نیوهڕۆى ئهمڕۆ پێنجشهممه 8ى ئایارى 2014، نێچیرڤان بارزانى سهرۆك وهزیرانى ههرێمى كوردستان پێشوازى له شاندێكى یهكێتیى ئهورووپا كرد كه له ژمارهیهك باڵیۆزى وڵاتانى یهكێتیى ئهورووپا له عیراق پێك هاتبوو.
له كۆبوونهوهیهكدا كه عیماد ئهحمهد جێگرى سهرۆك وهزیران ئامادهى بوو، سهرهتا یانا هایپاشكۆڤا باڵیۆزى یهكێتیى ئهورووپا له عیراق و سهرۆكى شاندهكه؛ پوختهیهكى لهسهر ئامانجى سهردانیان بۆ ههرێمى كوردستان پێشكهش كرد و خۆشحاڵیى خۆى نیشان دا كه پێكهوه وهكوو باڵیۆزانى یهكێتیى ئهورووپا هاتوونهته سهردانى ههرێمى كوردستان و لهگهڵ سهرۆك وهزیران كۆ دهبنهوه بۆ ئهوهى له نزیكهوه گوێبیستى دید و بۆچوون و سیاسهت و ههڵوێستهكانى ههرێمى كوردستان بن لهم قۆناغهى ئێستاى عیراق؛ تا تێگهیشتنى باشتریان ههبێت له دۆخى ئێستا و چاوهڕوانكراوى عیراق.
پاشان پیرۆزبایى سهركهوتنى ههڵبژاردنهكانى كرد و ڕایگهیاند سهركهوتنى ههڵبژاردنهكان و پرۆسهى دهنگدان مایهى خۆشحاڵیى ئهوان و یهكێتیى ئهورووپا بووه و ڕوونى كردهوه كه لهوه تێدهگهن ئهگهر له ڕووى تهكنیكى و پرۆسهى جیاكردنهوهى دهنگهكان و ژماردنهوه ههندێ كێشه ههبووبێت، بهڵام ئهنجامدانى ههڵبژاردن دهریخست كه گهلانى عیراق پهرۆشن بۆ پرۆسهى دیموكراسى و ئهوان له نزیكهوه چاودێریى پرۆسهكهیان كردووه و ههڵبژاردنهكان ڕاستهقینه بوون و له كاتى خۆیاندا به پێى دهستوو كراون.
ههروها جهختى لهوه كردهوه كه بهر له كۆتایى مانگى شهشى داهاتوو؛ ئهنجومهنى وهزیرانى دهرهوهى یهكێتیى ئهورووپا كه نوێنهرایهتیى بیست و ههشت وڵاتى ئهورووپا دهكهن؛ كۆ دهبنهوه بۆ بڕیاردان لهسهر پهیوهندى لهگهڵ عیراق و ئایندهى عیراق، بۆیه ئهم سهردانهیان زۆر گرنگه تا له نزیكهوه ئاگادار بن و بتوانن ڕاپۆرتى خۆیان ئاماده بكهن و پهیامهكانى ئهمڕۆ به بیست و ههشت پایتهختى ئهورووپا بگهیهننهوه. ڕوونیشى كردهوه كه سهردانیان بۆ ههرێمى كوردستان نیشانهى پابهندى و پهیوهندییانه لهگهڵ ههرێمى كوردستان و پشتگیریى له پرهنسیپه سهرهكییهكانى وهك دیموكراسى و دهستوور و سهروهریى یاسا و مافهكانى مرۆڤ دهكهن.
لاى خۆیهوه نێچیرڤان بارزانى تێڕوانینى خۆى سهبارهت به ههڵبژاردنهكان خسته ڕوو و خۆشحاڵى به سهركهوتنى پرۆسهى ههڵبژاردن نیشان دا كه خهریكه دهبێته كولتوورێك و هاووڵاتیان مافى خۆیان به كار دههێنن و له ئاراستهكردنى سیستهمى حوكمداریدا بهشدار دهبن، ههروهها ڕۆژ له دواى ڕۆژ و پرۆسه دواى پرۆسه گهلانى ههرێمى كوردستان زیاتر دهرك به بایهخ و گرنگیى بهشداریى خۆى لهم پرۆسهیهدا دهكهن. ڕوونیشى كردهوه كه ئهم ههڵبژاردنانه دهرفهتێكه هاتووهته پێش، بهڵام تا ڕاگهیاندنى ئهنجامى كۆتاییى دهنگدان و دهسپێكردنى پرۆسهى گفتوگۆكان؛ وێنهكه زۆر ڕوون نیه ئاخۆ به چ ئاراستهیهكدا دهڕوات. دهربارهى پهیوهندى و كێشهكانى ههولێر و بهغدا و پرسى بودجهش، سهرۆك وهزیران ئاماژهى بهوه دا كه ڕووى دا له بڕینى بودجه و مووچهى فهرمانبهرانى ههرێمى كوردستان له لایهن بهغداوه؛ چاوهڕوانكراو نهبوو.
دهربارهى پێكهێنانى حكوومهتى داهاتووى عیراقیش نێچیرڤان بارزانى جهختى لهوه كردهوه كه بۆ ئهمڕۆى عیراق ناكرێت بیر له حكوومهتى زۆرینه بكرێتهوه، چونكه تهنها چارهسهر بۆ كێشهكانى عیراق ئهوهیه هاوبهشى بدۆزرێتهوه بۆ بهشداریى پێكهاته سهرهكییهكان له پرۆسهى سیاسیدا، به تایبهتى كه ئێستا به پێى دهستوور سیستهمى فیدرالى له عیراق ههیه.
سهرۆك وهزیران سهبارهت به پرسى یهكڕیزى و یهكههڵوێستیى لایهنهكانى ههرێمى كوردستانیش ڕایگهیاند: ئهگهر له ناوخۆى ههرێمى كوردستان بیروبۆچوون و ههڵوێستى جیا و كێشهش ههبێت، بهڵام كه پرسهكه هاته سهر كێشهكانى ههولێر و بهغدا، لایهنه كوردستانییهكان یهكههڵوێست دهبن لهپێناو دابینكردنى ئایندهیهكى گهشتر بۆ ههرێمى كوردستان. ههروهها گوتى: ئهم ههڵبژاردنانه به دهرفهتى كۆتایى دهبینن بۆ ڕاستكردنهوهى ڕێڕهوى حوكمڕانى له عیراق.
لهسهر پرسى نهوتیش دووپاتى كردهوه كه سیاسهتى نهوتیى ههرێمى كوردستان له چوارچێوهى پابهندبوون به دهستوور و پاراستنى بهرژوهندییهكانى ههرێمى كوردستاندایه، بۆیه ههرێمى كوردستان سووره لهسهر مومارهسهكردنى مافه دهستوورییهكانى خۆى. ههروهها عیماد ئهحمهد جێگرى سهرۆك وهزیرانیش دووپاتى كردوه ئهوهى ههرێمى كوردستان له پرسى نهوتدا كردوویهتى؛ له چوارچێوهى مافه دهستوورییهكانى ههرێمى كوردستان و مافى هاوبهشیى ڕاستهقینهدایه له عیراق بۆ مسۆگهركردنى هاوبهشى له دهسهڵات و داهاتدا، بهڵام بهغدا ئهو هاوبهشییهى پهیرهو نهكردووه.
ڕهوش و بارودۆخى پارێزگاى ئهنبار و ڕهوشى ئاوهركانى ئهو ناوچهیه و پهنابهرانى سووریا له ههرێمى كوردستان؛ لایهنێكى دیكهى دیارهكه بوو كه تیایدا وێڕاى ستایشكردنى حكوومهتى ههرێمى كوردستان بۆ داڵدهدان و هاوكاریكردنى پهنابهران، شاندى یهكێتیى ئهورووپا ڕایانگهیاند له ماوهیهكى نزیكى داهاتوودا ئۆفیسى یهكێتیى ئهورووپا بۆ هاریكاریى مرۆیى له ههرێمى كوردستان دهست به كارهكانى دهكات؛ تا بتوانێت هاوكاریى ئاوارهكان و پهنابهران بكات.
له كۆبوونهوهكهدا ژمارهیهك له باڵیۆزانى یهكێتیى ئهورووپا چهندین پرسیار و ڕا و سهرهنجیان لهبارهى كێشهكاتى ههولێر و بهغدا و پرسى پێكهێنانى كابینهى ههشتهمى ههرێمى كوردستانهوه خسته ڕوو.
له كۆتاییدا نێچیرڤان بارزانى سوپاسى ئهم سهردانهى باڵیۆزانى یهكێتیى ئهورووپاى كرد كه بهم شێوهیه پێكهوه هاتوون بۆ ئهوهى باشتر و له نزیكهوه ئاگادارى پرسهكان و سیاسهت و ههڵوێست و كێشهكانى نێوان ههرێم و عیراق ببن. دووپاتیشى كردهوه كه ههرێمى كوردستان خوازیارى بههێزكردن و پتهوكردنى بنهماكانى دیموكراسى و پهرهپێدانى دامهزراوهكانه، لهمڕووهشهوه پێویستى به پشتیوانیى بهردهوامى یهكێتیى ئهورووپا ههیه بۆ ئهوهى بتوانێت ئهو ئامانجانه بهدى بهێنێت كه خهباتى بۆ كردووه.
هێشتا دەرئەنجامی هەڵبژاردنەکانی ئەنجوومەنی نوێنەرانی عێراق ڕووننەبۆتەوە و هاوپەیمانی شیعەکانی عێراقیش لەسەر کاندیدی خۆیان یەکڕانین. بەڵام بە پێی ئەو ڕێککەوتنەی کە لە سەردەمی ڕووخانی سەدام حوسێن دیکتاتۆڕی پێشووی عێراق پێکهاتووە، بە هۆی باروودۆخی پێکهاتەکانی عێراق، سێ بەرپرسیاریی سەرەکی ئەم وڵاتە لە نێوان سێ گرووپی شیعە، سوننە و کوردەکان دابەشکراوە. بە پێی ئەم ڕێککەوتنە، سەرۆک وەزیران بە شیعەکان، سەرۆک کۆمار بە کوردەکان و سەرۆکی پەڕڵەمانیش بە سوننەکان دەدرێت، بەڵام لە دابەشکردنەکانی حکوومەتیدا تەنیا سەرۆک کۆمار بۆ کوردەکانە و پلە و پایەکانی دیکە لە نێوان دوو گرووپەکەی دیکە دابەش دەکرێت. بە لەبەرچاوگرتنی ئەمانە، لایەنە کوردییەکان بەو ڕێککەوتنە پابەندن و هیوادارین هەموو لایەن و ڕێکخراوە سیاسییەکانی عێراق بەم ڕێککەوتنە وەفادار بن. لەبەر پاراستنی یەکێتی نەتەوەیی عێراق، هەموو گرووپەکان دەبێت پابەندی یاسای بنەڕەتی و ڕێککەوتنەکان بن کە پێشتر لە نێوانیاندا پەسەند کراوە. بەم حاڵەوە دەبێت چاوەڕوانی دەرئەنجامی کۆتایی هەڵبژاردنەکان بین و لە ئێستاوە ناتوانرێت سەرکەوتنی "نووری مالکی" سەرۆکی وەزیرانی عێراق مسۆگر حیساب بکەین. مافی بێ شکی هەموو لایەن و ڕێکخراوە سیاسییەکانی عێراقە کە حکوومەتی هاوبەشییان هەبێت و چاوەڕوانی ئێمە ئەوەیە کە هاوبەشییەکی ڕاستەقینە پێکبێت. ئێمە پەیڕەوی هاوبەشییەکی ڕاستەقینەین و نە هاوبەشییەک کە وەکوو ڕابردوو گرفتی زۆری بۆ عێراق هێناوەتە پێشێ. بە لەبەرچاوگرتنی ئەمانە ئێمە کۆمەڵگای کوردەکانی عێراق ڕێز لە یاسای بنەڕەتی دەگرین و ئەگەر پێکهاتەکانی شیعە کورسی زۆریان لە پەڕڵەمان بەدەست هێنا، مافی ئەوانە کە سەرۆک وەزیران لە لایەنی ئەوان بێت.
ڕۆژنامەی شەرق، ڕوانینی ناوخۆ، یەکشەمە 11ی ئایاری 2014 (21ی گوڵانی 1393ی هەتاوی)، ساڵی یازدەیەم، ژمارە 2013، لاپەڕەی 15.
دکتۆر جگەرخوێن جێگری نوێنەرایەتیی هەرێمی کوردستان لە تاران لە ڕێوڕەسمی ساڵوەگەڕی کۆچیی دوایی سەید محەمەد باقر حەکیم و سەید عەبدوالعەزیز حەکیمدا بەشداری کرد.
بە ئامادەبوونی دکتۆر جگەرخوێن (محەمەد سدیق ئەحمەد) جێگری نوێنەرایەتیی حکوومەتی هەرێمی کوردستان لە تاران و هەندێک لە کارمەندانی نووسینگەی نوێنەرایەتیی هەرێمی کوردستان لە وڵاتی ئێران، ڕۆژی پێنجشەمە 8ی ئایار / مایی 2014 ڕێوڕەسمی یازدەیەمین ساڵوەگەڕی کۆچیی دوایی سەید محەمەد باقر حەکیم و هەروەها پێنجەمین ساڵیادی کۆچیی دوایی سەید عەبدوالعەزیز حەکیمدا لە شاری تاران بەڕێوەچوو.
ئەم ڕێوڕەسمە لە لایەن نووسینگەی ئەنجوومەنی باڵای ئیسلامی عێراق لە تەلاری ئەندیشەی حەوزەی هونەری شاری تاران بەسترا.
سەرۆكی هەرێمی كوردستان پێشوازی لە نوێنەری تایبەتی سكرتێری گشتیی نەتەوە یەكگرتووەكان لە عێراق دەكات
ئەمڕۆ پێنجشەممە 8ـی 5ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە نیكولای ماڵدینۆڤ نوێنەری تایبەتی سكرتێری گشتیی نەتەوە یەكگرتووەكان لە عێراق لە عێراقی فیدڕاڵ كرد.
لە دیدارێكدا دوایین پێشهاتە سیاسییەكانی ناوخۆی عێراق و هەروەها هەڵبژاردنەكانی ئەنجوومەنی نوێنەرانی عێراق و پارێزگاكانی هەرێمی كوردستان و ئەنجام و كاریگەرییەكانی ئەم هەڵبژاردنە خرایە بەر باس و گفتوگۆ و نوێنەری تایبەتی سكرتێری گشتیی نەتەوە یەكگرتووەكان لە عێراق خۆشحاڵیی خۆی بۆ سەركەوتنی پڕۆسەی هەڵبژاردنەكان لە هەرێمی كوردستان و عێراق ڕاگەیاند و هیوای خواست كە ئەم هەڵبژاردنە و ئەنجامەكانی ببێتە هۆی باشتربوونی بارودۆخی ئاساییشی عێراق و كۆتاییهاتنی قەیرانی سیاسی و دروستبوونی گۆڕانكاریی ئیجابی لە پڕۆسەی سیاسیی عێراقدا.
سەبارەت بە بەشداریی كورد لە دانوساندنەكان و حكوومەتی ئایندە و پڕۆسەی سیاسیی عێراق سەرۆك بارزانی جەختی لە ڕەچاوكردنی پڕەنسیپی شەراكەتی كردەیی لە حوكمڕانیی عێراقدا كردەوە و هێمایشی بەوەدا كە پێویستە هەموو لایەك چاوەڕێی ئەنجامی ڕەسمیی هەڵبژاردنەكان بین و لەژێر ڕۆشنایی ئەنجامەكان قسە لەسەر هێڵە گشتییەكانی حكوومەتی تازەی عێراق بكرێت.
لەم دیدارەدا نوێنەری تایبەتی سكرتێری گشتیی نەتەوە یەكگرتووەكان لە عێراق ئامادەیی خۆی و ڕێكخراوی نەتەوە یەكگرتووەكانی ڕاگەیاند بۆ ئەوەی یارمەتیی لایەنە سیاسییەكانی عێراق بدات لە پڕۆسەی دانوساندن و چارەسەركردنی قەیرانە سیاسییەكانی عێراق.
پێنج شەممە, 08 ئایار 2014
سهرۆكی ههرێمی كوردستان پێشوازی له وهزیری گهیاندنی فهلهستین كرد
ئهمڕۆ 8/5/2014 پێنج شهممه بهڕێز مسعود بارزانی سهرۆكی ههرێمی كوردستان پێشوازی له وهزیری گهیاندنی فهلهستینی دكتۆر سهفا ناسرهدین و كۆنسوڵی گشتی ئەم وڵاتە له ههولێر كرد.
له دیدارێكدا وهزیری گهیاندنی فهلهستینی سوپاسی ئەو پێشوازییە گهرمەی كرد كە لە هەرێمی كوردستان لێیان كراوە و سڵاوی سهرۆكی فهلهستین بهڕێز (مهحمود عهباس)ـی گهیانده سهرۆك بارزانی. ههروهها ئاماژەی به پهیوهندی دۆستانهی نێوان گهلی كوردستان و گهلی فهلهستینی كرد.
لهبارهی سهردانهكهیان بۆ كوردستان، وهزیری فهلهستینی خۆشحاڵی خۆی بهرامبهر پێشكهوتنی ههرێمی كوردستان لە هەموو بوارەكان بهتایبهتی له بواری دابینكردنی ئارامی و ئاسایش نیشاندا. هیوای خواست له بواری جیاجیا هاوكار بن له پێشكهوتن و گهشهكردنی ههرێمی كوردستان.
بهڕێز مسعود بارزانی سهرۆكی ههرێمی كوردستان وێڕای بهخێرهێنانی شاندی میوان سڵاو و رێزیشی بۆ بهڕێز مهحمود عهباس سهرۆكی فهلهستین بە شاندی میوان ڕاگەیاند و جەختی لە، پهیوهندییهكی مێژوویی و دۆستانه له نێوان ههردوو گهلی فهلهستین و كوردستان كردەوە.
هەر لەم دیدارەدا سهرۆكی ههرێمی كوردستان ئامادەیی هەرێمی كوردستانی بۆ كاری هاوبەشی نێوان فەلەستین و هەرێمی كوردستان ڕاگەیاند.
لهبهشێكی دیكهی دیارهكهدا وهزیری گهیاندنی فهلهستینی باسی ئهو ههوڵ و ههنگاوانهیان كرد سهبارهت به ئاشتهوایی ناوخۆیی و كۆششهكانیان بۆ پێكهێنانی حكوومهتێكی یهكگرتوویی فهلهستینی، سهرۆك بارزانییش هیوای خواست ئاساییش و سهقامگیری و پێشكهوتن بۆ گهلی فهلهستین بێتهدی.
پێنج شەممە, 08 ئایار 2014
فەلاح مستەفا پێشوازی لە وەزیری گەیاندنی فەلەستین كرد
ئەمڕۆ خاتوو سەفا نەسرەدین وەزیری گەیاندنی فەلەستین بە یاوەری شاندێكی بازرگان و پیاوانی كاری فەلەستین سەردانی فەرمانگەی پەیوەندیەكانی دەرەوەی حكومەتیان كرد و لەلایەن فەلاح مستەفا بەرپرسی پەیوەندیەكانی دەرەوەی حكومەت پێشوازیان لێكرا.
لە دیدارێكدا كە كاروان جەمال جێگری بەرپرسی فەرمانگەو نەزمی حەزوری كونسوڵی گشتی فەلەستین لە هەرێم ئامادەبوون، باس لە پتەوكردنی زیاتری پەیوەندیەكانی نێوان هەردوولا و ئاڵوگۆڕی بازرگانی و كارەكانی كۆڕبەندی ئابووری فەلەستین –كوردستان كرا.
خاتوو سەفا نەسرەدین وەزیری گەیاندنی فەلەستین خۆشحاڵی خۆی بۆ ئەو سەردانە نیشانداو ستایشی پێشكەوتن و سەقامگیری هەرێمی كوردستانی كرد و گووتی ئەم سەردانەمان هەنگاوێكە بۆ پەیوەندیەكی درێژخایەن لەو بوارانەی هەردوولا دەتوانین كاری لەسەر بكەین بەتایبەت بوارەكانی گەیاندن و خزمەتگوزاری بانكی و راوێژكاری، هەروا دەخوازین هەردوولا سوود لە ئەزموون و شارەزایی یەكتر وەربگرین.
بەڕێزیان ئاماژەی بەوەدا كە كۆمپانیا فەلەستینیەكان ئارەزوویانە ببنە هاوبەشی راستەقینە بۆ پێشكەوتنەكانی هەرێمی كوردستان وئەنجامدانی ئەو كۆڕبەندەش هەنگاوی سەرەتایە بۆ كاری بەردەوام لە هەرێمی كوردستان.
پاشان فەلاح مستەفا بەرپرسی پەیوەندیەكانی دەرەوەی حكومەت وێڕای بەخێرهێنانی شاندی میوان گووتی حكومەتی هەرێم بە بایەخەوە دەڕوانێتە فراوانكردنی پەیوەندیەكانی لەگەڵ كۆمەڵگای نێودەوڵەتی و پێشوازی لەو هەنگاوەی حكومەت و كۆمپانیا فەلەستینیەكان دەكەین كە دەخوازن پەیوەندیەكانیان لەگەڵ كوردستان پەرە پێبدەن.
هەروا گووتی هەردوو گەلی كوردستان و فەلەستین مێژوێكی دێرینیان هەیە لە دۆستایەتی و لە رووی ئابووریەوە.
دەرفەتی كارو وەبەرهێنان لە كوردستان كراوەیەو هیوادارین كەرتی تایبەت و كۆمپانیا فەلەستینیەكان سوود لە دەرفەتەكانی هەرێم و تەواوی عیراق وەربگرن.
بارودۆخی ئەمڕۆی هەرێمی كوردستان و هەڵبژاردنەكانی عیراق و پەیوەندی نێوان هەولێرو بەغدا و رەوشی سیاسی و ئەمنی ناوچەكە تەوەرێكی دیكەی دیدارەكە بوو.
نازم دەباغ نوێنەری حکوومەتی هەرێمی کوردستان لە تاران، بریندارانی کردەوە تیرۆیستییەکەی خانەقین لە ئێرانی بەسەرکردەوە و لە نزیکەوە ئاگاداری ڕەوشی تەندروستییان بوو.
نازم دەباغ نوێنەری حکوومەتی هەرێمی کوردستان لە تاران، سەر لەبەیانی ڕۆژی سێشەمە 6ی مایی 2014 سەردانی بریندارانی کردەوە تیرۆیستییەکەی خانەقین لە یەکێک لە نەخۆشخانەکانی تارانی کرد و لە نزیکەوە ئاشنابوو لە باری تەندروستییان و ئومێدی زووچاکبوونەوەی بۆ خواستن و ئامادەیی نوێنەرایەتیی حکوومەتی هەرێمی کوردستانی نیشاندا بۆ هەر هاوکارییە کە پێویستییان پێی بێت.
لە بەرامبەردا بریندارانی کردەوە تیرۆیستییەکەی خانەقین، خۆشحاڵی خۆیان دەربڕی بە سەردانی نوێنەری حکوومەتی هەرێمی کوردستان لە ئێران بۆ نەخۆشخانە و لە نزیکەوە ئاگاداربوون لە ڕەوشی تەندروستییان.
سێ شەممە, 06 ئایار 2014
نازم دەباغ نوێنەری حکوومەتی هەرێمی کوردستان لە تاران لەگەڵ سەلاح الزواری باڵیۆزی فەلەستین لە وڵاتی ئێران دیداری کرد.
نازم دەباغ نوێنەری حکوومەتی هەرێمی کوردستان لە تاران، سەر لەبەیانی رۆژی سێشەمە 6ی مایی 2014 لە بارەگای نوێنەرایەتی هەرێمی کوردستان لە وڵاتی ئێران، پێشوازی لە سەلاح الزواری باڵیۆزی فەلەستین لە تاران کرد.
لەم دانیشتنەدا باسی باروودۆخی عێراق و هەرێمی کوردستان کرا و بە پەرۆشەوە لە تەندروستی مام جەلال سەرۆک کۆماری عێراقی پرسیاری کرد و ئومێدی ساغ و سەلامەتی بۆ خواست.
باڵیۆزی فەلەستین لە وڵاتی ئێران لە بەشێکی ئەم دیدارەدا تەئکیدی لەسەر ڕۆڵی جەلال تاڵەبانیکرد و ڕۆڵی سەرکردەکانی کورد بە تایبەتی سەرۆکی هەرێمی کوردستان مەسعوود بارزانی و سەرۆک وەزیرانی حکوومەتی هەرێمی کوردستان نێچیرڤان بارزانی بەرز نرخاند.
سێ شەممە, 06 ئایار 2014
ههرێمى كوردستان و تهتهرستان بوارهكانى هاریكاریى هاوبهش تاوتوێ دهكهن
سهرلهبهیانیى ئهمڕۆ شهممه 3ى ئایارى 2014 نێچیرڤان بارزانى سهرۆك وهزیرانى ههرێمى كوردستان پێشوازى له ڕوستهم مینیخانۆف؛ سهرۆك كۆماری تهتهرستان له ڕووسیاى فیدرال و شاندێكى یاوهرى كرد، دواى ئهوهى دوێنێ ههینى له ڕێگهى فڕۆكهخانهى نێودهوڵهتیى ههولێرهوه به سهردانێكى فهرمى گهیشته ههرێمى كوردستان.
له سهرهتاى كۆبوونهوهیهكدا سهرۆك كۆمارى تهتهرستان خۆشحاڵیى خۆى بهم دهرفهته بۆ سهردانى ههرێمى كوردستان دهربڕى كه تیایدا ژمارهیهك له خاوهنى كۆمپانیا گرنگهكانى وڵاتهكهى له بوارهكانى پشهسازیى نهوت و گاز و پترۆكیمیاییهكان و ئامێرهكانى ڕاكێشانى قورس و دروستكردنى هیلیكۆپتهرى خزمهتگوزارییه جیاكانى وهك ئاگركوژێنهوه و ئهمبۆلانس و پۆلیس و ئاى تى و چهندین كۆمپانیاى بوارى دیكه پێك دێت. ههروهها كورتهیهكى دهربارهى كولتوور و ڕۆشنبیرى و مێژوو و جووگرافیا و بارى ئابووریى تهتهرستان و پێشكهوتنى وڵاتهكهیان و ئهزموونى كۆمارهكهیان له چوارچێوهى ڕووسیاى فیدراڵدا پێشكهش كرد.
پاشان ههر یهكه له خاوهن و نوێنهرانى كۆمپانیاكانى یاوهرى، توانست و بوارى پسپۆڕییان بۆ سهرۆك وهزیران خسته ڕوو و ڕوونیان كردهوه كه هاتوونهته ههرێمى كوردستان بۆ ئهوهى له نزیكهوه ببینن و بزانن تا چهند دهرفهتى هاوكارى و هاریكاریى نێوان ههرێمى كوردستان و كۆمارى تهتهرستان دهبێت و بوارهكانى پێكهوهكاركردن بۆ بهرژوهندى هاوبهشى ههردوولا له قۆناغهكانى داهاتوودا چۆن دهبێت.
لاى خۆیهوه نێچیرڤان بارزانى به ناوى خۆى و حكوومهتى ههرێمى كوردستانهوه خۆشحاڵیى خۆى بهم سهردانه و به ڕهخسانى ئهم دهرفهته دهربڕى و دهستپێشخهرى و بڕیارى هاتن و سهردانى ئهوانى بۆ ههرێمى كوردستان بۆ دروستكردنى بوارى هاوكارى و ههماههنگى له ئایندهدا بهرز نرخاند. ههروهها تیشكى خسته سهر ئهوهى كه ههرێمى كوردستان به شێوهیهكى كارا دواى ڕووخانى ڕژێمى بهعس دهستى به پرۆسهى ئاوهندانكردنهوه كردووه و پێویستى به هاوكاریى نێودهوڵهتى ههیه بۆ ئاوهدانكردنهوه و پهرهپێدان و پێشخستنى ژێرخان و بووژاندنهوهى ئابووریى ههرێمى كوردستان.
سهرۆك وهزیران جهختى لهوه كردهوه كه ههرێمى كوردستان وهكوو دهروازهیهك بۆ ههموو بهشهكانى دیكهى عیراق دهبێته خاڵى پێشوازى و دڵنیایه لهوهى چهندین بوارى هاوبهش ههیه كه ههردوولا دهتوانن سوودى لێ وهربگرن، ب تایبهتى ئهو بوارانهى كه حكوومهتى ههرێم به بایهخهوه سهیریان دهكات بۆ دابینكردنى ئایندهیهكى گهش بۆ وڵاتهكه.
له كۆبوونهوهكهدا بڕیار درا تیمێكى كارى هاوبهش له ههردوولا پێك بێت بۆ ئهوهى به شێوهیهكى كردهیى لهو لایهنانه بكۆڵنهوه كه دهتوانرێ له سوود و بهرژوهندیى ههردوولا بێت و ببێته بنهماى كارى هاوبهش له ئاینده و ههردوو پێكهوه نهخشهڕێگهى هاوكارى و هاریكاریى هاوبهش دابنێن.
له كۆتاییدا نێچیرڤان بارزانى پوختهیهكى دهربارهى پیشهسازیى نهوت و گاز له ههرێمى كوردستان پێشكهش كرد و ئاماژهى بهوه دا كه له دواى ڕووخانى رژێمى بهعسهوه ههرێمى كوردستان ههنگاوى جددى لهم بوارهدا ناوه، بهڵام هێشتا كارێكى وا له بوارى پترۆكیمیاییهكاندا نهكراوه، بۆیه دهكرێت لهم بوارهدا بۆ دامهزراندنى ئهم پیشهسازییه له ههرێمى كوردستان؛ سوود له ئهزموونى تهتهرستان وهربگیرێت.
سەرۆکی هەرێمی کوردستان بە بانگهێشتێکی فەرمی بەرەو وڵاتی ئوردن بەڕێ کەوت
دوای نیوەڕۆ ئەمڕۆ یەکشەممە 4ـی 5ـی 2014، بەڕێز مسعود بارزانی سەرۆکی هەرێمی کوردستان لەسەر بانگهێشتێکی ڕەسمی کە لەلایەن بەڕێز شا عەبدوڵڵا شای ئوردنەوە ئاراستەی کرابوو، بە سەردانێکی فەرمی بەرەو وڵاتی ئوردن بەڕێ کەوت.
بڕیار وایە سەردانەکەی سەرۆکی هەرێمی کوردستان بۆ وڵاتی ئوردن چەند ڕۆژێک بخایەنێت و تیایدا زنجیرەیەک کۆبوونەوە لەنێوان شای ئوردن و سەرۆکی هەرێمی کوردستان و شاندی هاوڕێی ئەنجام بدرێت.
لەو کۆبوونەوانەدا باسی پەرەپێدنی پەیوەندییە ئابووری و فەرهەنگی و بازرگانییەکانی نێوان هەرێمی کوردستان و وڵاتی ئوردن دەکرێت کە لەخزمەتی هەردوولا و عێراقیشدا بێت.
شایەنی باسە شاندێک لە بەرپرسانی حکوومیی هەرێمی کوردستان لەو سەردانەدا یاوەریی سەرۆک بارزانی دەکەن کە پێکهاتووە لە: مەسرور بارزانی ڕاوێژکاری ئەنجوومەنی ئاسایشی هەرێمی کوردستان، کەریم سنجاری وەزیری ناوخۆ، دکتۆر فواد حوسێن سەرۆکی دیوانی سەرۆکایەتیی هەرێمی کوردستان و فەلاح مستەفا بەرپرسی فەرمانگەی پەیوەندییەکانی دەرەوە.
More...
سەرۆكی هەرێمی كوردستان لەلایەن شای ئۆردۆن پێشوازی لێ كرا
پەیامی سەرۆكی هەرێمی كوردستان بەبۆنەی ئەنجامدانی پڕۆسەی هەڵبژاردن لە هەرێمی كوردستان و عێراق
سەرۆكی هەرێمی كوردستان دەنگی خۆی دا
دوایین هەواڵەکان
- سهركۆمارى توركيا بهردهواميى پشتگيريى وڵاتهكهى بۆ عێراق و ههرێمى كوردستان دووپات كردهوه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: دهبێ نيشتمان كۆكهرهوهى ههموومان بێت
- سهرۆك نێچيرڤان بارزانى لهگهڵ باڵيۆزى يهكێتيى ئهورووپا كۆبووهوه
- سهرۆكى ههرێمى كوردستان پێشوازى له باڵيۆزى فهرهنسا كرد
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات