیانی شهبهك و بهشێك لهدانیشتوانی پارێزگای موصل.
سهرۆكی دیوان ئهوهشی روونكردهوه كه ژمارهیهك له وڵاتانی یهكێتی ئهوروپا دهستیانكردووه بهناردنی هاوكاری مرۆیی و سهربازی بهڵام لهسهر ئاستی یهكێتی ئهوروپا چاوهروان دهكرێت لهكۆبوونهوهی رۆژی ههینی بریار لهسهر ناردنی كۆمهگی زیاتر بدرێت بۆ ههرێمی كوردستان.
بەناوی خودای مەزن و دلۆڤان
جەماوەری خۆشەویستی كوردستان
لەبەرانبەر هێرشی دڕندانەی تیرۆریستاندا كوردستان ئازایانە بەرگری لەخۆی دەكات و كۆمەڵگەی نێودەوڵەتی و وڵاتانی دۆستیش پشتگیریی خۆیان بۆ گەلی كوردستان ڕاگەیاندووە و پشت بەخوای مەزن و ئیرادەی ئێوە و هێزی پێشمەرگە تیرۆریستان تووشی شكست دەبن و تۆڵەی شەهیدان و ئاوارەكان و كارەساتی شنگالیان لێ دەكەینەوە. جێگەی خۆیەتی دەستخۆشی لە هێزەكانی پێشمەرگەی كوردستان بكەم كە ڕێگەیان بۆ ڕزگاركردنی خوشك و برا ئێزیدییەكان لە چیای شنگال كردووەتەوە و ژمارەیەكی زۆریان لەو ئازیزانە ڕزگار كردووە. هەروەها بەپێویستی دەزانم زۆر سپاسی ئەمەریكا و وڵاتانی دۆستی گەلەكەمان بكەم كە زۆر یارمەتیان دا بۆ ڕزگاركردنیان.
لە دوای ڕووداوەكانی شنگال و ئەو كارەساتەی بەسەر خوشك و برا ئێزیدییەكانماندا هات، ئەو بەرپرسە ئەمنی و سەربازی و حزبیانەی ئەركی پاراستنی دەڤەری شنگالیان لەئەستۆ بوو لەسەر كارەكانیان لادران و لیژنەیەكی لێكۆلینەوەیش بۆ دەرخستنی ڕاستییەكان پێك هاتووە و لیژنەكە بڕیار لەسەر سزادانی ئەو بەرپرسانە دەدات كە لە پاراستنی خەڵك و پێشمەرگە، كەمتەرخەم بوونە.
ئەوەی لە شنگال ڕوویدا تەنیا بەسەر خوشك و برا ئێزیدییەكاندا نەهاتووە بەڵكو زامێكە هەموومان ئازار دەدات. ئەو بەرپرسانە دەبوایە گیانی خۆیان فیدا كردبا و شنگال بەجێنەهێڵن، هەر وەك بەڵێنیان بە من دابوو، دەبوایە لەگەڵ ئەو پێشمەرگە قارەمانانە كە شێرانە مانەوە و بەرگرییان كرد، بمێننەوە. پشت بەخوای گەورە ناهێڵین دوژمنان بە مەرامەكانیان بگەن.
مسعود بارزانی
سەرۆكی هەرێمی كوردستان
14ـی 8ـی 2014
بەناوی خودای بەخشندە و میهرەبان
بهڕێز رهجهب تهییب ئهردۆگان سهرۆكی ههڵبژێردراوی كۆماری توركیا
سڵاوێكی گهرم..
بهبۆنهی هەڵبژاردنی بهڕێزتان بە سەرۆكی كۆماری توركیا گهرمترین پیرۆزبایی خۆم و خهڵكی كوردستانتان پێڕادهگهیێنین.
لهوه دڵنیاین ئهم سهركهوتنهی بهڕێزتان له بهرژهوهندیی پێكهوهژیان و چارهسهركردنی گرفتهكان و سەركەوتنی پڕۆسەی ئاشتی و ههروهها پتهوتركردنی پهیوهندییهكانی نێوان توركیا و ههرێمی كوردستان دهبێت.
ئومێدی تهندروستی و خۆشیتان بۆ دهخوازم.
مسعود بارزانی
سهرۆكی ههرێمی كوردستان
11ـی 8ـی 2014
لە هەولێری پایتەخت بەڕێز مسعود بارزانی سەرۆكی هەرێمی كوردستان پێشوازی لە لۆران فابیۆس وەزیری دەرەوەی فەڕەنسا و شاندێكی یاوەری كرد.
لە كۆبوونەوەیەكدا كە نێچیرڤان بارزانی سەرۆكی حكوومەتی هەرێمی كوردستان و قوباد تاڵەبانی جێگری سەرۆكی حكوومەت و مەسروور بارزانی ڕاوێژكاری ئەنجوومەنی ئاساییشی هەرێمی كوردستان و مستەفا سەید قادر وەزیری پێشمەرگە و فەلاح مستەفا بەرپرسی فەرمانگەی پەیوەندییەكانی حكوومەتی هەرێم و فواد حوسێن سەرۆكی دیوانی سەرۆكایەتی هەرێمی كوردستان ئامادەی بوون سوپاسی پاڵپشتیی فەڕەنسای كرد بۆ گەلی كوردستان بەتایبەتی خودی وەزیر كە هەڵگری پەیامی پشتیوانی سەرۆك و گەلی فەڕەنسا بوو بۆ هەرێمی كوردستان و ڕایگەیاند كە بە پشتبەستن بە خۆمان و هاوكاریی دۆستانمان لەوە دڵنیاین كە تیرۆریستان تێكدەشكێنین. سەرۆك بارزانی ئەوەیشی خستەڕوو كە گەلی كوردستان لەپێناو چەسپاندنی پێكەوەژیان و لێبووردەیی و ئازادییدا ئامادەیە قوربانی بدات.
سەبارەت بە كاریگەریی ڕووداوەكانی ئەم دواییە لەسەر پەیوەندی نێوان كورد و عەرەب سەرۆك بارزانی جەختی لەوە كردەوە كە ڕێگە نادەین تیرۆر پەیوەندیی نێوان كورد و عەرەب تێك بدات. لەبارەی شەڕی تیرۆریشدا سەرۆك بارزانی ئەوەی ڕوونكردەوە كە كوردستان لەشەڕدایە لەگەڵ دەوڵەتێكی تیرۆریستیی پڕچەك و داوای لە وڵاتانی ئازاد كرد كە بۆ تێكشكاندنی تیرۆریستان پشتیوانی كوردستان بن. سەرۆك بارزانی سوپاسی سەرۆكی فەڕەنسا و ئەمەریكا و هەموو ئەو وڵاتانەی كرد كە یارمەتیی كوردستان دەدەن و هێمای بەوەدا كە كوردستان سەركەوتوو دەبێت چونكە پێشمەرگەی قارەمانی هەیە و دۆستی بە وەفا و مەزنیشی هەیە.
لەبەرامبەردا وەزیری دەرەوەی فەڕەنسا سوپاسی سەرۆك بارزانیی كرد بۆ ئەو پێشوازییە گەرمەی لێی كراوە و ڕایگەیاند كە هەڵگری پەیامی پشتیوانیی حكوومەت و گەلی فەڕەنسایە بۆ هەرێمی كوردستان. وەزیری دەرەوەی فەڕەنسا ئاماژەی بەوەدا كە شەڕی كوردستان لەگەڵ تیرۆریستاندا شەڕی فەڕەنسایشە چونكە فەڕەنسا وڵاتی ئازادییەكانە و شەڕی دژی تیرۆر شەڕی پاراستنی ئازادییە. وەزیری دەرەوەی فەرەنسا دووپاتی كردەوە كە فەڕەنسا لەتەك هەرێمی كوردستان دەوەستێت و هاوكارییەكانی بەردەوام دەبێت و ئەوەیشی خستەڕوو كە هانی وڵاتانی ئەوڕووپایی دەدات بۆ ئەوەی پردێكی ئاسمانی لەنێوان ئەوڕووپا و كوردستان دروست بكرێت بە مەبەستی گەیاندنی هاوكاری بۆ ئاوارەكان و حكوومەتی هەرێمی كوردستان.
قسەكردن لەسەر دوا پێشهاتە سیاسی و ئەمنییەكانی هەرێم و پەلاماری تیرۆریستان بۆ كوردستان و بارودۆخی ئاوارەكانی پارێزگای موسڵ و دەڤەری زوممار و شەنگال و چۆنییەتی یارمەتیدانیان تەوەرێكی دیكەی ئەم كۆبوونەوەیە بوو. پاش تەواوبوونی كۆبوونەوەكە سەرۆك بارزانی و وەزیری دەرەوەی فەڕەنسا ناوەڕۆكی كۆبوونەوەكەیان لە پڕێسكۆنفڕانسێكدا بۆ دەزگاكانی ڕاگەیاندن شی كردەوە.
لەکۆنگرە رۆژنامەوانیەکەدا هەردوولا پەیمانی دۆستایەتی نێوانیان دووپاتکردەوە بەوەی کە وەزیری دەرەوەی فەڕەنسا دووپاتیکردەوە ئەو شەڕەی هەرێمی کوردستان لەدژی تیرۆر دەیکات شەڕی فەڕەنساشە وئەم وڵاتەش لەپاڵپشتی خۆی بۆ هەرێمی کوردستان بەردەوام دەبێت وبەشێوەیەکی فەرمیش پەیامی سەرۆکی فەڕەنسای بە هەرێمی کوردستان گەیاند، هاوکات وەزیری دەرەوەی فەڕەنساش رایگەیاند کە 118 تۆن یارمەتی مرۆیی بۆ ئاوارە مەسیحی وئێزدیەکان هێناوە کە لەترسی تیرۆر پەنایان بۆ هەرێمی کوردستان بردووە.
نیشانیشیدا هاتنی ئەو پەیامێکی بەهێزە بەوەی کە فەڕەنسا وەکو دەوڵەتێکی گەورە وگرنگ پشتیوانی گەلی کوردستانە وپشتیوانی هەموو گەلی عیراقە. ئێمە بەپشت بەستن بەخۆمان وبەهاوکاری وپشتیوانی دۆستانمان دڵنیاین کە هەموو تیرۆریست ودوژمنان تێکدەشکێن وسەرکەوتن هەر بۆ ئێمە دەبێت. ئێمە لەسەر رێبازی خۆمان بەردەوام دەبین کە ڕێبازی لێبوردەیی وپێکەوەژیان وئازادی ئایینی ومەزهەبیە وهەرچی قوربانیەک پێویست بێت بۆ زیاتر چەسپاندنی ئەو سەوابینە ئێمە ئامادەین بیبەخشین.
لەلای خۆشیەوە لۆران فابیۆس وەزیری دەرەوەی فەڕەنسا لەوتەیەکدا وێڕای سوپاسگوزاری بۆ سەرۆک بارزانی، دووپاتیکردەوە ئەو پەیامی دۆستایەتی بۆ گەلی کوردستان بەناوی سەرۆک وگەل وحکومەتی فەڕەنسا هێناوە ونیشانیشیدا لەکاتی گەڕانەوەی هانی ئەوروپاییەکانیش دەدا لەسەر هەمان ڕێچکە بڕۆن.
بسم الله الرحمن الرحیم
بەڕێز جەنابی د. حەسەن روحانی سەرۆكی كۆماری ئیسلامیی ئێران
سڵاوی خواتان لێ بێت..
بەناوی خۆم و گەلی كوردستانی عێراق سوپاسی ئەو هاوكاری و پشتیوانییە دەكەین كە پێشكەشی هەرێمی كوردستانتان كردووە. یارمەتییەكانتان سەلماندی كە كۆماری ئیسلامیی ئێران هەروەكچۆن لە ڕابردوو و لە ڕۆژانی تەنگانەدا دۆست و یارمەتیدەری نزیكی گەلی كوردستان بووە ئێستایش دۆست و برای گەلی كوردستانە و ئەوەیان مانایەكی زۆری هەیە و جێگەی پێزانیە.
لەوە دڵنیام كە بوونی پەیوەندیی دۆستانە و یارمەتیدان و هاوكاریكردنی یەكتر زەمینەی تەبایی و برایەتیی نێوان هەر دوو گەلی ئێران و هەرێمی كوردستان خۆشتر دەكات.
ئارەزووی تەندروستی و خۆشیتان بۆ دەخوازم.
مسعود بارزانی
سەرۆكی هەرێمی كوردستان
10ـی ئابی 2014
بەناوی خودای بەخشندە و میهرەبان
جەماوەری سەربەرزی كوردستان
گەلی كوردستان لەسەر كولتووری ئایینپارێزی و فرەئایینی و پێكەوەژیان ڕاهاتووە و تەعەدای لەكەس نەكردووە و بە درێژایی مێژوو تەنیا بەرگریی لەخۆی كردووە. بەڵام دوژمنان وازیان نەهێنا و هەر جارە و بەشێوەیەك دەیانەوێ زیان بە گەلەكەمان بگەیێنن. لەدوای ڕوووداوەكانی موسڵ كوردستان تەنیا بەرگریی لەخۆی كرد بەڵام تیرۆریستان كەوتنە شەڕفرۆشتن و پەلاماردانی كوردستان و ڕووداوە ناخۆشەكانی ئەو چەند ڕۆژەی ڕابردووی لێ كەوتەوە. بۆیە بڕیارمان دا لە دۆخی بەرگری بێینەدەر و هەتا دوایین هەناسە شەڕی تیرۆریستان بكەین. فەرمانمان بە هێزەكانی پێشمەرگە و لایەنە پەیوەندیدارەكان كردووە بە هەموو توانایەك پەلاماری تیرۆریستان و دوژمنانی خاك و خەڵكی كوردستان بدەن.
ڕووداوەكانی ئەم دواییەی دەڤەری زوممار و شنگال و ئەو كارەساتەی بەسەر خوشك و برا ئێزیدیەكانمان هاتووە دڵتەزێنە و گەلی كوردستان لەوە دڵنیا دەكەینەوە كە دەستبەرداری بستێك لە خاكی كوردستان نابین و شنگال و خوشك و برا ئێزیدییەكانمان وەك گلێنەی چاومان دەپارێزن و چیای شنگال بە خۆڕاگری و سەركەشی دەمێنێتەوە. ئەو بەشە ئازیز و ڕەسەنەی گەلەكەمان هەر سەربەرزە و ئەركی تاك تاكی ئێمەیە شكۆیەكەی بپارێزین.
تیرۆر پرسێكی جیهانییە و ڕووبەڕووبوونەوەی هەوڵێكی نێودەوڵەتی پێویستە. چەندین ساڵە كوردستان قوربانیی هەڕەشەی تیرۆر و تیرۆریستان بووە و جێگەی داخە كە ئێمە تەنیا بووین و كەس یارمەتیی گەلی كوردستانی نەداوە لەدژی تیرۆر بەرگری لەخۆی بكات. لەگەڵ ئەوەیشدا لەشەڕی تیرۆر و شەڕانگێزیدا پشتمان بە گەلی كوردستان و هێزەكانی پێشمەرگە و دەزگە ئەمنییەكانی كوردستان بەستووە و هەمیشەیش پابەندی بنەماكانی ئازادیخوازی و كولتووری ڕەسەنی پێكەوەژیان و لێبووردەیی كوردستانی بووین و ئەوە خاڵی بەهێزی سەركەوتنمانە بەسەر دوژمن و دڵڕەش و تیرۆریستاندا.
لە بەرەبەیانیی ئەمڕۆوە ڕۆڵە قارەمانەكانمان هێرشیان بۆ سەر تیرۆریستان دەستپێكردووە و لەپێشڕەوییدان. دوا لە خەڵكی كوردستان و لایەنە سیاسییەكان و میدیا كوردستانییەكان دەكەم بە ورەی بەرز و بەوپەڕی چاوكراوەیی و هەست بەبەرپرسیارێتی مامەڵە لەگەڵ دۆخەكەدا بكەن و زیاتر لە هەر كاتێك یەكڕیزیی نیشتیمانی و نەتەوەیی بپارێزن. پێشمەرگە قارەمانەكانیش لەوە دڵنیا دەكەمەوە كە گەلی كوردستان بە هەموو توانایەك پاڵپشتی هێزی پێشمەرگەن و چاویان لە ورەی پۆڵایین و گیانفیدایی و قارەمانێتیی ئێوەی سەربەرزە.
لە كۆتاییدا سوپاسی خۆڕاگریی هەموو خەڵكی كوردستان و پێشمەرگە قارەمانەكان و هێزە خۆبەخشەكان و خانەوادەی سەربەرزی شەهیدان دەكەم و لەوە دڵنیا بن كە ئاییندەیەكی گەش چاوەڕوانی گەلی كوردستانە.
بژی كوردستان
نەمری بۆ شەهیدانی ڕێگەی ئازادی
مسعود بارزانی
سەرۆكی هەرێمی كوردستان
4ـی 8ـی 2014
ئهمرۆ چوارشهممه 30/7/2014 له سێیهم رۆژی جهژنی رهمهزانی پیرۆزدا بهڕێز مسعود بارزانی سهرۆكی ههرێمی كوردستان به یاوهری شاندێكی باڵای بهرپرسانی سهربازی و ئهمنی ههرێمی كوردستان، هێزهكانی پێشمهرگهی له بهرهكانی روبهڕووبوونهوه له میحوهری رۆژئاوای دیجله بهسهركردهوه، كه به مهبهستی جهژنه پیرۆزه و ئهحواڵ پرسین و ئاگاداربوونی سهرۆك بارزانی له بارودۆخی هێزهكانی پێشمهرگه ئهنجامدرا.
لهم بهسهركردنهوهیهدا، سهرۆك بارزانی له یهكێك له بارهگاكانی هێزی پێشمهرگه له میحوهری رۆژئاوای دیجله وتهیهكی پێشكهش كرد و له وتهكهیدا پیرۆزبایی جهژنی له پێشمهرگهكان كرد و سوپاسی خۆراگری و ماندووبوونی پێشمهرگهی كرد و رایگهیاند: ئێمه ههرگیز نهمانویستووه تهعهدا له كهس بكهین، له كاتی ههڕهشهكاندا پێشمهرگه ههموو كات ئاماده بووه بهرگری له وڵاتهكهی بكات.
له بهشێكی دیكهی وتهكهیدا، سهرۆك بارزانی ئاماژهی به رۆڵی قارهمانانهی هێزی پێشمهرگه كرد و ئهوهی خستهڕوو، كه پێشمهرگه ئهركێكی پیرۆزه و مێژوو و ئاینده بۆ گهلهكهی دروست دهكات. ئهوهی ببێته پێشمهرگه ههمیشه بیر لهوه دهكاتهوه، كه وڵاتهكهی خۆی بپارێزێ.
له درێژهی وتهكهیدا، سهرۆك بارزانی ئاماژهی بهوه دا، كه ئهم بارودۆخهی ئێستا له ئارادایه كاتیه و كۆتایی دێت، بهڵام لهگهڵ ئهوهشدا پێویسته هێزی پێشمهرگه له ئامادهیی تهواو دابێت، بۆ ئهم مهبهستهش به ههموو شێوهیهك پاڵپشتی هێزهكانی پێشمهرگه دهبین.
سهرۆك بارزانی ههر له وتهكهیدا داوای له هێزی پێشمهرگه كرد، ههروهك چۆن خهڵكی ههرێمی كوردستان دهپارێزن، بهمشێوهیهش خوشك و براكانیان له رۆژئاوای كوردستانیش بپارێزن و هاوكاریان بكهن.
له كۆتایی وتهكهیدا سهرۆك بارزانی داوای له خوای گهوره كرد شههیدانی پێشمهرگه به بهههشتی بهرین شاد بكات و بریندارهكانیش به زووترین كات چاك ببنهوه و هیوای سهركهوتنیشی بۆ پێشمهرگه قارهمانهكان خواست.
له دوای وتهكهی سهرۆك بارزانی، له لایهن بهرپرسه مهیدانیهكان ئامادهیی هێزی پێشمهرگه و بارودۆخی مهیدانی بهرهكانی روبهڕووبوونهوه بۆ سهرۆك بارزانی شیكرایهوه.
شایهنی باسه سهرۆك بارزانی لهم بهسهركردنهوهیدا پارێزگای دهۆكی راسپارد بهبێ جیاوازی ئایینی و مهزههبی و نهتهوهیی خزمهت و هاوكاری پێشكهشی خهڵكی ناوچهكانی رۆژئاوای دیجله بكات، كه ماوەیەك لەدۆخێكی نالەباردان و له لایهن تیرۆریستهكانهوه ئاو، كارهبا و خزمهتگوزارییان لێ بڕدراوه.
ئهمڕۆ سێشهممه 29/7/2014 له دووهم رۆژی جهژنی رهمهزانی پیرۆزدا بهڕێز مسعود بارزانی سهرۆكی ههرێمی كوردستان هێزهكانی پێشمهرگهی له بهرهی موسڵ بهسهركردهوه و خۆڕاگری و گیانفیدایی ئهوانی له پاراستن و بهرگریكردن له سنوورهكانی كوردستان بهرزنرخاند و پیرۆزبایی جهژنی رهمهزانیشی لێكردن، هاوكات ههموو پاڵپشتییهكی خۆشی بۆ پێشمهرگه دووپات كردهوه.
لهم بهسهركردنهوهیهدا شاندێكی باڵای ئهمنی و سهربازی یاوهری سهرۆك بارزانی بوو، كه پێكهاتبوو له بهڕێزان مهسرور بارزانی راوێژكاری ئهنجوومهنی ئاسایشی ههرێمی كوردستان و مستهفای سهید قادر وهزیری پێشمهرگه و زهعیم عهلی و شێخ جهعفهر و حهمید ئهفهندی و ژمارهیهك فهرمانده و بهرپرسی هێزهكانی پێشمهرگهی كوردستان.
له وتهیهكیدا سهرۆك بارزانی ئاماژهی بهوهدا، كه بۆ جهژنه پیرۆزه و ئهحواڵ پرسین و ئاگادار بوون له بارودۆخی مهیدانی بهرهكه هاتووه،ههر وهك چۆن دوێنێش سهردانی برا پێشمهرگهكانی له بهرهی كهركووك كردووه. ههر له وتهكهیدا سوپاسی خۆراگری و گیانفیدایی له پێشمهرگه كرد، كه له رۆژانی تهنگانهدا ئامادهیه به گیانی خۆی بهرگری له وڵات بكات و ئاماژهی بهوهدا، كه لهو بهرگریكردنهدا پۆڵێك پێشمهرگه شههید و برینداربوونه و گوتی: له خوای گهوره داواكارین شههیدهكان به بهههشتی بهرین شاد بكات و شیفای بریندارهكانیش بدات.
ههر له وتهكهیدا سهرۆك بارزانی ههموو پاڵپشتییهكی بۆ هێزی پێشمهرگه دووپات كردهوه و ئاماژهی بهوهدا، ههرچی له توانامان بێت بۆ پاڵپشتی و هاوكاری پێشمهرگه دهیكهین و ئهوهشی دووپاتكردهوه، كه لهسهر دهستی پێشمهرگه كوردستان دهگاته ئایندهیهكی گهش. له كۆتاییدا جارێكی دیكه پیرۆزبایی جهژنی لێكردن و سوپاسیشی كردن و هیوای سهركهوتنی له ئهركهكهیاندا بۆ خواستن.
دوایین هەواڵەکان
- سهركۆمارى توركيا بهردهواميى پشتگيريى وڵاتهكهى بۆ عێراق و ههرێمى كوردستان دووپات كردهوه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: دهبێ نيشتمان كۆكهرهوهى ههموومان بێت
- سهرۆك نێچيرڤان بارزانى لهگهڵ باڵيۆزى يهكێتيى ئهورووپا كۆبووهوه
- سهرۆكى ههرێمى كوردستان پێشوازى له باڵيۆزى فهرهنسا كرد
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات