بەمەبەستی لە نزیكەوە ئاگاداربوون لە چۆنیەتی بەڕێوەچوونی كارەكان و میكانیزمی جێبەجێ كردنی بەرنامەی ساڵی تازە بۆ زیاتر فراوان كردنی پەیوەندیەكان لەگەڵ وڵاتانی دراوسێ، ئەمڕۆ پێنج شەممە فەلاح مستەفا بەرپرسی پەیوەندیەكانی دەرەوەی حكومەت بەیاوەری خاتوو سوهام جەبەلی یاریدەدەری بەرپرسی فەرمانگە سەردانی بەشی پەیوەندیەكانی هەرێمی سەر بە فەرمانگەی پەیوەندیەكانی دەرەوە لەگەڵ كۆماری توركیا كردو لەلایەن عبدالسلام رشید بەڕێوەبەری گشتی بەشی پەیوەندیەكانی هەرێم لەگەڵ كۆماری توركیا پێشوازی لێكرا.
بەرپرسی پەیوەندیەكانی دەرەوە پیرۆزبایی ساڵی تازەی لێكردن و هیوای خواست بتوانن ئەمساڵ بە گوێرەی بەرنامەیەكی تۆكمە كارەكان بەڕێوەببەن و لەسەر بنەمای كاری دامەزراوەیی ئاستی پەیوەندیەكانی هەرێمی كوردستان لەگەڵ وڵاتی توركیا زیاتر بەرەو پێش ببەن.
بەڕێزیان دەستخۆشی لێكردن كە لە ماوەی رابردوو سەركەوتووانە توانیویانە كاری خۆیان بكەن و پشتگیری فەرمانگەی پەیوەندیەكانی بۆ ئەو بەشەی فەرمانگە دووپاتكردەوە بۆ سەرخستنی كارەكانیان.
عەبدولسەلام رەشید بەڕێوەبەری گشتی بەشی پەیوەندیەكانی هەرێم لەگەڵ كۆماری توركیا خۆشحاڵی خۆی بۆ ئەو سەردانەی بەرپرسی فەرمانگە خستەڕوو هیوای خواست بتوانن پەیوەندیەكانی هەرێم و توركیا زیاتر پێشبخەن لە پێناو سوود و بەرژەوەندی هەردوولا.
هەر ئەمڕۆ فەلاح مستەفا بەرپرسی پەیوەندیەكانی دەرەوەی حكومەت بە یاوەری كاروان جەمال جێگری بەرپرسی فەرمانگە و خاتوو سوهام جەبەلی یاریدەدەری بەرپرسی فەرمانگە و شاندێكی یاوەریان سەردانی بەشی پەیوەندیەكانی هەرێم لەگەڵ كۆماری ئیسلامی ئێرانیان كرد و لەلایەن عەبدوڵلا ساڵح ئاكرەیی بەڕێوەبەری گشتی بەشی پەیوەندیەكانی هەرێم لەگەڵ كۆماری ئیسلامی ئێران پێشوازیان لێكرا.
بەرپرسی پەیوەندیەكانی دەرەوەی حكومەت پیرۆزبایی ساڵی تازەی لێكردن و باسی لە بایەخی پەیوەندیەكان لەگەڵ وڵاتانی دراوسێ كرد. هاوكات دەستخۆشی لە بەڕێوەبەری گشتی و كارمەندانی ئەو بەشە كرد كە هەمیشە لە هەوڵی زیاتر پێشخستنی پەیوەندیەكانن لەگەڵ كۆماری ئیسلامی ئێران.
بەڕێزیان جەختی لەسەر شێوازی بونیاتنانی پەیوەندی لەسەر بنەمای كاری دامەزراوەیی و بەرژەوەندی هاوبەش كردەوە.
بەڕێوەبەری گشتی بەشی پەیوەندیەكانی هەرێم لەگەڵ كۆماری ئیسلامی ئێران سوپاسی بەرپرسی فەرمانگەی پەیوەندیەكانی كرد كە لە نزیكەوە چاودێری كارەكانی ئەو بەشە دەكات و گووتی ئێمە وەك بەشێك لە فەرمانگەی پەیوەندیەكانی دەرەوە بە گرینگی سەیری پەیوەندیەكانی هەرێم لەگەڵ كۆماری ئیسلامی ئێران دەكەین .
نوێنەرایەتى حکومەتى هەرێمی کوردستان لە تاران بەشدارى لە ڕێوڕەسمی پرسەی خێزانى باڵیۆزى فەلەستین (سەلاح الزواوی) لە مزگەوتی نوور لە شاری تاران کرد.
بە بۆنەى کۆچى دوایی خێزانى باڵیۆزى فەلەستین (سەلاح الزواوی) ئێوارەى رۆژى (6-1-2014) وەکو نوێنەرایەتى حکومەتى هەرێمی کوردستان لە تاران، هەر یەک لە هەڤاڵان شیرزاد قادر خورشید، رەزا مەولود جەوهەر و سلام عارف روشدى بەشدار بوون لەو پرسەیەدا کە لە مزگەوتی نوور لە شاری تاران بەڕێوەچوو و بالیۆزى فەلەستین خۆشحاڵی خۆی دەربری بەو بەشدارى کردنە.
لەم ڕێوڕەسمەدا چەندین کەسایەتی سیاسی وڵاتی ئێران، باڵیۆز و نوێنەری وڵاتانی جۆراوجۆری جیهان بەشداریان کرد، لەوانە: دکتۆر محەمەدجەواد زەریف وەزیری دەرەوەی کۆماری ئیسلامی ئێران، دکتۆر عەلی ئەکبەر ساڵحی سەرۆکی ڕێکخراوەی وزەی ناڤۆکی ئێران، دکتۆر حوسێن ئەمیر عەبدوڵڵاهیان جێگری وەزیری دەرەوەی ئێران لە کاروباری وڵاتانی عەڕەبی و ئەفریقیا، دکتۆر کەماڵ خەرازی وەزیری پێشووی دەرەوەی کۆماری ئیسلامی ئێران، محەمەد مەجید الشێخ باڵیۆزی وڵاتی عێراق لە تاران، دکتۆر غوڵڵامعەلی حەدادعادڵ نوێنەری پەڕڵەمانی ئێران،
دکتۆر عەبدوڵڵا جاسبی سەرۆکی پێشووی زانکۆی ئازادی ئیسلامی، باڵیۆز و نوێنەری وڵاتانی ژاپۆن، نەمسا، عەمان، توونس، ئیتاڵیا، تورکیا، میسر، ئازەربایجان، تایلەند، سوودان، بۆلیوی، ئەڵمانیا و ...، حوجەتوالئیسلام سەید ڕەزا ئەکرەمی ڕاوێژکاری کەلتووری ناوەندی سەرۆک کۆماری ئیسلامی ئێران، خوجەتوالئیسلام ئەختەری بەڕێوەبەری گشتیی کۆبوونەوەی جیهانی ئالی بەیت و چەندین کەسایەتی دیکە.
مامۆستا علی باپیرئەمیری کۆمەڵی ئیسلامى لەکوردستانى عێراق سەردانى نوێنەرایەتى حکومەتى هەرێمی کوردستان لە تارانى کرد.
دوای ئەوەی حکوومەتی هەرێمی کوردستان ڕۆژی ٢٥/١٢/٢٠١٣، پڕۆژە یاساى بهپارێزگاكردنى ههڵهبجهى شەهیدی به فهرمى ڕادهستى سهرۆكی ئەنجوومەنی وهزیرانى عێراقى فیدرال کرد، ڕۆژی ٣١ـى کانوونی یەکەمی ٢٠١٣، ئەنجوومەنی وەزیرانی عێراق پڕۆژە یاسای بە پارێزگابوونی هەڵەبجەی شەهیدی پەسند کرد. ئێمە لە سەرۆکایەتیی هەرێمی کوردستان دەستخۆشیی لە ئەنجوومەنی وەزیرانی عێراقی فیدڕاڵ دەکەین بۆ پەسندکردنی ئەو پڕۆژەیەی هەرێمی کوردستان و چاومان لەوەیە ئەنجوومەنی نوێنەرانی عێراقیش بە زووترین کات ئەو پڕۆژە یاسایە پەسند بکات.
داوا لە سەرجەم فراکسیۆنەکانی ئەنجوومەنی نوێنەرانی عێراق دەکەین هەروەک چۆن رۆڵی نیشتیمانییان بینی لە ناساندنی ئەنفال و کیمیابارانی هەڵەبجە وەک تاوانی جینۆساید، بەهەمان شێوە لە پرسی بە پارێزگاکردنی هەڵەبجەدا هەمان هەڵوێست دووبارە بکەنەوە و پشتیوانی ئەم داخوازیە رەوایەی خەڵکی هەڵەبجە بن.
لێرەوە داوا لە سەرجەم پەرلەمانتارانی فراکسیۆنە کوردستانییەکان دەکەین بێ جیاوازی، شاندی هاوبەش دروست بکەن و وەک یەک تیمی کوردستانی، بۆ زامنکردنی پشتیوانی بۆ یاساکە، لەگەڵ هەموو فراکسیۆنەکانی ئەنجوومەنی نوێنەرانی عێراق کۆببنەوە.
هەڵەبجەی شەهید بووەتە هێمای قوربانیدان و مافی لەسەر کوردستان و عێراق و هەموو مرۆڤایەتی هەیە، بۆیە هیوادارین ئەندامانی ئەنجوومەنی نوێنەرانی عێراق لە ئاست ئەو متمانەیەدابن کە خەڵکی ئازیزی هەڵەبجە پێیان کردوون و بە دەنگی خۆیان لە دڵخۆشی خەڵکی کوردستان بەگشتی و هەڵەبجەی شەهید بەتایبەتی بەشدار بن.
سەرۆکایەتیی هەرێمی کوردستان
٢/١/٢٠١٤
پهیامی پیرۆزبایی كۆسرهت رهسول عهلی به بۆنهی به پارێزگا بوونی ههڵهبجه
خهڵكی كوردستان
خهڵكی به شهرهفی شاری ههڵهبجهی خۆشهویست...
به بۆنهی دهرچووی بڕیاری به پارێزگابوونی شاری ههڵهبجه له ئهنجومهنی وهزیرانی عێراق و رهوانهكردنی بڕیارهكه بۆ ئهنجومهنی نوێنهرانی عێراق، له دڵهوه گهرمترین پیرۆزبایی ئاراستهی كۆمهڵانی خهڵكی كوردستان به گشتی و خهڵكی به شهرهف و خۆڕاگری ههڵهبجه دهكهم و لێرهوه سهرجهم نوێنهرانی كورد له ئهنجومهنی نوێنهرانی عێراق ههموو ههوڵهكانیان بخهنهگهڕ بۆ بهزوویی دهرچوونی ئهم بڕیاره له ئهنجومهنی نوێنهرانی عێراق.
ئهگهر ساڵی رابردوو به كۆمهڵێك رووداو و كارهساتی ناخۆشدا تێپهڕبووبین ئهوا خۆشترین بڕیاری ئهم ساڵه رهزامهندی ئهنجومهنی وهزیرانی عێراق بوو لهسهر پرۆژهیاسای به پارێزگابوونی ههڵهبجه و نكۆڵیش لهوه ناكرێ كه ئێمهو مانان ههر له سهرهتاوهو وهك مافێكی ههره سهرهتایی ههڵهبجهییهكان ئهم ههوڵهی داوهو وا ئهمڕۆش به دڵخۆشیهوه ههوڵهكانمان ئهنجامی دهبێ و ههڵهبجهی خۆشهویست به پارێزگا دهبێ.
لێرهوهو لهمیانی دهرچوونی ئهم بڕیاره گرنگه به پێویستی دهزانم ئهوه بڵێم كه ههڵهبجهو ههڵهبجهییهكان شایستهی زۆر لهوه زیاترن و ئهو ههڵهبجهیهی ئێمه بوو كه كوردو كێشه رهواكانی به دنیا ناساند و ئهمڕۆش خشتێكی تر دهخاته سهر خهرمانی پارێزگاكانی ههرێمی كوردستان له عێراقی فیدرالدا.
لهكۆتاییدا وێڕای دووباره پیرۆزباییم له خهڵكی به شهرهف و دڵسۆزو كوردپهروهری ههڵهبجه، دهستخۆشی و پیرۆزبایی خۆشم ئاراستهی سهرجهم ئهو كهس و لایهنانه دهكهم كه رۆڵیان ههبووهو دهبێ له بهرهو پێشبردنی ئهم كهیسه و دهرچوونی ئهم بڕیاره گرنگه مێژووییه.
دووباره پیرۆزهو با لێرهوه ههموومان بهڵێنی زیاتر خزمهتكردنی ههڵهبجه بدهین، چونكه ههڵهبجهییهكان جگه له به پارێزگابوونیان شایستهی باشترین خزمهتكردنن.
كۆسرهت رهسول عهلی
جێگری سهرۆكی ههرێمی كوردستان
1/1/2014
بەناوی خودای بەخشندە و میهرەبان
بەبۆنەی كۆتایهاتنی ساڵی 2013 و دەستپێكی ساڵی تازەی زایینی گەرمترین پیرۆزبایی خۆم ئاڕاستەی هاووڵاتییە خۆشەویستەكان و گشت چینوتوێژ و لایەنە سیاسییەكان و خوشك و برا مەسیحییەكانی كوردستان و عێراق دەكەم. هیوادارم ساڵی 2014ـی زایینی ساڵی پتەوتربوونی بنەماكانی ئاشتی و پێكەوەژیان و لێبووردەیی بێت لە وڵاتەكەماندا و ساڵی گەشەی ئابووری و خزمەتگوزاریی زیاتر بۆ خەڵك و سەقامگیریی لە هەرێمی كوردستاندا بێت.
ئێستا كە لایەنە سیاسییەكان سەرقاڵی گفتوگۆی پێكهێنانی كابینەی تازەی حكوومەتی هەرێمی كوردستانن داوا لە گشت لایەنە سیاسییەكان دەكەم لە پێكهێنانی حكوومەتدا خزمەتكردنی هاووڵاتیان و بەرژەوەندیی نەتەوەیی بخەنە سەرووی هەموو بەرنامەكانیانەوە. ئەمە دەرفەتێكی لەبارە بۆ ئەوەی هەموو لایەك هەوڵ بدەن بە پێی بەرنامەیەكی ڕێكوپێك و ڕوون ڕووبەڕووی گەندەڵی و هەموو ئەو كەموكوڕییانە ببنەوە كە بوونەتە كۆسپ لەبەردەم پێشكەوتنی وڵاتەكەماندا. هەروەها حوكم و باڵادەستیی یاسا قووڵتر بكرێت و بەرەوە بەدامەزراوەییكردنی دامودەزگەكان هەنگاو بنرێت. پێویستە لە ساڵی داهاتوودا كار لەسەر بابەتێكی زۆر گرنگ بكرێت ئەویش نزیكبوونەوەی تەواوی گەل و دەستەڵات و تۆختربوونی متمانەی نێوان لایەنە سیاسییەكانی هەرێمی كوردستانە كە بەهێزترین چەكن بۆ بنیاتنانی دواڕۆژێكی گەش بۆ وڵاتەكەمان و مسۆگەركردنی مافە نەتەوەیی و دیموكراتییەكانمان.
هەر لەم بۆنەیەدا بە پێویستی دەزانم پیرۆزبایی ساڵی تازەی زایینی لە خوشك و براكانم لە بەشەكانی دیكەی كوردستان و ڕەوەندی كوردی لە وڵاتانی دەرەوە بكەم. هیوادارم لە ساڵی 2014ـدا كە هاوكات پێنجسەدساڵەی شەڕی چاڵدیران و دابەشبوونی خاكی كوردستانە، دەستپێكی گەڕانەوەی شكۆ و ماف و خاك بێت بۆ گەلی كورد و دۆزی ڕەوای گەلەكەمان پێشكەوتنی زیاتر بەخۆیەوە ببینێت و كۆتایی بە نەهامەتییەكانی خوشك و براكانمان لە ڕۆژئاوای كوردستان بێت و گەلی كورد لەو بەشەی كوردستان بە مافەكانی شاد ببێت.
بەو ئومێدەی لە ساڵی 2014ـدا ئاشتی و پێكەوەژیان و پێشكەوتن لە هەموو جیهاندا پەرە بستێنێت و چیدی خەڵك بە دەست شەڕ و ئاوارەیی و هەژاری و نەخۆشی نەناڵێنن.
مسعود بارزانی
سەرۆكی هەرێمی كوردستان
31ـی 12ـی 2013
بە خۆشحاڵییەوە ڕۆژی سێشەممە ٣١ـى کانوونی یەکەم، ئەنجوومەنی وەزیرانی عێراق پڕۆژە یاسای بە پارێزگابوونی هەڵەبجەی شەهیدی پەسند کرد و خواستێکی ڕەوای خەڵکی خۆشەویستی هەڵەبجە هاتەدی کە ماوەیەکی زۆر بوو کارمان بۆی دەکرد.
بەم بۆنەیەوە پیرۆزبایی لە خەڵکی خۆڕاگری هەڵەبجەی شەهید دەکەم، خۆشحاڵم کە لە کۆتاییدا ئەو بەڵێنەی بە ئێوەم دابوو هاتەدی. لەماوەی ڕابردوودا هەوڵی زۆرمان دا بۆ ئەوەی بەزووترین کات ئەو کارە ڕێوشوێنە یاساییەکانی تەواو بکات، هەربۆیە ڕۆژی سێشەممە 24/12/2013 لە نامەیەكی فەرمیدا بۆ سەرۆكایەتیی ئەنجوومەنی وەزیرانی حكوومەتی هەرێمی كوردستان داوام کرد لە وردەكاریی ئەو رێوشوێن و هەنگاوانە ئاگادارم بكەنەوە كە حكوومەتی هەرێمی كوردستان و حكوومەتی عێراقی فێدراڵ بەمەبەستی بە پارێزگاكردنی هەڵەبجەی شەهید گرتوویانەتەبەر، ئەوەبوو ڕۆژی 25/12/2013، پڕۆژە یاساى بهپارێزگاكردنى ههڵهبجهى شەهید لەلایەن سەرۆکی ئەنجوومەنی وەزیرانی هەرێمی کوردستانەوە به فهرمى ڕادهستى سهرۆك وهزیرانى عێراقى فیدرال کرا.
ئەگەرچی وەدیهاتنی ئەم دەستکەوتە گرینگە بۆ شاری هەڵەبجەی شەهید ماوەیەکی زۆری پێ چوو، بەڵام دەبوایە ڕێکارە یاساییەکانی تەواو بکات و پڕۆژە یاساکە لە بەغدا پەسند بکرێت.
هەڵەبجەی شەهید سەمبولی قوربانیدانی گەلی کوردە و گرێی بەختی کوردی کردەوە و شایستەی ئەوەیە زۆرترین خزمەتی پێشکەش بکرێت. هیوادارم دوای ئەم بڕیارە گرینگە، شاری هەڵەبجە ببێتە شاری خۆشی و سەمبولی ئاشتی بۆ هەموو جیهان.
خەڵکی ئەو شارە ئازیزە ناخۆشیی زۆریان بینیوە و پێویستە برینەکانیان ساڕێژ بکرێت، بۆیە هیوادارم ئەو ئیدارە نوێیەی لەوێ دادەمەزرێت بە دڵی خەڵکی ناوچەکە بێت و خزمەتێکی شایستەیان پێشکەش بکات.
پیرۆز بێت لە هەڵەبجە، پیرۆز بێت لە کوردستان.
مسعود بارزانی
سەرۆکی هەرێمی کوردستان
١/١/٢٠١٤
جوانترین و گهرمترین پیرۆزبایى به بۆنهى جهژنى سهرى ساڵى نوێى زایینییهوه پێشكهش به ههموو هاووڵاتیانى كوردستان و عیراق و جیهان دهكهین، هیوادارین ساڵى نوێ، ساڵى سهركهوتن و بهدیهاتنى خۆزگه و خهونهكانى كوردستانیان بێت و به ههوڵ و هیممهت و بهشداریى ههموو لایهنهكان، حكوومهتى داهاتووى ههرێمى كوردستان له ئارامى و سهقامگیرییهكى تۆكمهتردا؛ خزمهت و خۆشگوزهرانیى باشتر و زیاتر پێشكهش به هاووڵاتیان بكات.
هاتنى ساڵى نوێ، قۆناغى نوێش لهگهڵ خۆیدا دههێنێت كه تیایدا ههرێمى كوردستان پێویستى به یهكڕیزى و یهكههڵوێستى و ههماههنگى و كارى پێكهوهییى ههموو لایهن و پێكهاتهكانى كوردستان ههیه، بۆ ئهوهى بتوانرێ ئارامى و سهقامگیریى باشتر و ئاوهدانى و خزمهتگوزارى و خۆشگوزرانیى زیاتر بۆ ههموو هاووڵاتیانى كوردستان دابین بكرێت و ههنگاوى گهوره بهرهو پێشكهوتن و گهشهپێدان و بنیاتنانى وڵات له ههموو ڕوویهكهوه بنرێت.
ساڵى نوێ له ههموو كوردستانیان پیرۆز بێت، هیواى شادى و سهركهوتن و ساڵێكى خۆش و ئارام بۆ ههموو لایهك دهخوازین.
ئهنجومهنى وهزیرانى ههرێمى كوردستان
31ى دیسهمبهرى 2013
دوای سەردانەكەی نێچیرڤان بارزانی بۆ بەغدا ،ئەنجومەنی وەزیران عیراق رەزامەندی لەسەر بە پارێزگابوونی هەڵەبجە دا
دوای ئەوەی لە 25ى دیسهمبهرى 2013، نێچیرڤان بارزانى سهرۆك وهزیرانى ههرێمى كوردستان پڕۆژه یاساى به پارێزگاكردنى ههڵهبجهى به فهرمى ڕادهستى سهرۆك وهزیرانى عیراقى فیدرال نوورى مالیكى كرد، پاش ئهوهى ئهویش ڕهزامهندى لهسهر نیشان دا و بڕیار درا بخرێته كارنامهى كۆبوونهوهى داهاتووى ئهنجومهنى وهزیرانى عیراقهوه بۆ ئهوهى بڕیارى لهسهر بدرێت و بنێردرێته پهرلهمانى عیراق، له دانیشتنی ئهمڕۆی ئهنجومهنی وهزیرانی عیراقدا پرسی به پارێزگابوونی ههڵهبجهی شههید گفتوگۆی لهسهر كرا، دواتر به زۆرینهی دهنگ بڕیاری به پارێزگابوونی درا.
د. خهیروڵا حهسهن، وهزیری بازرگانی عیراق، رایگهیاند: له كۆبوونهوهی ئهمڕۆی ئهنجومهنی وهزیراندا، به زۆرینهی دهنگ رهزامهندی درا لهسهر به پارێزگابوونی ههڵهبجهی شههید و كۆبوونهوهكهش بهردهوامه".
پێشتریش وهزیری بازرگانی عیراق رایگهیاندبوو، بڕیاره ئهمڕۆ دانیشتنی ئهنجومهنی وهزیران بهڕێوهبچێت و بهپێی كارنامهی دانیشتنهكه، بڕگهی یهكهم گفتوگۆكردن دهبێت لهسهر پرۆژهیاسای بودجهو بڕگهی حهوتهمیش گفوگۆكردن دهبێت لهسهر پرۆژهیاسای بهپارێزگاركردنی ههڵهبجه.
ئهو وهزیره كورده، تهئكیدیشكردهوه، كه بڕیاری بهپارێزگاركردنی ههڵهبجه لهدهسهڵاتی نوری مالیكی، سهرۆكی وهزیراندا نییه، دهبێت له ئهنجومهنی وهزیراندا وهك ههر پرۆژهیاسایهكی دیكه گفتوگۆی لهبارهوه بكرێت و پاشان بخرێته دهنگدانهوه، بۆ ئهو مهبهستهش مالیكی لهسهر پرۆژهیاساكه نوسیویهتی، له ئهنجومهنی وهزیران بخرێتهڕوو، بهمانای گفتوگۆكردن لهسهری دێت.
جهختیشیكردهوه، كه ئهوان وهكو وهزیره كوردهكانی ئهنجومهنی وهزیران، ههوڵی تهواوی خۆیان داوه بۆ ئهوهی وهزیرهكانی دیكه رازی بكهن به دهنگدان له بهرژهوهندی پرۆژه یاساكه.
سەنتەرى لێکۆلینەوەى ستراتیژى رۆژهەڵاتى ناوەراست، بە ئامادەبوونی دوو مامۆستای زانکۆکانی ئەنقەرە لە وڵاتی تورکیا سیمینارێکى لەسەر رووداوەکانى ئەم دواییەى ناوچەکە بەرێوەبرد.
گرووپی خوێندنەوەکانی کێشمەکێش و هاوکاری لە رۆژهەڵاتى ناوەراست و گرووپی تورکیاناسی و سەنتەرى لێکۆلینەوەى ستراتیژى رۆژهەڵاتى ناوەراست، سیمینارێکى بە ناوەرۆکی "ئێران و تورکیا و گۆڕانکارییەکانی رۆژهەڵاتى ناوەراست" بە ئامادەبوونى دکتۆر "بایرام سینکایا" مامۆستای زانستی سیاسی زانکۆی بیازیتی ئەنقەرە، دکتۆر "محەمەت شاهین" مامۆستای پەیوەندییە نێودەوڵەتییەکانی زانکۆی غازی ئەنقەرە، ئاغاى عباس نووریان توێژەری مەسەلەکانی ناوچەی رۆژهەڵاتى ناوەراست و دکتۆر ئەحمدیان لە کاتژمێر 5 تا 7ی دوانیوەڕۆی رۆژى دووشەمە 9ی ئەیلوول / سێپتەمبەری 2013 (18 شەهریوەری 1392)، لە هۆڵی کۆبوونەوەکانی سەنتەرى لێکۆلینەوەى ستراتیژى رۆژهەڵاتى ناوەراست لە شاری تاران ساز کرد.
دکتۆر "حەمید ئەحمەدی" قائم مقامی سەرۆکی سەنتەرى توێژینەوە و بەرپرسی گرووپی خوێندنەوەکانی کێشمەکێش و هاوکاری لە رۆژهەڵاتى ناوەراست سەرۆکایەتی ئەم سیمینارەی لە ئەستۆ بوو کە دکتۆر ئەحمدیان وتارى خۆی لە سەر گۆرانکاریەکانى سیاسەتى دەرەوەى تورکیا سەبارەت بە هەرێمى کوردستان پێشکەش کرد و هەروەها دکتۆر سینکایا و ئاغاى نووریان سەبارەت بەم بابەتە قسەیان کرد.
هەڤاڵ دکتۆر محمد سدیق (جگەرخوێن) جێگرى نوێنەرى حکومەتى هەرێمی کوردستان لە تاران کە میوانى دانیشتنەکە بوو چەند روونکردنەوەیەکى سەبارەت بە ووتارەکان پێشکەش کرد و وەڵامى پرسیارى ئامادەبووانى دایەوە.
هەر دوو مامۆستاى تورکی زانکۆکانی ئەنقەرە، لەم سیمینارەدا بەرگرییان کرد لە سیاسەتى تورکیا و ئەو گۆرانکاریانەى لەماوەى چەند ساڵى رابردوودا هاتوونەتە پێش و بوونەتە هۆى تێروانینى دیموکراتیانەى دەوڵەتى تورکیا سەبارەت بە وڵاتانى دراوسێ و ناوچەکە و بە تایبەتى هەرێمى کوردستان و خوێندنەوەى باش و بە پێزیان بوو سەبارەت بە هەرێمى کوردستان.
لە وەڵامدانەوەى قسەکانى ئەو و چەند پرسیارى تری ئامادەبوواندا، هەڤاڵ جگەرخوێن وێرای دەربڕینى سوپاسی خۆی بۆ هەر دوو مامۆستاى زانکۆی ئەنقەرە بۆ ووتە زانستى و بێلایەن و بەنرخەکانیان سەبارەت بە کێشەى کورد گووتى: هەر مافێک کە کورد لە عێراق بەدەستیهێناوە بەرهەمى خەبات و تێکۆشانى نزیکەى یەک سەدەى گەلی کورد بووە و چەند بەرانبەرى ئەوەى بەدەستى هێناوە قوربانى بۆ داوە.
دکتۆر جگەرخوێن هەروەها لە درێژەى ووتارەکەیدا تیشکى خستە سەر ووتەکانى جەنابی سەرۆک بارزانى و راگەیاندنى سەرۆکایەتى هەرێم و حکومەتى هەرێمی کوردستان کە کۆنگرەى نەتەوەیی کورد دژى هیچ لایەک نیە و پەیامى ئاشتى و برایەتی دەبێت بۆ هەموو گەلانى ناوچەکە.
More...
سەرۆکى ئوفیسی یونامی نەتەوەیەکگرتوەکان بەشی عێراق و ئێران سەردانى ئۆفیسی نوێنەرایەتى حکومەتى هەرێمى کوردستانی لە تاران کرد
دوایین هەواڵەکان
- «نازم دهباغ» لهگهڵ خاتوو «مایرا کوپێرز» جێگری نوێنەری «یونامی» لە تاران دیداریی کرد
- سهركۆمارى توركيا بهردهواميى پشتگيريى وڵاتهكهى بۆ عێراق و ههرێمى كوردستان دووپات كردهوه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: دهبێ نيشتمان كۆكهرهوهى ههموومان بێت
- سهرۆك نێچيرڤان بارزانى لهگهڵ باڵيۆزى يهكێتيى ئهورووپا كۆبووهوه
- سهرۆكى ههرێمى كوردستان پێشوازى له باڵيۆزى فهرهنسا كرد
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز