هەرێم - ئێران
دوای کۆبوونه‌وه و دیداره‌کانی ڕۆژی پێنجشه‌ممه‌ی ٢٠٢٤/٩/١٢ی نێوانیانیان، بەڕێزان نێچیرڤان بارزانی سەرۆكی هەرێمی كوردستان و مەسعوود پزشكیان سەرۆكی كۆماری ئیسلامیی ئێران، له لێدوانێكی ڕۆژنامەوانیدا باسی ناوەڕۆكی كۆبوونەوە و دۆخی ناوچەكە و چەند پرسێكی جێی بایەخی هاوبەشیان كرد.
سەرەتا بەڕێز مەسعوود پزشکیان گوتی: "هەنگاوی یەکەم ئەوەیە کە ستایشی براکانمان بکەین لێرە، لە سەرۆکی بەڕێزی هەرێم، بەڕێز نێچیرڤان بارزانی، ڕێبەری ئەم هەرێمە، لە میوانپەروەرییان لە پەیوەندییەکانیان. ڕوانینی ئەمان ئەوەیە کە پێکەوە خوێنمان داوە، ئەمە جیاوازە لەگەڵ ئەوەی مرۆڤ بە جۆرێکی دیکە سەیری بابەتەکە بکات".
لە بەردەوامیی لێدوانەكەیدا بەرێزیان ڕایانگەیاند: "ئەمە ڕاستییەکە کە ئێران و ئەم هەرێمە لە زۆربەی ئەو ڕووداوانەی دەبوونە هۆی دروستبوونی شەڕ و گرژییەکان، پێکەوە و لە تەنیشت یەکتری بوون و پێکەوە هەوڵیان دەدا کێشەکان چارەسەر بکەن، ئێستایش هەمان بۆچوون ماوە. دەبێت ئێمە لەو کاتەی کە ئاشتی و سەقامگیری هەیە، هەوڵ بدەین بە گوێرەی پێویست سوود لەو مێژووە وەربگرین. لەڕووی کولتووری، ئابووری و سیاسی و ئەمنییەوە، ئێمە دەتوانین یارمەتیی یەکتری بدەین و زەمینە بۆ پەرەپێدان و بەهێزکردنی پەیوەندییەکان ئامادە بکەین".
دواتر بەڕێز نێچیرڤان بارزانی، سەرۆکی هەرێمی کوردستان گوتی: "سەردانی سەرۆک کۆماری ئێران مێژوویی بوو. ئێمە دەمانەوێت پەیوەندییەکانمان لە هەموو ڕوویەکەوە بەرەو پێشتر ببەین".
هەروەها بەڕێزیان ڕایانگەیاند: "دەمەوێت بڵێم ئێمە لە هەرێمی کوردستان، خەڵکی هەرێم، حکوومەت و بەرپرسانی هەرێم و هەموو ڕێبەرە ئایینییەکانی هەرێم کە ئەمڕۆ لێرە کۆبوونەتەوە، خۆشحاڵین کە بەڕێز سەرۆککۆمار لە چوارچێوەی سەردانەکەیدا بۆ عێراق، سەردانی کوردستانیشی کرد، هەر چۆنێک بێت ئێمە لەگەڵ ئێران پەیوەندییەکی مێژووییمان هەیە و کۆمەڵێک هاوبەشیی زۆرمان لە بواری مێژوویی، کولتووری و زماندا هەیە".
سەرۆک نێچیرڤان بارزانی ئاماژەی بە ئەوەیش کرد: "هاتنی بەڕێز پزشکیان، وەک یەکەم سەرۆکی کۆماری ئیسلامیی ئێران کە چاوی بە هەولێر دەکەوێت، بۆ ئێمە بە هەموو شێوەیەک مێژوویییە. لە کۆبوونەوەکان لەگەڵ سەرۆککۆمار لەبارەی پەرەپێدانی پەیوەندییەکان، بەتایبەت پرسی ئەمنی گفتوگۆمان کرد. جەنابی سەرۆککۆمار و ئێمەش جەختمان لەوە کردەوە کە خاکی هەرێمی کوردستانی عێراق نابێت بە هیچ شێوەیەک لە دژی کۆماری ئیسلامیی ئێران بەکاربهێندرێت".
هەروەها سه‌رۆک نێچیرڤان بارزانی ڕایگەیاند: "بەڵێ کۆمەڵێک کێشە هەن، بەڵام ئەو کێشانە ئێمە وەکو یەک تیم چارەسەریان دەکەین. هەرێمی کوردستان ئامادەییی ئەوەی تێدایە لە هەموو ئاستەکان، پەیوەندییەکانی لەگەڵ کۆماری ئیسلامیی ئێراندا پەرە پێ بدات".
لە كۆتاییی لێدوانەكەدا سه‌رۆک پزشكیان به کوردی گوتی: "عەرزی سڵاو و بەخێرهاتن دەڵێم لە خزمەتی جەماعەتدا و ان شاء الله ئەو په‌یوه‌ندییه‌ی كە دەگەڵ هەولێر و كوردستان و عێراق هەیە، لێرە هاتووین بتوانین به‌هێزی بکەین و تەواوی ئەو کێشانه‌ی كە تا ئێستا هەبوو، بە ئومیدی خودا لەبەینی دەبەین، سڵامەت بن".
https://presidency.gov.krd/shrok-nechyrvan-barzany-sardany-sarok-komary-aeran-mezhooyy-boo/
ئه‌مڕۆ پێنجشه‌ممه 2024/9/12، به‌ڕێز نێچيرڤان بارزانى، سه‌رۆكى هه‌رێمى كوردستان، له فڕۆكه‌خانه‌ى نێوده‌وڵه‌تيى هه‌ولێر، پێشوازيى له به‌ڕێز مه‌سعوود پزشكيان، سه‌رۆكى كۆمارى ئيسلاميى ئێران و شاندى ياوه‌رى كرد.
پاشان له كۆبوونه‌وه‌يه‌كدا به ئاماده‌بوونى به‌ڕێزان مه‌سروور بارزانى، سه‌رۆك وه‌زيرانى هه‌رێمى كوردستان، د. فوئاد حسێن جێگرى سه‌رۆك وه‌زيران و وه‌زيرى ده‌ره‌وه‌ى عێراق، قوباد تاڵه‌بانى جێگرى سه‌رۆك وه‌زيرانى هه‌رێمى كوردستان و به‌رپرسانى باڵاى هه‌ردوولا، سه‌رۆك نێچيرڤان بارزانى، وێڕاى ده‌ربڕينى خۆشحاڵى به سه‌ردانه‌كه، يه‌كه‌م سه‌ردانى به‌ڕێز سه‌رۆكى كۆمارى ئيسلاميى ئيرانى بۆ عێراق و هه‌رێمى كوردستان، به په‌يامێكى به‌هێزى دۆستايه‌تيى نێوان هه‌ردوولا له قه‌ڵه‌م دا.
به‌ڕێزيان خواستى هه‌رێمى كوردستانى بۆ بره‌ودان به په‌يوه‌ندييه‌كان و فراوانكردنى هاريكاريى هاوبه‌ش له‌گه‌ڵ كۆمارى ئيسلاميى ئێران له هه‌موو بواره‌كاندا نيشان دا، هه‌روه‌ها دووپاتى كرده‌وه كه گه‌لى كوردستان هه‌ميشه به ڕێز و پێزانينه‌وه له پشتگيرى و هاوكاريى ئێران له ڕۆژه سه‌خته‌كاندا ده‌ڕوانێت.
لاى خۆيه‌وه سه‌رۆك پزشكيان خۆشحاڵيى خۆى به سه‌ردانى عێراق و هه‌رێمى كوردستان ده‌ربڕى و دووپاتى كرده‌وه كه كۆمارى ئيسلاميى ئێران به بايه‌خ و گرنگييه‌وه له په‌يوه‌ندييه‌كانى له‌گه‌ڵ عێراق و هه‌رێمى كوردستاندا ده‌ڕوانێت و وڵاته‌كه‌ى خوازياره له هه‌موو بواره‌كان په‌يوه‌ندييه‌كانى له‌گه‌ڵياندا به‌ره‌وپێش ببات و گرفت و به‌ربه‌سته‌كانى به‌رده‌مى، نه‌هێڵن.
هه‌ردوولا ستايشى په‌يوه‌نديى دۆستانه و له‌مێژينه‌ى ئێران له‌گه‌ڵ هه‌رێمى كوردستان له بواره‌كانى سياسى، كۆمه‌ڵايه‌تى و كولتووريدا كرد. پاشان به‌ڕێزان سه‌رۆك وه‌زيران و جێگرى سه‌رۆك وه‌زيرانى هه‌رێمى كوردستان، باسيان له ئاستى ئێستاى په‌يوه‌نديى ئابوورى و ئاڵوگۆڕى بازرگانى و چۆنيه‌تيى فراوانكردنيان و بواره‌كانى هاريكاريى هاوبه‌شى نێوانيان كرد.
له ته‌وه‌رێكى ديكه‌ى كۆبوونه‌وه‌كه‌دا چه‌ند پرسێكى جێى بايه‌خى هه‌ردوولا، تاوتوێ كران و باسيان له گرنگيى پاراستنى ئارامى و سه‌قامگيرى له ناوچه‌كه‌دا كرد. له‌مباره‌يه‌وه جه‌خت له‌وه كرايه‌وه كه هه‌رێمى كوردستان هه‌رگيز نابێته سه‌رچاوه‌ى هه‌ڕه‌شه بۆ سه‌ر ئێران و وڵاتانى دراوسێ و به ته‌واوى پابه‌ندى ڕێككه‌وتنى ئه‌منيى عێراق و ئێرانه.
دواى كۆبوونه‌وه‌كه، به به‌شداريى به‌ڕێز سه‌رۆكى هه‌رێمى كوردستان، به‌ڕێز سه‌رۆكى كۆمارى ئيسلاميى ئێران و شاندى ياوه‌رى، ديدارێكيان له‌گه‌ڵ لايه‌نه سياسييه‌كان و پێكهاته ئايينى و نه‌ته‌وه‌يييه‌كانى كوردستان ئه‌نجام دا.
تيايدا باس له بايه‌خ و گرنگيى په‌يوه‌ندييه‌كانى عێراق و هه‌رێمى كوردستان له‌گه‌ڵ ئێران و ده‌وڵه‌مه‌نديى كۆمه‌ڵگه فره‌ئايين و فره‌نه‌ته‌وه‌كان كرا و هه‌ردوولا داكۆكييان له ئاشتى، پێكه‌وه‌ژيان، ته‌بايى و برايه‌تيى نێوان گه‌لانى ناوچه‌كه و ته‌واوى پێكهاته‌كان كرده‌وه.
https://presidency.gov.krd/hhremi-kordstan-o-aeran-ghkht-lh-brhodan-bh-pheohndeehkanean-dhkhnhoh/
مه‌نسوور جیهانی ـ "نێچیرڤان بارزانی" سه‌رۆکی هه‌رێمی کوردستان، به سه‌رۆکایه‌تی شاندێکی باڵای به‌رپرسانی هه‌رێمی کوردستان بۆ به‌شداری له ڕێوڕه‌سمی سوێندخواردنی دکتۆر "مه‌سعوود پزشکیان" سه‌رۆک کۆماری ئێران، گه‌یشته تاران.
"نێچیرڤان بارزانی" سه‌رۆکی هه‌رێمی کوردستان، به سه‌رۆکایه‌تی شاندێکی باڵای به‌رپرسانی هه‌رێمی کوردستان به یاوه‌ری شاندێکی باڵای به‌رپرسانی هه‌رێمی کوردستان پێکهاتوو له؛ "شێخ جه‌عفه‌ر شێخ مسته‌فا" جێگری سه‌رۆک، "ڕێبه‌ر ئه‌حمه‌د" وه‌زیری ناوخۆ، "فه‌وزی هه‌ریری" سه‌رۆکی دیوانی سه‌رۆکایه‌تی هه‌رێمی کوردستان و "عەبدوڵڵا ئاکره‌یی" ڕاوێژکاری سه‌رۆکی هەرێمی کوردستان بۆ کاروباری ئێران، له سه‌ردانێکی فه‌رمیدا له‌سه‌ر بانگهێشتی به‌رپرسانی باڵای ئێران، نیوه‌ڕۆی ڕۆژی سێشه‌مه ٣٠ی ئابی ٢٠٢٤ بۆ به‌شداری له ڕێوڕه‌سمی سوێندخواردنی دکتۆر "مه‌سعوود پزشکیان" نۆیه‌مین سه‌رۆک کۆماری ئیسلامی ئێران، له ڕێگای پاڤیۆنی سه‌رۆک کۆماریی فڕۆکه‌خانه‌ی مێهرئاباد گه‌یشته شاری تاران.
سه‌رۆکی هه‌رێمی کوردستان دوای دابه‌زین له فڕۆکه‌که‌ی له لایه‌ن دکتۆر "عیسا زارع پوور" وه‌زیری په‌یوه‌ندییه‌کان و ته‌کنۆلۆژیای زانیارییه‌کانی ئێران و "نه‌سیر عه‌بدولموحسین عه‌بدوڵڵا" باڵیۆزی عێراق له تاران به فه‌رمی پێشوازیی لێکرا و پاشان له‌و کاته‌یدا که ئیحتڕامی نیزامیان بۆ دانابوو به‌سه‌ر فه‌ڕشی سووری پاڤیۆنی سه‌رۆک کۆماریی فڕۆکه‌خانه‌ی مێهرئاباددا تێپه‌ڕیی.
"نێچیرڤان بارزانی" هه‌روه‌ها له لایه‌ن چه‌ندین به‌رپرسی دیکه‌ی ئێرانی و عێراقی و کورد له‌وانه؛ موهه‌ندیس "حه‌سه‌ن دانایی فه‌ڕ" بالیۆزی پیشووی ئێران له به‌غدا، "نازم دەباغ" نوێنەری حکوومەتی هەرێمی کوردستان لە تاران، "نه‌سڕوڵڵا ڕه‌شنوودی" کونسوولی ئێران له هه‌ولێر، "سەلام عارف رشدی" جێگری نوێنه‌رایه‌تی حکومەتی هەرێمی کوردستان و هه‌روه‌ها نوێنه‌ری پاڕتی دیمۆکڕاتی کوردستان و ... به ڕه‌سمی پێشوازیان لێکرا.
سه‌رۆکی هه‌رێمی کوردستان به هاوڕێیه‌تی له‌گه‌ل به‌رپرسانی باڵای زیاتر له ٨٥ وڵاتی جیهان پێکهاتوو له؛ سه‌رۆک کۆماران، سه‌رۆک وه‌زیران، سه‌رۆکی په‌ڕله‌مان، "ئێنریکۆ مۆڕا" جێگری به‌رپرسی سیاسه‌تی ده‌ره‌وه‌ی یه‌کێتی ئه‌ورووپا، وه‌زیرانی ده‌ره‌وه، نێردراوانی وڵاتانی جۆراوجۆری جیهان، که‌سایه‌تییه به‌رچاوه سیاسییه‌کانی ڕۆژهه‌ڵاتی ناوه‌ڕاست له ڕێوڕه‌سمی سوێندخواردن و ده‌ست به‌کاربوونی فه‌رمی دکتۆر "مه‌سعوود پزشکیان" نۆیه‌مین سه‌رۆک کۆماری ئیسلامی ئێران به‌شداریی ده‌کات که به ئاماده‌بوونی ٢٧٠ نوێنه‌ری شاره جوراوجۆره‌کانی ئێران و زیاتر له ٦٠٠ په‌یامنێر و رۆژنامه‌نووسی ئێرانی و بیانی کاتژمێر ٤ی دوانیوه‌ڕۆی ڕۆژی سێشه‌مه ٣٠ی ئابی ٢٠٢٤ له بینای په‌ڕله‌مانی ئێران به‌ڕێوه‌ده‌چێت.
وێنه‌کان: مه‌نسوور جیهانی
نوێنەری حکومەتی هەرێمی کوردستان لە تاران لە لێدوانێیکدا بۆ دەنگی ئەمەریکا کوشتنی ئیسماعیل هەنییەی بە "کارێکی زۆر خراپ، بە تایبەت لەم قۆناغەدا " ناوبرد و جەختکردەوە لە باشی پەیوەندییەکانی نێوان هەرێمی کوردستان و ئێران، سەرەڕای ئەوەی "لە هەر ڕووداوێکدا ناحەزانی کورد هەوڵدەدەن کورد تێوەگلێنن."
دوای ئەوەی شەوی 31ی مانگی حەوت ئیسماعیل هەنییەی سەرۆکی مەکتەبی سیاسی حەماس لە شاری تاران کرایە ئامانج و کوژرا، چەند چاودێر و میدیایەک پرسی بەکارهێنانی خاکی هەرێمی کوردستانیان لەلایەن ئیسرائیلەوە وروژاند. ماڵپەڕی ئەموانج لە ڕاپۆرتێکیدا لە زاری سەرچاوەیەکی باڵای ئێرانەوە کە ناوی نەبردووە دەڵیت، گوماندەکرێت هێرشەکە لە ڕێگەی درۆنەوە ئەنجامدرابێت، وە باس لەوە دەکات گوایە ئەم جۆرە درۆنانە لە لایەن ئیسرائیلەوە و لەناو خاکی هەرێمی کوردستانە بە قاچاغ دەبرێن بۆ ناو ئێران بە مەبەستی ئەنجامدانی هێرشی لەم شێوەیە.
نازم دەباغ نوێنەری حکومەتی هەرێمی کوردستان لە تاران لەسەر ئەم پرسە بە دەنگی ئەمەریکای ڕاگەیاند: "سەبارەت بەو دەنگۆیانەی باس لە ناردنی درۆن بۆ ئێران دەکەن، ئەگەر درۆنەکە هی کوردستان بێت ئەم ورد پێکانە چۆن بووە؟ بێ گومان بە جی پی ئێس دەبێت کرابێت. ناحەزانی کورد حەز دەکەن کورد تێوەگلێنن یان حزبەکان تێوە گلێنن لە هەر ڕووداوێکدا."
وتیشی: "بە ڕای من ئێستا هاوکاریەکی باش لە نێوان حکومەتی هەرێم و کۆماری ئیسلامی ئێران هەیە، ڕەنگە لە جاران زیاتر ڕاستیەکان ئاشکرا بێت بۆ هەردوولا. کورد ئێستا لە جاران ئارامترە و دڵنیایی دەدات کە بەشێکە لە پرۆسەی سیاسی عێراق، وە هەندێک برادەرمان دەڵێن شانازیش دەکەین کە عێراقین، واتە کورد ئەگەر مەترسی نەبێت بۆسەر جوگرافیای عێراق یان هەر وڵاتێکی تر کە دابەشبووە بەسەریدا، دەتوانێت بەشی خۆی ئارامی بەدەستبهێنیت لەو چوارچیوە جوگرافیەی کە بۆی دابینکراوە."
کوشتنی هەنییە لە کاتێکدا بوو کە بەشێک لە سەرکردە و بەرپرسانی ناوچەکە، لە نێوانیان نێچیرڤان بارزانی سەرۆکی هەرێمی کوردستان، لە میانی سوێندخواردنی پزیشکیانی سەرۆک کۆماری نوێی ئێراندا بەشداریان کردبوو.
سەرۆکایەتی هەرێمی کوردستان دوێنێ چوارشەممە ئیدانەی ڕووداوەکەی کرد و ئاماژە بە مەترسی دورست بوونی ئاڵۆزی لە ناوچەکە کرد.
لە بەیاننامەکەی سەرۆکایەتی هەرێمدا هاتووە، "به‌ئامانجگرتنى ئيسماعيل هه‌نييه، سه‌رۆكى مه‌كته‌بى سياسيى بزووتنه‌وه‌ى حه‌ماس كه به ميوانى له تاران بوو، سه‌ركۆنه ده‌كه‌ين و به نيگه‌رانييه‌كى قووڵه‌وه له‌و پێشهاته مه‌ترسيداره ده‌ڕوانين و ئاڵۆزكردنى زياترى دۆخه‌كه هه‌ڕه‌شه له ئارامى و سه‌قامگيريى ته‌واوى ناوچه‌كه ده‌كات و لێكه‌وته و پێشهاتى خراپترى به‌دوادا دێت."
هەر دوێنێ چوارشەممە نێچیرڤان بارزانی لەگەڵ مەسعود پزشكیان سەرۆككۆماری ئێران كۆبووەوە و بەگوێرەی راگەیەندراوێکی سەرۆکایەتیی ئێران، سەرۆکی هەرێمی کوردستان بە سەرۆکی ئێرانی گوتووە ئیسرائیل بەم کردەیە "دەیەوێت خراپەکاری لە ناوچەکە بڵاوبکاتەوە."
نازم دەباغ دەڵێت: "لە ڕووی سیاسیەوە کوشتنی هەنییە کارێکی زۆر خراپ بوو بە تایبەت لەم قۆناغەدا، چونکە لە ئێستادا نزیک بوون لە ڕێكکەوتن لەگەڵ ئیسرائیل و نزیک بوون لە ئاشتی. کەواتە ئەم دەستانە ئەوانەن کە نایەنەوێت ناوچەکە و ڕۆژهەڵاتی ناوەڕاست ئارامبێت. دەبێت بە هەموو لایەک هەوڵ بدەن دەستەکانی پشت ئەمە ئاشکرا بکرێت."
وتیشی: "هەر پریشکێک لە ناوچەکە بێت کوردی بەسەزمان دەگرێتەوە...ئەم باروودۆخە لە هەموو جار زیاتر پێویستی بەوەیە کورد یەک خیتابی سیاسی هەبێت، یەک ڕیز و یەک بڕیار و یەک توانا بێت، دەبێت کورد لەو جوگرافیایەدا خۆی ببینێت کە تێییدا دەژیت واتە لە عێراق عیراقی بێت لە ئێران ئێرانی ولە تورکیا تورکیایی بێت، چونکە هەمووی تاقیکرایەوە نەگەشتین بە ئامانج."
لینکی چاوپێکه‌وتن:
https://www.dengiamerika.com/a/7726017.html
سبه‌ى سێشه‌ممه 2024/7/30 به‌ڕێز نێچيرڤان بارزانى، سه‌رۆكى هه‌رێمى كوردستان، به بانگهێشتێكى فه‌رمى ده‌گاته تارانى پايته‌ختى كۆمارى ئيسلاميى ئێران.
به‌ڕێزیان هاوڕێ له‌گه‌ڵ سه‌ركرده و به‌رپرسانى باڵاى وڵاتانى ديكه‌ى بانگهێشتكراو به‌شداری له ڕێوڕه‌سمى سوێندخواردن و ده‌ستبه‌كاربوونى به‌ڕێز مه‌سعوود پزيشكيان سه‌رۆكى هه‌ڵبژێردراوى ئێراندا ده‌کات.
https://presidency.gov.krd/president-nechirvan-barzani-visits-tehran-2/
به‌ئامانجگرتنى ئيسماعيل هه‌نييه سه‌رۆكى مه‌كته‌بى سياسيى بزووتنه‌وه‌ى حه‌ماس كه به ميوانى له تاران بوو، سه‌ركۆنه ده‌كه‌ين و به نيگه‌رانييه‌كى قووڵه‌وه له‌و پێشهاته مه‌ترسيداره ده‌ڕوانين.
ئاڵۆزكردنى زياترى دۆخه‌كه، هه‌ڕه‌شه له ئارامى و سه‌قامگيريى ته‌واوى ناوچه‌كه ده‌كات و لێكه‌وته و پێشهاتى خراپترى به‌دوادا دێت.
سه‌رۆكايه‌تيى هه‌رێمى كوردستان
2024/7/31
دوایین هەواڵەکان
- نوێنەری حکومەتی هەرێم لە ئێران: سەردانەکەی پزیشکیان ئاماژەیە بۆ گرنگیدانی ئێران بە هەرێمی کوردستان
- هه‌رێمى كوردستان و ئێران جه‌خت له بره‌ودان به په‌يوه‌ندييه‌كانيان ده‌كه‌نه‌وه
- سه‌رۆک نێچیرڤان بارزانی: سەردانی سەرۆک کۆماری ئێران مێژوویی بوو
- نازم دەباغ له وتووێژ له‌گه‌ڵ ئاژانسی ئیرنا: مەسعوود پزشکیان سەردانی هەولێر دەکات
- نازم دەباغ: کاتی سەردانی پزیشکیان بۆ عێراق دیار نییە
- «سەلام رشدی» له‌گه‌ڵ شاندی یه‌کێتی هاورده و ناردنکارانی لقی هه‌ولێر کۆبۆوه
- سه‌رۆك نێچيرڤان بارزانى: هه‌ميشه پشتيوانى و بهرگرى له مافهكانى ئێزدييان ده‌كه‌ين
- سه‌رۆک نێچیرڤان بارزانی له‌گه‌ڵ باڵیۆزی یهکێتیی ئه‌ورووپا کۆبووهوه
- سه‌رۆك نێچيرڤان بارزانى له‌گه‌ڵ باڵيۆزى نهمسا كۆبووهوه
- سه‌رۆك نێچيرڤان بارزانى سوپاسى جهنهرال ڤاول ده‌كات