فەلاح مستەفا پێشوازی لە كونسوڵی گشتی دەسەڵاتدارێتی فەلەستین لە هەرێم دەكات

ئەمڕۆ فەلاح مستەفا بەرپرسی پەیوەندیەكانی دەرەوەی حكومەتی هەرێمی كوردستان پێشوازی لە باڵیۆز نەزمی حەزوری كونسوڵی گشتی دەسەڵاتدارێتی فەلەستین لە هەرێمی كوردستان و شاندی یاوەری كرد.

 لە دیدارەكەدا باڵیۆز حەزوری پیرۆزبایی خۆی پێشكەشی گەل و حكومەتی هەرێمی كوردستان كرد بەبۆنی سەركەوتنی هەڵبژاردنی پەرلەمانی كوردستان و خۆشحاڵی خۆی بە بەشداری فراوانی خەڵكی هەرێمی لەو پرۆسەیەدا نیشاندا كە لەكەش و هەوایەكی دیموكراسیانە بەڕێوەچوو و بە شایەدی چاودێران لە ئاستێكی بەرزدا بوو ، لەلایەكی دیكەشەوە بە توندی ئیدانەی ئەو كردەوە تیرۆریستیە ترسنۆكانەی كرد كە لە هەولێر ئەنجامدرا و ستایشی هەوڵ و ماندوبوونی دەزگاكانی ئاسایشی كرد كە بە زووترین كات تاوانبارەكانیان ئاشكراكرد.

لە تەوەرێكی دیكەشدا باڵیۆز حەزوری ستایش و دەستخۆشی لە رۆڵ و كاری فەرمانگەی پەیوەندیەكانی دەرەوە كرد بۆ قووڵتركردنەوەی پەیوەندی نێوان هەرێم و دەسەڵاتدارێتی فەلەستینی و سوپاسی حكومەتی هەرێمی كوردستانی كرد بۆ پالپشتی بەردەوامی بۆ خەباتی گەلی فەلەستین و گێڕانی ئاهەنگی یەكەمین ساڵیادی قبووڵكردنی فەلەستین بە سیفتەی چاودێر لە نەتەوە یەكگرتوەكان.

لەلای خۆشیەوە فەلاح مستەفا دووپاتی لەسەر پەیوەندی مێژوویی نێوان هەردوو گەل كرد و هیوای خواست بەرەوپێشتر بچێت و ئامادەیی حكومەتی هەرێمی بۆ هاوكاریكردن لەگەڵ دەسەڵات و گەلی فەلەستین نیشاندا بۆ هاندانی كەرتی تایبەت و وەبەرهێنانی فەلەستین و چالاكیە ئابوریەكان لە داهاتوودا.

 

 

 

 

 

Read کد خبر: 221

دوایین هەواڵەکان

بە دوا چوون لە تۆڕە کۆمەڵایەتییە کان

راپۆرتە پڕ بینەرەکان

حالت های رنگی