سەرلەبەیانیی ئەمڕۆ دووشەممە 19/10/2015 لە تارانی پایتەختی كۆماری ئیسلامیی ئێران، بەڕێز "نێچیرڤان بارزانی" سەرۆك وەزیرانی هەرێمی كوردستان لەلایەن بەڕێز دكتۆر "ئیسحاق جیهانگیری" جێگری یەكەمی سەرۆك كۆماری ئیسلامیی ئێرانەوە پێشوازی لێ كرا.
لە دیدارێكدا بەڕێز جیهانگیری، خۆشحاڵیی خۆی بە سەردانی بەڕێز "نێچیرڤان بارزانی" دەربڕی و باسی لە پەیوەندییەكانی نێوان هەرێمی كوردستان و ئێران كرد و پاڵپشتیی وڵاتەكەی بۆ تۆكمەتركردنی پەیوەندییە دووقۆڵییەكان و سەقامگیریی هەرێمی كوردستان و هاوكاریكردنی هەرێم بۆ ڕووبەڕووبوونەوەی هەر مەترسییەك و بەردەوامیی ئەو هاوكارییانە، پیشان دا.
دەربارەی ڕەوشی سیاسیی هەرێمی كوردستانیش ئەوەی دووپات كردەوە كە پێویستە یەكڕێزیی نێوان لایەنەكانی كوردستان بپارێزرێت و كێشەكان بە ڕێگەی دیالۆگ و لێكگەیشتن چارەسەر بكرێن. هەروەها باسی لە پەیوەندییەكانی نێوان هەرێمی كوردستان و حكوومەتی عیراق كرد بەتایبەتی ئەو كیشانەی لە نێوان هەر دوولادا دروست بوون و ئاماژەی بەوە دا كە پێویستە ئەو كێشانە بە ڕێگەی گفتوگۆ و دیالۆگ چارەسەر بكرێن.
لای خۆیەوە بەڕێز سەرۆك وەزیرانی هەرێمی كوردستان سوپاسی ئەو پێشوازییەی كرد و باسی لە پەیوەندییە دێرینەكانی نێوان هەرێمی كوردستان و كۆماری ئیسلامیی ئێران و هاوكارییەكانی تاران بۆ هەرێمی كوردستان لە كاتە سەختەكاندا بە تایبەتی لە شەڕی دژی تیرۆرستانی داعش كرد كە لە سەرەتای هێرشەكانی داعش هاوكاریی هەرێمی كوردستانیان كردووە و هیوای بەردەوامیی ئەو هاوكارییەكانە و هاوكارییە مرۆییەكان بۆ ئەو ژمارە زۆرەی پەنابەر و ئاوارانە خواست، كە لە ترسی تیرۆر ڕوویان لە هەرێمی كوردستان كردووە.
لەبارەی توندوتۆڵكتركردنی پەیوەندییە ئابوورییەكانی نێوان هەرێمی كوردستان و كۆماری ئیسلامیی ئێرانیشەوە، ئامادەییی هەرێمی كوردستانی بۆ هەر هەماهەنگی و هاوكارییەك دەربڕی. سەبارەت بە بارودۆخی ناوخۆی هەرێمی كوردستانیش، بەڕێزیان پاڵپشتیی كۆماری ئیسلامیی ئێرانی بۆ پاراستنی یەكڕیزیی نێوان لایەنە سیاسییەكان، بەرز نرخاند و دووپاتیكردەوە بۆ هێوركردنەوەی ڕەوشی ئەم دواییەی هەرێمی كوردستان كە چەند ڕووداوێكی نەخوازراوی لێكەوتەوە، حكوومەتی هەرێمی كوردستان ناچار بوو هەندێك هەنگاو بنێت. هەروەها ئاماژەی بە پەیوەندییەكانی نێوان هەرێمی كوردستان و عیراقیش كرد و جەختی لەوە كردەوە لە هەوڵەكانیان بەردەوام دەبن بۆئەوەی ئەو كێشانەی لە نێوان هەولێر و بەغدا هەن، بە ڕێگەی دیالۆگ و گفتوگۆ چارەسەر بكرێن.
هەڵسەنگاندنی بارودۆخی ناوچەكە بە شێوەیەكی گشتی و چەند بابەتێكی پەیوەندار بە هەردوولا، لایەنێكی دیكەی دیدارەكە بوو و هەردو بەڕێزان جەختیان لەوە كردەوە كە پێویستە پەیوەندییە دێرین و دۆستایەتییەكانی نێوان خەڵك و حكوومەتی كۆماری ئیسلامیی ئێران و حكوومەتی هەرێمی كوردستان بەردەوام و بەهێزتر بكرێت.
سەرلەبەیانیی ڕۆژی یەكشەممە 18/10/2015 لە تارانی پایتەختی كۆماری ئیسلامیی ئێران، بەڕێز "نێچیرڤان بارزانی" سەرۆك وەزیرانی هەرێمی كوردستان لە لایەن بەڕێز "عەلی لاریجانی" سەرۆكی پەرلەمانی ئێرانەوە پێشوازی لێ كرا.
لە دیدارێكدا سەرەتا بەڕێز "عەلی لاریجانی" خۆشحاڵیی خۆی بە سەردانی بەڕێز "نێچیرڤان بارزانی" دەربڕی. دواتر باسی لە بارودۆخی گشتیی عێراق و ناوچەكە و پەیوەندییەكانی نێوان هەرێمی كوردستان و كۆماری ئیسلامیی ئێران كرد و ئاماژەی بەوە دا نابێت ڕێگا بدرێت ئاژاوە و ناكۆكی لە هەرێمی كوردستان دروست ببێت كە ناوچەیەكی ئارامە و دەبێت هەوڵ بدرێت بە گفتوگۆ و دیالۆگ كێشەكان چارەسەر بكرێن و ئەولەویەتی كارەكان ڕووبەڕووبوونەوەی مەترسیی تیرۆر و كێشە داراییەكان بێت.
جەختی لەوەش كردەوە كە كۆماری ئیسلامیی ئێران لە هەموو كاتەكاندا پاڵپشت و هاوكاری هەرێمی كوردستان بووە و لەو هاوكارییەشی بەردەوام دەبێت. لە بەشێكی دیكەی قەسەكانیدا باسی لە پەیوەندییەكانی نێوان هەرێمی كوردستان و حكوومەتی عێراقی فیدرال كرد و هیوای خواست كێشەكانی نێوان هەردوولا بە گفتوگۆ و لێكگەیشتن چارەسەر بكرێن.
لای خۆیەوە بەڕێز سەرۆك وەزیرانی هەرێمی كوردستان سوپاسی ئەو پێشوازییەی كرد و هاوكارییەكانی كۆماری ئیسلامیی ئێرانیشی بۆ هەرێم بەرز نرخاند. دووپاتیشی كردەوە ئەو هەنگاوانەی ئەم دواییە هەرێمی كوردستان و حكوومەتی هەرێم ناویانە، بۆ هێوركردنەوەی بارودۆخی هەرێم بووە و گفتوگۆ و دیالۆگیش لە نێوان لایەنە سیاسییەكانی هەرێمی كوردستاندا بەردەوام دەبێت بۆ چارەسەر كردنی گرفتەكانی ناوخۆ.
بەڕێزیان هەروەها دووپاتی كردەوە كە هەوڵ و تەقەلاكان بۆ لەناوبردنی مەترسیی داعش بەردەوامن. جەختی لەوەش كردەوە كە هەرێمی كوردستان بایەخێكی زۆر بە پەیوەندییەكانی لەگەڵ كۆماری ئیسلامیی ئێران دەدات و هیوای بەهێزتركردنی پەیوەندییەكانی خواست. دەربارەی پەیوەندییەكانی نێوان هەولێر و بەغداش جەختی لەوە كردەوە كە هەوڵەكان بەردەوام دەبن بۆئەوەی بە ڕێگەی دیالۆگ و گفتوگۆ كێشانەكانی نێوان هەردوولا چارەسەر بكرێن.
دهربارهى بهشداریى بهڕێز "نێچیرڤان بارزانى" سهرۆك وهزیران ههرێمى كوردستان له كارهكانى كۆنفرانسى ئاسایشى میوونیخ كه دوێنێ له تارانى پایتهختى كۆمارى ئیسلامیى ئێران بهڕێوه چوو، له لێدوانێكى تایبهتدا بۆ ماڵپهڕى فهرمیى حكوومهت، بهڕێز "سامى ئهرگۆشى| سكرتێرى ڕۆژنامهوانیى سهرۆك وهزیران گوتى: بهڕێز "نێچیرڤان بارزانى" له لایهن ئێرانهوه بانگهێشت نهكراوه، بهڵكوو له لایهن كۆنفرانسى ئاسایشى میوونیخهوه وهكوو كهس بانگهێشتى ئهو كۆنفرانسه كراوه كه یهكێك له دانیشتنهكانى له تاران بهڕێوهچوو.
دهربارهى دیدار و چاوپێكهوتنهكانى بهڕێز "نێچیرڤان بارزانى" لهگهڵ وهزیرانى دهرهوهى ئهڵمانیا و ئێران و بهرپرسانى دیكهى كۆمارى ئیسلامیش، بهڕێز ئهرگۆشى گوتى: ئهم دانیشتنهى كۆنفرانسى ئاسایشى میوونیخ له تاران ساز كراوه، بۆیه ئاساییه بهڕێز سهرۆك وهزیرانى ههرێمى كوردستان كه یهكێك له گهورهترین كهسایهتییه بانگهێشتكراوهكانى كۆنفرانسهكه بوو، له پهراوێزى كۆنفرانسهكهدا دیدار و چاوپێكهوتن لهگهڵ بهشدارانى دیكهى كۆنفرانسهكه و بهرپرسانى ئهو وڵاتهدا ساز بكات.
سهبارهت به بهڕێزان یاوهرانى بهڕێز سهرۆك وهزیرانیش لهم سهردانهیدا بۆ تاران، گوتى: له حكوومهتى ههرێمى كوردستان، تهنیا بهڕێز "سهفین دزهیى" یاوهریى بهڕێزیانى كردووه و له تارانیش بهڕێز "نازم دهباغ" نوێنهرى حكوومهت لهو وڵاته، بهشدارى له دیدار و چاوپێكهوتنهكانى بهڕێز سهرۆك وهزیراندا كردووه. سهربارهت به د. "ڕۆژ نوورى شاوهیس" ئهندامى مهكتهبى سیاسیى پارتى دیموکراتى كوردستان، ئهویش به ههمان شێوه وهكوو كهس بانگهێشتى كۆنفرانسهكه كراوه.
نێچیرڤان بارزانی داوای هاوکاریی زیاتری ئـەڵمانیا دەکات
هەر لەمیانی بەشداریكردنی لە كۆنفرانسی جیهانیی میوونیخ لە تارانی پایتەختی كۆماری ئیسلامیی ئێران، ئێوارەی ئەمڕۆ شەممە 17/10/2015 بەڕێز "نێچیرڤان بارزانی" سەرۆك وەزیرانی هەرێمی كوردستان لەگەڵ بەڕێز "فراك ڤالتەر شتاینمایەر" وەزیری دەرەوەی ئەڵمانیا كۆبووەوە.
لە دیدارێكدا سەرەتا بەڕێز سەرۆك وەزیرانی هەرێمی كوردستان كورتەیەكی لەبارەی دوا پێشهاتە سەربازی و سیاسییەكانی هەرێمی كوردستان خستە ڕوو، بەتایبەتی لە بواری سیاسی و ئەو گرفتانەی كە هاتنە ئـاراوە. لەمبارەیەشەوە ئاماژەی بەوە كرد كە دوا پێشهاتە سیاسییەكانی هەرێمی كوردستان نەخوازراو بوون و هەوڵ و تەقەلاكان بۆ هێوركردنەوەی بارودۆخەكە بەردەوامن و دیالۆگ و گفتوگۆ لە نێوان لایەنە سیاسییەكاندا دەستی پێكردووە بۆ ئەوەی بە هەموو لایەك بتوانن كێشەكان چارەسەر بكەن بە شێوەیەك زیاتر جەخت لەسەر بابەتە سەرەكییەكانی وەك ڕووبەڕووبوونەوەی تیرۆرستانی داعش و چارەسەركردنی قەیرانی دارایی، بكەنەوە.
هەروەها بەڕێزیان باسی لە پەیوەندییەكانی نێوان هەرێمی كوردستان و ئەڵمانیا كرد و سوپاسی گەل و حكوومەتی ئەڵمانیای كرد كە لە شەڕی دژی تیرۆرستانی داعش لە ڕووی سەربازییەوە هاوكاریی پێشمەرگەیان كردووە كە كاریگەرییەكی زۆری لەسەر مەیدانی جەنگ هەبووە، بە جۆرێك سەنگی هێز لە بەرژوەندیی پێشمەرگە شكاوەتەوە و هیوای خواست ئەم هاوكاریانەیان بەردەوام بن.
دەربارەی پەیوەندییەكانی نێوان هەولێر و بەغداش، بەڕێز "نێچیرڤان بارزانی" جەختی لە بەردەوامیی گفتوگۆ و دیالۆگ لە نێوان هەردوولادا كردەوە بە مەبەستی چارەسەركردنی ئەو كێشانەی لە نێوانیاندا هەن، بە جۆرێک لە بەرژوەندیی هەرێمی كوردستان و حكوومەتی عیراقدا بێت.
لای خۆیەوە بەڕێز شتاینمایەر سوپاسی بەڕێز سەرۆك وەزیرانی هەرێمی كوردستانی كرد بۆ دیدارەكە و دەستخۆشی لە خەڵكی كوردستان و پێشمەرگە كرد بۆ ڕووبەڕووبوونەوەی تیرۆرستانی داعش و تێكشكاندنی هێرشەكانیان، دووپاتیشی كردەوە كە لە هاوكارییە سەربازییەكانیان بۆ پێشمەرگە بەردەوام دەبن. دەربارەی بارودۆخی سیاسیی هەرێمی كوردستانیش، خوازیار بوو كێشەكان بە ڕێگەی دیالۆگ و گفتوگۆ دوور لە هەر توندوتیژییەك چارەسەر بكرێن و یەكڕێزیی نێوان لایەنە سیاسییەكان بپارێزرێت و ئەولەویەتی كارەكانیان ڕووبەڕووبوونەوەی تیرۆر بێت.
هەڵسەنگاندنی بارودۆخی ناوچەكە بە شێوەیەكی گشتی و پەیوەندییە دووقۆڵییەكانی نێوان هەرێمی كوردستان و ئەڵمانیا، لایەنێكی دیكەی دیدارەكە بوو و لەمبارەیەشەوە هەردوولا بیروڕایان ئاڵوگۆڕ كرد.
دوای كۆتاییهاتنی كۆنفرانسی میوونیخ، بەڕێز "محەمەد جەواد زەریف" وەزیری دەرەوەی ئێران ئێوارە خوانێكی دیپلۆماسی بۆ بەشدارانی كۆنفرانسەکە ڕێكخست و بەڕێز سەرۆک وەزیرانی هەرێمی کوردستان نێچیرڤان بارزانیش بەشداری تیادا کرد۰
لە چوارچێوەی بەشداریكردنی لە كۆنفرانسی جیهانیی میوونیخ كە سەرلەبەیانیی ڕۆژی شەممە 17/10/2015 لە تارانی پایتەختی كۆماری ئیسلامیی ئێران دەستی بە كارەكانی كرد، ئێوارەی ئەمڕۆ بەڕێز "نێچیرڤان بارزانی" سەرۆك وەزیرانی هەرێمی كوردستان لەگەڵ بەڕێز "محەمەد جەواد زەریف" وەزیری دەرەوەی ئێران كۆبووەوە.
لە دیدارەكەدا بەڕێز زەریف خۆشحاڵیی خۆی بۆ بەشداریی شاندی حكوومەتی هەرێمی كوردستان بە سەرۆكایەتیی بەڕێز نێچیرڤان بارزانی لە كۆنفرانسی میوونیخ دەربڕی. دواتر باسی بارودۆخی هەرێمی كوردستان و ناچەكە بە گشتی كرد و ئاماژەی بە هەوڵی بەردەوامی لایەنە سیاسییەكانی كوردستان دا بۆ باشتركردنی بارودۆخی هەرێمی كوردستان و دەستخۆشی لە حكوومەت و خەڵكی هەرێمی كوردستانیش كرد كە توانیویانە بە سەر مەترسی و هەڕەشەكانی تیرۆرستانی داعشدا زاڵ بن و هیوای خواست هەموو لایەنەكان هاوكاریی زیاتر لە نێوانیاندا هەبێت بۆ بنەبڕكردنی ئەو مەترسییە.
هەروەك باسی لەو پاڵپشتیانەی وڵاتەكەی بۆ خەڵكی هەرێمی كوردستان كرد لە ڕۆژە سەختەكاندا پێشکەشی کردوون و دووپاتی كردەوە كە لە هاوكاری و پاڵپشتییەكانیان بۆ هەرێمی كوردستان بەردەوام دەبن.
لای خۆیەوە بەڕێز سەرۆك وەزیرانی هەرێمی كوردستان سوپاسی ئەو پێشوازییەی بەڕێزیانی كرد و دەستخۆشی لێكرد بەرامبەر بە گەیشتن بە ئەنجام لە گفتوگۆ ئەتۆمییەكاندا لەگەڵ وڵاتانی پێنج كۆ یەك و هیوای خواست ئەم ڕێككەوتنە ببێتە مایەی سەقامگیری و پەرەپێدانی پەیوەندییەكانی نێوان كۆماری ئیسلامیی ئێران و هەرێمی كوردستان بە تایبەتی لە بواری ئابووریدا بە شێوەیەك کە ببێتە هۆكاری پەرەسەندنی زیاتری بواری ئابووری لە نێوان هەردوو لایەندا.
هەروەها سوپاسی كۆماری ئیسلامیی ئێرانی كرد كە لە كاتە ساختەكاندا هاوكار و پاڵپشتی خەڵكی هەرێمی كوردستان بوونە بە تایبەتی لە شەڕی دژی تیرۆرستانی داعش و هەر ئەمەش لە كۆماری ئیسلامیی ئێران چاوەڕوان دەكرا.
گفتوگۆكردنی بارودۆخی ئێستای عێراق و ناوچەكە و شەڕی دژی تیرۆرستانی داعش و پەیوەندی نێوان هەولێر و بەغدا و دانوستانی نێوان لایەنە سیاسییەكانی هەرێمی كوردستان لەبارەی پرسی سەرۆكایەتی هەرێم و چەندین بابەتی دیكەی پەیوەندار بە هەردوولا، لایەنێكی دیكەی دیدارەكەبوو.
جەلال ساعیدپەناە خەڵاتی فیستیڤاڵی فیلمی "بلاک"ی بەڕڵینی بەدەستھێنا
مەنسوور جیھانی ـ کورتە فیلمی "ڕەش و سپی" لە دەرھێنانی "جەلال ساعیدپەناە" خەڵاتی باشترین کورتە فیلمی ٣٠مین خولی فیستیڤاڵی نێودەوڵەتی فیلمی "بلاک" لە بەڕڵینی بەدەستھێنا.
کورتە فیلمی چیرۆکی "ڕەش و سپی"Black and white لە دەرھێنانی سینەماکاری کورد "جەلال ساعیدپەناە" و لە بەرھەمھێنانی بەشی سینەمای دھۆک لە ھەرێمی کوردستان، لە نوێترین بەشداری نێونەتەوەیی خۆیدا لە بەشی پێشبڕکێی "گێڕانەوەی ئێکسپێرسیۆنیستی فیلم" لە میانەی ٣٠مین خولی فیستیڤاڵی نێودەوڵەتی فیلمی "بلاک"ی بەڕڵین لە دوو کاتی جیاوازدا لە وڵاتانی ئەڵمانیا و ئەمەریکا چووە سەر پەردەی سینەماکان و تەوانی خەڵاتی باشترین کورتە بەشی پێشبڕکێی ئەم فیستیڤاڵە بەدەست بێنێت.
کۆمپانیای سینەمایی "ستاک فیلمی سنە" بە بەرپرسیارییەتی "سەتار چەمەنی گوڵ" و خاتوو "ڤیدا ساڵحی" کە کورتە فیلمی "ڕەش و سپی" لە ئاستی دنیادا بە شێوەی نێودەوڵەتیی بڵاودەکرێتەوە، لەم خولەی فیستیڤاڵی نێودەوڵەتی فیلمی "بلاک"ی بەڕڵیندا بە ١١ فیلم و لە بەشی نمایشی تایبەتی "ستاک فیلم" و ھەروەھا بەشی پێشبڕکێی ئەم فیستیڤاڵەدا بەشدارییەکی بەرچاوی ھەبوو.
کورتە فیلمی "ڕەش و سپی" تا ئێستا لە کۆمەڵێک فیستیڤاڵی جۆراوجۆر لە ئاستی دنیادا نمایشکراوە، لەوانە: لە بەشی پێشبڕکێی پێنجەمین خولی فیستیڤاڵی نێودەوڵەتیی فیلمی "یەک وڵات، یەک فیلم" لە فەڕەنسا، لە بەشی پێشبڕکێی "شەقامەکان"ی بیست و چوارەمین خولی فیستیڤاڵی نێودەوڵەتی فیلمی "میدیاوەیڤ" لە ھەنگاریا، لە بەشی پێشبڕکێی فیستیڤاڵی نێودەوڵەتیی کورتە فیلمی ھیندستان ISFFI، لە حەڤدەیەمین خولی فیستیڤاڵی نێودەوڵەتیی فیلمی "زانزیبار" لە تانزانیا، لە سی و یەکەمین خولی فیستیڤاڵی نێودەوڵەتیی کورتە فیلمی "تاران"، لە دەیەمین خولی فیستیڤاڵی نێودەوڵەتیی فیلمی "ئاکبانک" لە تورکیا، لە فیستیڤاڵی نێودەوڵەتیی فیلمی "ئێسجاردی" لە ئیتالیا، لە فیستیڤاڵی نێودەوڵەتیی فیلمی "ئیستانبوول" لە تورکیا، لە فیستیڤاڵی نێودەوڵەتیی فیلمی "بانکۆک" لە تایلەندا و ھەروەھا چەندین فیستیڤاڵی نێودەوڵەتی دیکە.
ئەم فیلمە بە بەشداریی لەم فیستیڤاڵانە چەندین خەڵاتی گرینگیشی بەدەستھێناوە، لەوانە: خەڵاتی ئەنستیتۆی گۆتەی ئەڵمانی بۆ باشترین کورتە فیلمی بەشی پێشبڕکێی کورتە فیلمەکانی دووەمین خولی فیستیڤاڵی نێودەوڵەتی فیلمی دھۆک لە ھەرێمی کوردستان، خەڵاتی باشترین فیلم و تەندیسی فیستیڤاڵ بە ناونیشانی باشترین پەیامی "سەبر و خۆڕاگریی" لە بەشی پێشبڕکێی یەکەمین خولی فیستیڤاڵی نێودەوڵەتیی فیلمە ماناییەکانی "فرێسکۆ" لە ئەرمەنیستان، خەڵاتی باشترین وێنەگرتن لە بەشی پێشبڕکێی شەشەمین خولی فیستیڤاڵی نێودەوڵەتیی فیلمی "جەیپوور" لە ھیندستان، خەڵاتی دووەمی باشترین فیلم و تەندیسی نوقەریی تایبەتی ئەندامانی لێژنەی دادوەرانی بەشی پێشبڕکێی نێودەوڵەتیی سی و حوتەمین خولی نەتەوەیی و بیستەمین خولی نێودەوڵەتیی فیستیڤاڵی نێونەتەوەیی کورتە فیلمی "دراما" لە یۆنان، خەڵاتی باشترین وێنەگرتن لە بەشی پێشبڕکێی ھەژدەیەمین خولی فیستیڤاڵی نێونەتەوەیی فیلمی "ئاوانکا" لە پورتوگال و ھەروەھا دیپڵۆمای فەخری باشترین دەرھێنان لە بیست و حەوتەمین خولی فیستیڤاڵی نێودەوڵەتیی فیلمی "منداڵان و مێرمنداڵان" لە شاری ئیسفەھان لە وڵاتی ئێران.
ستافی ئامادەکردنی کورتە فیلمی "ڕەش و سپی" بریتین لە:
نووسەری سیناریۆ و دەرھێنەر: جەلال ساعیدپەناە، بەرھەمھێنەر: بەشی سینەمای دھۆک لە ھەرێمی کوردستان و جەلال ساعیدپەناە، بەڕێوەبەری بەرھەم: سەتار چەمەنی گوڵ، ئەکتەرەکان: سارینا تەرەقی، سینا فەیزی، کاڵە ڕەشیدی، ئەفشین خدری، مێھدی فەیزی و چەندین ئەکتەری دیکە، وێنەگر: ئەمیر عەلی وەیسی، یاریدەدەری وێنەگر: سیروان خزری، فۆتۆگرافەر: ئیبراھیم عەلیپوور، دەنگدانەر: بەھمەن ئەردەڵان، دەنگھەڵگر: قادر قادری، مونتاژ: لوقمان سوخەنوەر و مەرجان شیرازی، بەرنامەداڕێژ و یاریدەدەری یەکەمی دەرھێنەر: ڤیدا ساڵحی، یاریدەدەری دەرھێنەر: ئەمیر ناھیدی، دیزاینی سەحنە: جەلال ساعیدپەناە، یاریدەدەری یەکەمی سەحنە: سەلاح ساعیدپەناە، بەڕێوەبەری سەحنە: مێھدی خەلیلی، مونشی سەحنە: نەسرین میرەکی، بەڕێوەبەری ئابووری: ساڵح عارف، بەڕێوەبەرایەتیی ڕاگەیاندنیی گشتیی: مەنسوور جیھانی و مەنووچێھر جیھانی و بەڕێوەبەری تەدارەکات: سادق فەلاحی.
شوان عەتووف کورتە فیلمی "باخەکەی باوکم" بەرھەم دەھێنێت
مەنسوور جیھانی ـ کورتە فیلمی "باخەکەی باوکم" لە نووسین و دەرھێنانی سینەماکاری کورد "شوان عەتووف" ئامادەی نمایش کردنە.
(سوێند بە مناڵیت کورم... پەشیمانی لەوەی چەقۆکەشت گرت بەدەستەوە... سوێند بە پەشیمانیت کورم ... بەر لە مردن گوڵەکە ئەبینی) ئەمە دوا وشەکانی باوکی موجاھیدێکی کوردیی پەشیمانە ...، کە لەت لەت بووە لە نێوان باخ و گوڵ و تەسەوف و باوکی و جیھاد و سەربڕین و ئەمیرەکەی ...کە قارەمانی چیرۆکی کورتە فلمەکەی شوان عەتووفە.
کورتە فیلمی "باخەکەی باوکم" My Father’s Gardenلە سیناریۆ و دەرھێنانی سینەماکاری کورد "شوان عەتووف"ـە و دووەمین ئەزموونی ئەم فیلمسازەیە دوای دەرھێنانی کورتە فیلمی "ماڵ و کلیل".
ئەم کورتە فیلمە ١٣ خولەکییە بە سپۆنسەری سەرەکیی ھۆتێل "ڕامادا" وا بڕیارە لە رێگەی کۆمپانیای "ئای لۆڤ فیلم"ـەوە بۆ فیستیڤاڵە جیھانییەکانی فیلم بنێردرێت. لە داھاتوودا زانیاریی زیاتر سەبارەت بەم فیلمە نوێیەی "شوان عەتووف" بڵاودەکرێتەوە.
ستافی ئامادەکردنیی کورتە فیلمی "باخەکەی باوکم" بریتین لە:
نووسین و دەرھێنان: شوان عەتووف
نواندن: شانۆ عومەر، کامەران مەنسوور، بەھائەدین عزەبانی و شاڵاو جەمال
فۆتۆ گرافەر: ھەرێم جەمال
بەڕێوەبەریی بەرھەم: ئازاد پێنجوێنی
ڕووناکی: دانا جەمال
دەنگ: کاسیان عەلی
بەڕێوەبەریی ڕاگەیاندنی گشتیی: مەنسوور جیھانی
بەڕێوەبەریی وێنەگرتن: ھەردی سەلامی
مونتاژ و پاش بەرھەمھێنان (ئای لۆڤ فیلم): دانەر عومەر
یاریدەدەریی دەرھێنەر: ئەژین کاوە و بڕیار بەختیار
بەرھەمھێنەر: شوان عەتووف و نزار سەلامی
کۆمپانیای جێی بەجێی کار: گرافیکا بلو
کۆمپانیای دابەشکردن: ئای لۆڤ فیلم
سپۆنسەریی سەرەکیی: ھۆتێل ڕامادا
نێچیرڤان بارزانی: لە چەند هەفتەی داهاتوودا، قۆناغی نوێی حكوومەتی هەرێمی كوردستان دەستپێدەكات
دەقی وتاری تەلەفزیۆنی بەڕێز نێچیرڤان بارزانی سەرۆك وەزیرانی هەرێمی كوردستان لەبارەی ڕەوشی ئەمڕۆی كوردستان.
هاووڵاتیانی بهڕێز، ئهم كاتهتان باش
ئێستا كاتی خۆیهتی ههڵسهنگاندێك بۆ وڵاتهكهمان بكهین.
وهك سهرۆك وهزیران، دهمهوێت ڕوونكردنهوهیهك دهربارهی ڕووداوهكانی ههفتهی ڕابردوو بدهم، و پاشان باس لهوه بكهین كه چی بكهین؟ لهم ڕۆژانهدا خۆپیشاندانی ئاشتیانه و ڕهوا، له لایهن بهرژهوهندیی تهسكی سیاسییهوه ڕفێندرا. ئهو دهسته نابهرپرس و بێ لێپرسینهوانه، ههوڵیان دا پێكهاتهی ههرێمی كوردستان لهبهریهك ههڵوهشێننهوه.
ئهگهرچی ئهمه بۆته هۆی دروستبوونی تووڕهیی لای گرووپێكی بچووك، بهڵام بڕیاری بهرپرسانه و میانڕهوانهی زۆرینه سهركهوت. چونكه ئێمه به قۆناغێكی سهختی ژیانی سیاسیماندا تێدهپهڕین، جێی سهرسوڕمان نییه كه ههندێك كهس دهیانهوێت دهنگی ناڕهزاییی خۆیان بهرز بكهنهوه. ئهوهی جێی خۆشحاڵییه ئهوهیه كه ههره زۆرینهی گهلی ههرێمی كوردستان، له ههمان كاتدا پهیامی خۆڕاگری دووباره دهكاتهوه.
ئێمه له ڕابردووی دوور و نزیكماندا به قۆناغی زۆر لهمه سهختتردا تێپهڕیوین. لهو باوهڕهدام ئهگهر نههامهتیی ئێمه بهسهر میللهتێكی دیكهدا بهاتبایه، چۆكی پێدادهدان. ئێمه كاراونی خۆڕاگریمان ههر بهردهوامه.
دهمهوێت دهربارهی خۆپیشاندانهكانی ههفتهی ڕابردوو، ڕاشكاو بم.
ڕادهربڕین له ڕێی خۆپیشاندانی ئاشتیانهوه، مافی بنهڕهتیی هاووڵاتییه و بهشێكی گرنگی دیموكراسیی ههرێمه. بهڵام منیش، وهك گشت هاووڵاتی و سهرۆكایهتیی بهرپرس، زۆر دڵتهنگم به ڕووداوهكانی قهڵادزێ، كهلار و شار و شارۆچكهكانی دیكه.
له ناخی دڵمهوه سهرهخۆشی له خێزانی ئهو شههیدانه دهكهم هیوای چاكبوونهوه بۆ بریندارهكان دهكهم كه به بێ گوناه كهوتنه بهر هێرشی ناڕهوا. ئهم جۆره ههڵسوكهته گهل دابهش دهكات. دوژمنهكامان، كه به ئاشكرا پیرۆزباییان له خۆیان و لهو نابهرپرسانه دهكرد، زیاتر خۆشحاڵ دهكات. بهڵام من به ئاشكرا دهبینم كه هاووڵاتی و سهركردایهتیی بهرپرس دهڵێن دهبێت ژیرانه مامهڵه لهگهڵ ئهم بارهودۆخه ناسكهدا بكهین. فیتنهگێڕی، له ههر لایهك و كهسێكهوه سهرههڵبدات، نابێت ببێته هۆی زیادهڕۆیی.
زۆر سوپاسی فهرماندهییی هێزی پێشمهرگه، ڕێكخراوه ناحكوومهیهكان و پیاوانی ئایینی بكهم، كه داوای پاراستنی ئارامی و ئاسایشی ههرێمی كوردستان دهكهن. سوپاسی ئهو كهسانهش دهكهم كه خۆیان له بهشداریی شهڕی میدیایی و تۆڕی كۆمهڵاتی دوور دهخهنهوه، تا ڕێ له دابهشكردنی پتری هاووڵاتیان بگرن. بهڵام ناكرێت ئهو هێز و بهرژهوهندیه سیاسیانه لهبیر بكهین كه بهمهبهستی سوودی كورتخایهنی خۆیان، ئاگریان هاویشته ماڵی هاوبهشمان.
كاتی پێكهێنانی ئهم كابینهیه، بهوپهڕی باوهڕهوه كارم بۆ بههێزكردنی یهكڕیزیمان له چوارچێوهی ڕێككهوتنی حكوومهتێكی هاوبهشدا كرد. بهداخهوه، ئهوانهی قسهی شیرینیان بۆ پاراستن و پتهوكردنی دیموكراسی و چوارساڵی حكومڕانیی ئارام و بهرپرسانه دهكرد، له ڕێككهوتنی هاوبهشمان لایان دا.
ههندێكیان نائارامییان گهیانده ئهوپهڕی نابهرپرسی و بڵاوكردنهوهی دهنگوباسی بێ بنهما و دوور له ڕاستی. ههروهك دهزانن بارودۆخی نائارام و هێرشی ناڕهوا وای كرد داوا له چوار وهزیر بكهم كه حكوومهت جێ بهێلن. له ڕاستیدا ئێمه هاوكاریمان لهگهڵ خودی وهزیرهكاندا زۆر باشبوو، بهڵام ههڵسوكهوتی سهركردایهتیان بهردهوام خهریكی بنكۆڵكردنی حكوومهتی ههرێمی كوردستان بوو. وهك سهرۆك وهزیران، نهدهكرا ئهو بڕیاره نهدهم.
من دهزانم و تێدهگهم خهڵك نائومێده له وهی سیاسییهكانمان كاتێكی زۆریان بهسهربردووه لهسهر وردهكاریی سهرۆكایهتیی ههرێم، لهوهی كه ئێمه له بری حكومڕانی، پتر سیاسهت دهكهین. ههندێك دهڵێن دهبێ لهسهر گشت وردهكارییهك ڕێكبكهوین، ههندێك دهڵێن با هاووڵاتی بڕیار بدات.
ههموومان نیگهرانی ئهم دۆخه نالهبارهین. حیزبی ئێمهش بهوپهڕی توانای خۆیهوه ههوڵدهدات بۆ دۆزینهوهی چارهسی گونجاو لهم بوارهدا، بهڵام نهك ههر چارهسهرێك له قهیرانێكهوه بمانخاته قهیرانێكی تر. من باوهڕی تهواوم ههیه كه دهبێت هاووڵاتی به دهنگی خۆی بڕیار لهسهر پرسی سهرۆكایهتی بدات. ئهمه مافی بنهڕهتیی ههموومانه. ئهگهر نا، له ڕاستیدا دهسهڵاتی بڕیاردان دهدهین به كهسانێك كه گهل ناتوانێت لێیان بكۆڵێتهوه.
منیش وهك ئێوه لهو باوهڕهدام كه خهڵكی ههرێمی كوردستان سهركردایهتیهكی بههێزی دهوێت. بههێزی، نهك بهو مانایهی كه خۆمان له گرفت و كێشهكان گێل بكهن. نه بهو مانایهش كه گرفت و كێشهكان له ههموو شوێنێدا بدۆزینهوه، بێ دهسنیشانكردنی چارهسهری گونجاو و بنیادنهرانه. بههێزی، واته بوێرانه و به باوهڕبهخۆبوونهوه، دان به گرفت و كێشهكانماندا بنێین، ڕووبهڕوویان ببینهوه و چارهسهری گونجاویان بۆ دیاری بكهین. بێگومان له ماوهی چهند مانگی ڕابردوودا، دهنگی ناڕهزاییی خهڵكم بیستووه. ئێمه بهردهوام گوێمان لێ گرتوون.
دهزانین كه فهرمانبهران و كارمهندانی بهوهفای حكوومهت، چهندین مانگه مووچهی ڕهوای خۆیان وهرنهگرتووه. سهرباری مهترسی و هێرشی دهرهكی، بهوپهڕی توانامانهوه ههوڵمانداوه سهرچاوهی پێویست بۆ ههرێمی كوردستان دابین بكهین. ئامانجی سهرهكیی من وهك سهرۆك وهزیران سهربهخۆیی ئابووریی ههرێمی كوردستانه، تا ئێمه بههێزهوه لهسهر پێی خۆمان بوهستین.
ههندێك سیاسهتمهدار ههوڵیاندا ئهم گهشتهمان سهختتر بكهن، بهڵام به دڵیناییهوه دهڵێم سهرباری دروستكردنی ڕێگری له گهشه و گۆڕانكاریمان، ئێمه ههر دهگهینه ئامانجمان.
ئا لهم كاته ناسكهدا ئێمه پێویستمان به حكوومهتێكی سهقامگیر و كارا ههیه بۆ بهڕێكردنی خزمهتگوزاری و كاری ڕۆژانهی هاووڵاتیان. له چهند ههفتهی داهاتوودا قۆناغی دووهمی حكوومهت و كاره سهركییهكانی دهستنیشان دهكهین. ههروهها به ئاسانی واز له داخوازیی یهكڕیزیی گهلهكهمان ناهێنم.
خوێنی پشمهرگه نه زهرده و نه سهوزه. ئهوان ههرێمی كوردستان به گشت پێكهاتهكانیانهوه دهپارێزن. شهونخوونی و ژیانبهخشیی هێزی پێشمهرگه و ئاسایش و پۆلیس و دهزگا ئهمنییهكان بۆ ئایندهیهكی گهشه بێ جیاوازیی ئایدیۆلۆژی، حزبی و ناوچهگهری، كۆمهڵایهتی و ئایینی. وهك زۆربهی ههره زۆری خهڵكی ئهم وڵاته خۆشهیسته دهزانم كه بهرژهوهندی و خاڵی هاوبهشمان گرنگتره له جیاوازیی بچووكمان.
مێژووی خهبات و قوربانیمان هاوبهشه، داهاتووی گهشمان پێكهوه بههێزتره له خواستی ناحهزانمان. با پێكهوه ههموومان ههلومهرجی سهختی ئهمڕۆمان بهكار بهێنین بۆ دروستكردنی ئاییندهیهكی گهش و هاوبهش بۆ خۆمان و نهوهی نوێمان.
له قووڵاییی دڵمهوه سوپاسی خۆڕاگریتان دهكهم.
سەرۆكی هەرێمی كوردستان پێشوازی لە نوێنەری تایبەتی سكرتێری گشتیی نەتەوە یەكگرتووەكان لە عێراق دەكات
ڕۆژی چوارشەممە 14ـی 10ـی 2015 لە شاری هەولێر بەڕێز مەسعود بارزانی سەرۆكی هەرێمی كوردستان پێشوازی لە جۆن كۆبینز نوێنەری تایبەتی سكرتێری گشتیی نەتەوە یەكگرتووەكان لە عێراق كرد.
لەم كۆبوونەوەیەدا نوێنەری تایبەتی سكرتێری گشتیی نەتەوە یەكگرتووەكان لە عێراق ڕاوبۆچوونی خۆی لەبارەی بارودۆخی ناوخۆی هەرێم و گرژییەكانی حەفتەی ڕابردوو بۆ سەرۆك بارزانی باس كرد و نیگەرانیی خۆی لەبەرانبەر گرژییەكان نیشاندا بە تایبەت كە توندوتیژی و هێرشكردنە سەر بارەگای لایەنەكان ئاكامی خراپی دەبێت و چارەسەری كێشەكان ناكات. هەروەها ئەوەیشی خستەڕوو كە سەقامگیریی هەرێمی كوردستان زۆر گرنگە بە تایبەت كە تەحەدیاتی ئابووری و شەڕی داعش ڕووبەڕووی هەرێمی كوردستان بووەتەوە. نوێنەری تایبەتی سكرتێری گشتیی نەتەوە یەكگرتووەكان لە عێراق ستاییشی بانگەوازی هێزی پێشمەرگەی كوردستانی كرد كە لە سەنگەری شەڕی داعش ئاراستەی لایەنە سیاسییەكان كرا بوو. ئامادەیی ڕێكخراوی نەتەوە یەكگرتووەكانیشی ڕاگەیاند كە هاوكاری لایەنە سیاسییەكان بێت بۆ چارەسەركردنی كێشەكان و داوای دانوساندن و لێكنزیكبوونەوەی لایەنەكانی كرد.
هەڕەشەی تیرۆریستان و بارودۆخی سیاسیی ناوچەكە و دوا گۆڕانكارییە سیاسی و ئەمنییەكان تەوەرێكی دیكەی كۆبوونەوەكە بوو.
سەرۆكی هەرێمی كوردستان پێشوازی لە شاندێكی هاوبەشی كۆماریخوازانی هەردوو ئەنجوومەنی پیران و نوێنەرانی ئەمەریكا دەكات
ڕۆژی چوارشەممە 14ـی 10ـی 2015 لە شاری هەولێر بەڕێز مەسعود بارزانی سەرۆكی هەرێمی كوردستان پێشوازی لە شاندێكی هاوبەشی كۆماریخوازانی هەردوو ئەنجوومەنی پیران و نوێنەرانی ئەمەریكا كرد كە پێكهاتبوون لە سێناتۆر میچ مەككۆنێڵ سەرۆكی زۆرینەی كۆماریخوازانی ئەنجوومەنی پیران و سێناتۆر تۆم كوتون و سێناتۆر مایك ڕۆندز و سێناتۆر جۆنی ئیرنست و ئاندی بار ئەندامی كۆماریخوازی ئەنجوومەنی نوێنەرانی ئەمەریكا و ستیوارت جۆنز باڵیۆزی ئەمەریكا لە عێراق و ماتیوس میتمان كونسوڵی ئەمەریكا لە هەولێر و ژمارەیەك فەرماندەی سوپای ئەمەریكا لە عێراق و ڕاوێژكاری كۆنگریسی ئەمەریكا.
لە دیدارەكەدا شاندی میوان ستاییشی بڕوابەخۆبوون و قارەمانێتی و خۆڕاگریی هێزی پێشمەرگەی كوردستانیان كرد و سەرسامیی خۆیشیان بە سەقامگیری و پێشكەوتنی گەلی كوردستان نیشاندا و ئەوەیان بە سەرۆك بارزانی ڕاگەیاند كە هەموو جیهان بە بایەخەوە سەیری پێگە و ڕۆڵی هەرێمی كوردستان دەكات. شاندی كۆماریخوازی كۆنگریسی ئەمەریكی پاڵپشتیی تەواوی خۆیان بۆ سەقامگیریی هەرێمی كوردستان و پشتیوانیكردنی هێزی پێشمەرگە و پڕچەككردنی ڕاگەیاند و ئەویان خستەڕوو كە بەردەوام دەبن بۆ هەوڵەكانیان بۆ یارمەتیدان و پاراستنی هەرێمی كوردستان. هەر لەم دیدارەدا ئەندامانی شاندی میوان داوایان كرد كە گوێبیستی ڕاوبۆچوونی سەرۆك بارزانی بن لەبارەی شەڕی تیرۆریستان و دوا پەرەسەندنە سیاسی و ئەمنییەكان و بارودۆخی ناوچەكە و سووریا و هەروەها كێشە و گرفتەكانی هەرێم و پێداویستییەكانی هێزی پێشمەرگەی كوردستان.
لەبەرانبەردا سەرۆك بارزانی بە گەرمی بەخێرهاتنی شاندی میوانی كرد و سوپاسی گەل و سەرۆك و حكوومەت و سوپای ئەمەریكای كرد كە پاڵپشتی هەرێمی كوردستان بوونە و ئاستی هەماهەنگیی نێوان هێزی پێشمەرگە و سوپای ئەمەریكای بە نموونەیی وەسف كرد و خۆشحاڵیی خۆیشی نیشاندا كە هەماهەنگییەكە بە شێوەیەك بووە كە هەتا ئێستا خەڵكی سڤیل بۆ یەكجاریش نەكراونەتە ئامانج و ئەوە خۆی لەخۆیدا سەركەوتن و دەستكەوتە بۆ سوپای ئەمەریكا و هێزی پێشمەرگە. سەرۆك بارزانی جەختیشی لەوە كردەوە كە ئەولەویەتی سەرەكیی هەرێمی كوردستان و هێزی پێشمەرگە پاراستنی پێكهاتەكان و شەڕی داعش و لەناوبردنی هەڕەشەی تیرۆریستانە.
سەرۆك بارزانی لە درێژەی قسەكانیدا باسی گرفتی ئابووری و تێچوونە مرۆڤی و ماددییەكانی شەڕی داعش و هاتنی سەدانهەزار ئاوارە و بڕینی بودجەی هەرێم و دابەزینی نرخی نەوتی كرد كە بە یەكەوە كێشەی گەورەیان بۆ هەرێمی كوردستان دروست كردووە و قەیرانی ئابووری قووڵتر كردووە.
لەبارەی بارودۆخی ناوەخۆی هەرێمیش سەرۆك بارزانی ڕایگەیاند كە پاراستنی ئاساییشی نەتەوەیی هەرێمی كوردستان و هەروەها شەڕی دژی داعش دەبێ ئەولەوییەتی هەموو لایەكی هەرێمی كوردستان بێت و دواجار قەیرانی سیاسیی هەرێمیش چارەسەر دەبێت و كاریگەری لەسەر سەقامگیریی هەرێم نابێت.
جێگەی ئاماژەپێدانە لەم كۆبوونەوەیەدا نێچیرڤان بارزانی سەرۆكی حكوومەتی هەرێمی كوردستان و د. ڕۆژ نوری شاوێز جێگری پێشووی سەرۆك وەزیرانی عێراق و فواد حوسێن سەرۆكی دیوانی سەرۆكایەتیی هەرێم و فەلاح مستەفا بەرپرسی فەرمانگەی پەیوەندییەكانی هەرێم ئامادە بوون.
More...
نێچیرڤان بارزانی سوپاسی هاوكارییەكانی سوید دەكات
سەرۆكی هەرێمی كوردستان پێشوازی لە باڵیۆزی نوێی سوید لە عێراق دەكات
سهرۆكی ههرێمی كوردستان پێشوازی له پارێزگاری نوێ و سهرۆك و شاندێکی ئهنجوومهنی پارێزگای نهینهوا كرد
دوایین هەواڵەکان
- «نازم دهباغ» لهگهڵ خاتوو «مایرا کوپێرز» جێگری نوێنەری «یونامی» لە تاران دیداریی کرد
- سهركۆمارى توركيا بهردهواميى پشتگيريى وڵاتهكهى بۆ عێراق و ههرێمى كوردستان دووپات كردهوه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: دهبێ نيشتمان كۆكهرهوهى ههموومان بێت
- سهرۆك نێچيرڤان بارزانى لهگهڵ باڵيۆزى يهكێتيى ئهورووپا كۆبووهوه
- سهرۆكى ههرێمى كوردستان پێشوازى له باڵيۆزى فهرهنسا كرد
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز