ئه‌مڕۆ چوارشەممە 1/11 سەرۆکی حکومەتی هەرێمی کوردستان مەسرور بارزانى، لە چوارچێوەی سەردانەکەیدا بۆ بەغدا له‌گه‌ڵ لەتیف ڕەشید سەرۆک کۆماری عێراق کۆبووەوە.
لە دیدارەکەدا گفتوگۆ دەربارەی بارودۆخی گشتیی عێراق و گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ بەشێوەیەکی بنەڕەتی و بەپێی دەستوور کرا.جەخت لە داکۆکیکردن لە مافە دەستوورییەکانی هەرێمی کوردستان کرایەوە.
https://gov.krd/government/the-prime-minister/activities/posts/2023/january/سه-رۆكی-حکومەتی-هەرێمی-کوردستان-له-گه-ڵ-سەرۆک-کۆماری-عێراق-كۆبووه-وه/
سه‌رۆكی حکومەتی هەرێمی کوردستان له‌گه‌ڵ سەرۆکی ئەنجومەنی نوێنەرانی ئوردن كۆبووه‌وه
ئه‌مڕۆ چوارشەممە 1/11 سەرۆکی حکومەتی هەرێمی کوردستان مەسرور بارزانى لە بەغدا له‌گه‌ڵ شاندێکی باڵای پەرلەمانیی ئوردنی بەسەرۆکایەتی ئەحمەد سەفەدی سەرۆکی ئەنجومەنی نوێنەرانی ئوردن کۆبووەوە.
لە کۆبوونەوەکەدا برەودان بە پەیوەندییەکانی ئوردن و هەرێمی کوردستان تاوتوێ کرا.
سەرۆکی ئەنجومەنی نوێنەرانی ئوردن ، سڵاو و ڕێزی شا عەبدوڵلای شای شانشینی ئوردنی بە سەرۆکی حکومەت گەیاند و خواستی وڵاتەکەی بۆ پەرەپێدانی پەیوەندیی هەمەلایەنە لەگەڵ هەرێمی کوردستان دووپات کردەوە.
سەرۆکی حکومەت ئاماژەی بە پەیوەندیی مێژوویی و دۆستانەی نێوان هەرێمی کوردستان و شانشینی ئوردنی دا و ئامادەیی هەرێمی کوردستانیشی بۆ پتەوکردنی پەیوەندی لەگەڵ ئوردن لە هەموو بوارەکاندا دەربڕی .
ئێواره‌ی ئه‌مڕۆ هه‌ینی 6/1/2023 به‌ڕێز نێچیرڤان بارزانی، سه‌رۆكی هه‌رێمی كوردستان، به ئاماده‌بوونی به‌ڕێزان محه‌مه‌د شیاع سودانی سه‌رۆك وه‌زیرانی عێراق و محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق و ژماره‌یه‌ك له به‌رپرسانی باڵای عێراق و به یاوه‌ریی شاندێك كه له به‌ڕێزان وه‌زیری ڕۆشنبیری و لاوانی حكوومه‌تی هه‌رێمی كوردستان، پارێزگارانی هه‌ولێر و سلێمانی و دهۆك و به‌ڕێوه‌به‌ری گشتیی وه‌رزش و لاوان پێكهاتبوو، بۆ بەشداریکردن لە ڕێوڕەسمی کردنەوەی جامی کەنداوی 25، سه‌ردانی شاری بەسره‌ی كرد.
له لێدوانێكی ڕۆژنامه‌وانیدا بۆ كه‌ناڵه‌كانی ڕاگه‌یاندن، سه‌رۆك نێچیرڤان بارزانی گوتی: “ئێمە هاتبووین بۆ به‌شداریكردن له ڕێوڕه‌سمی کردنەوەی جامی کەنداو 25، ئەمە ڕووداوێکی گرنگە بۆ عێراق، یەکەم جارە دوای ساڵی 2003، پێموایە ئەوە گرنگترین ڕووداوە کە ئەمڕۆ لە بەسرە بەڕێوەدەچێت. ئێمە وەکو شاندێک لە هەرێمی کوردستانەوە بۆ پیرۆزبایی هاتووین بۆ بەسرە و پێمان خۆش بوو و خۆشحاڵین بەم سەردانە.”
https://presidency.gov.krd/president-nechirvan-barzani-attends-the-opening-ceremony-of-the-gulf-cup/
«سەلام رشدی» لەگەڵ قوتابیانی هه‌رێمی کوردستان له تاران کۆبۆوه
«سەلام رشدی» جێگری نوێنەری حکومەتی هەرێمی کوردستان لە ئێران، لەگەڵ چه‌ند قوتابی هه‌رێمی کوردستان که له قۆناغی ماسته‌ر له زانکۆی عۆلووم و ته‌حقیقاتی تاران په‌ر‌‌ه به خوێندن ده‌ده‌ن، دیداری کرد.
چه‌ند قوتابی هه‌رێمی کوردستان که له قۆناغی ماسته‌ر له زانکۆی عۆلووم و ته‌حقیقاتی تاران په‌ر‌‌ه به خوێندن ده‌ده‌ن، ئەمرۆ چوارشەممە ڕێکەوتی ٤ی ژانوییه‌ی ٢٠٢٣ سەردانی نوێنەرایەتی حکومەتی هەرێمی کوردستان لە شاری تارانی پێتەختی ئێرانیان کرد و لە لایەن «سەلام عارف رشدی» جێگری نوێنەری حکومەتی هەرێمی کوردستان لە وڵاتی ئێران، پێشوازییان لێکرا.
له‌م دیداره‌دا، جێگری نوێنەری حکومەتی هەرێمی کوردستان له تاران، له نزیکه‌وه گوێبیستی گیر و گرفته‌کانی قوتابیانی هه‌رێمی کوردستان بوو که له قۆناغی ماسته‌ر له زانکۆی زانست و توێژینه‌وه‌ی (علوم و تحقیقات) تاران وانه ده‌خوێنن و به‌ڵێنیشی پێدان که به‌دواداچوون بۆ ئه‌و گیر و گرفتانه‌یان بکات.
له کۆتایی ئه‌م کۆبوونه‌وه‌یه‌دا، «سەلام رشدی» ئاواتی سه‌رکه‌وتنی بۆ قوتابیانی هه‌رێمی کوردستان خواست که به مه‌به‌ستی خوێندن سه‌ردانی وڵاتی ئێرانیان کردووه.
پەیامی پیرۆزبایی سەرۆکی حکومەتی هەرێمی کوردستان بەبۆنەی سەری ساڵی نوێی زایینی
هەولێر، هەرێمی کوردستان (GOV.KRD)- بە بۆنەی هاتنی ساڵی نوێی زایینی 2023، پیرۆزبایی لە گشت هاونیشتمانییانی هەرێمی کوردستان، بە تایبەتی پێشمەرگە قارەمانەکان و هێزەکانی ئاسایشی ناوخۆ و بنەماڵە و کەس و کاری سەربەرزی شەهیدان ، هەروەها گەلانی عێراق و جیهان دەکەم. هیوادارم ساڵی نوێ، ساڵی خۆشگوزەرانی و پێشکەوتن و گەشەپێدانی زیاتری کوردستان بێت.
سەرەڕای سنوورداری تواناکانی بەردەستی حکومەتی هەرێمی کوردستان ، بەڵام لە ساڵی ڕابردوودا، توانیمان بە هاوکاری کەرتی تایبەت، چەندین پڕۆژەی جۆراجۆر لە شارەکانی کوردستان، لە بوارەکانی ڕێگەوبان و کشتوکاڵی و پیشەسازی و بەدیجیتەڵکردنی خزمەتگوزارییەکان ئەنجام بدەین . ئەمە جیا لەوەی ساڵی ڕابردوو، لە بواری دیپلۆماسی و پەرەپێدانی پەیوەندییەکانمان لەگەڵ وڵاتانی عەرەبی و ناوچەکە و ئەوروپا، ساڵێکی بەرهەمدار بوو.
بەڵام بە داخەوە، لە ساڵی ڕابردوودا، ڕووبەڕووی چەندین هێرش و پەلاماریش بووینەوە، لە کاتێکدا هەرێمی کوردستان وەک هەمیشە، فاکتەرێکی ئاراميی و سەقامگیریی بووە لە عێراق و ناوچەکەدا و هيچ کاتێک مایەی هەڕەشە نەبووە بۆ هیچ لایەنێک. بۆیە هیوادارین لە ساڵی داهاتوودا، ئاسایش و سەقامگیریی هەرێمی کوردستان و عێراق و ناوچەکە بەگشتی، پارێزراو و جێگیر بێت و كێشەکانی نێوان هەرێمی کوردستان و حکومەتی فیدراڵیش لە سەر بنەمای دەستوور و بەشێوەیەکی بنەڕەتی چارەسەر ببن، بۆ ئەوەی بتوانین بە هاوکاری هەموو لایەک، درێژە بە پرۆسەی چاکسازییەکان و خزمەتکردنی زیاتری خەڵکی کوردستان بدەین. بە هیواین هەموو لایەک بەرژەوەندی نیشتمانیی بخەینە سەرووی هەموو بەرژەوەندییەکانی دیکەوە و ڕێز لە سەروەری یاسا بگرین.
ئومێدەوارم ساڵی نوێ، ساڵی کۆتاییهاتنی ناخۆشی و پەتا و قەیرانەکان و دەستەبەربوونی ئاشتی و ئاسوودەیی بێت بۆ مرۆڤایەتی بەگشتی.
ساڵی نوێ لە هەمووان پیرۆز بێت و خوای مەزن کوردستان بپارێزێت.
مەسرور بارزانی
سەرۆکی حکومەتی هەرێمی کوردستان
سه‌رۆك نێچيرڤان بارزانى، ساڵى تازه‌ى زايينى، پيرۆز ده‌كات
ساڵى تازه‌ى زايينى له خانه‌واده‌ى سه‌ربه‌رزى شه‌هيدان، پێشمه‌رگه قاره‌مانه‌كان و هێزه ئه‌منییه‌کان، له ته‌واوى گه‌لى كوردستان و عێراق و جيهان پيرۆز ده‌كه‌م. ئومێده‌وارم ساڵى به‌ديهاتنى هيواكان و سه‌ركه‌وتن, بڕانه‌وه‌ى شه‌ڕ و ئاڵۆزى و په‌تا و ناوخۆشييه‌كان بێت، ئارامى و ئاسايش و سه‌قامگيرى، باڵ به‌سه‌ر ته‌واوى مرۆڤايه‌تيدا بكێشێت.
ده‌بێ به‌رژه‌وه‌ندیی گه‌لی کوردستان، ئامانجی سه‌ره‌کیی هه‌موومان بێت. با له‌گه‌ڵ ده‌ستپێكردنى ساڵى تازه‌دا، يه‌كڕيزى، ته‌بايى، پێكه‌وه‌يى، يه‌كترقبووڵكردن و هاريكاريى هاوبه‌ش، بكه‌ينه لاپه‌ڕه‌يه‌كى نوێى په‌يوه‌نديى نێوان هێز و لايه‌نه سياسييه‌كان و هه‌موو پێكهاته‌كانى هه‌رێمى كوردستان. پێكه‌وه كار بكه‌ين بۆ پاراستن و مسۆگه‌ركردنى مافه ده‌ستوورييه‌كان و فيدراڵى و چاره‌سه‌ركردنى كێشه‌كان له‌گه‌ڵ حكوومه‌تى فيدراڵى عێراق له‌سه‌ر بنه‌ماى ده‌ستوور.
دووپاتى ده‌كه‌ينه‌وه كه هه‌رێمى كوردستان ئه‌رك و به‌رپرسياريه‌تيى هاوبه‌شى خۆى جێبه‌جێ ده‌كات و وه‌ك هه‌ميشه فاكته‌رى ئارامى و سه‌قامگيرى ده‌بێت، بۆ هه‌موو هاوكارييه‌كيش ئاماده‌يه له‌پێناو ڕووبه‌ڕووبوونه‌وه‌ى ته‌حه‌دييه‌كان و چاره‌سه‌ركردنى كێشه‌كانى وڵاتدا، بۆ به‌ديهێنانى ئارامى و سه‌قامگيريى سياسى و ئه‌منى له عێراق، به شێوه‌يه‌ك ماف و شايسته‌كانى هه‌موو پێكهاته‌كانى وڵات پارێزراو بن.
له‌گه‌ڵ وڵاتانى دراوسێ و ناوچه‌كه و دۆستان و هاوپه‌يمانيى نێوده‌وڵه‌تى، بره‌و به په‌يوه‌ندييه‌كانمان له‌سه‌ر بنه‌ماى ڕێزله‌يه‌كگرتن و به‌رژه‌وه‌ندیی هاوبه‌ش ده‌ده‌ين. له هاريكاريى هاوبه‌ش به‌رده‌وام ده‌بين بۆ ڕووبه‌ڕووبوونه‌وه‌ى مه‌ترسييه‌كانى تيرۆر و نه‌هێشتنى تيرۆرستان. پێكه‌وه كار ده‌كه‌ين بۆ چه‌سپاندنى ئاشتى و ئارامى و سه‌قامگيرى.
كار ده‌كه‌ين بۆ باشترکردنی ژیان و گوزه‌رانی هاووڵاتیان، بۆ قووڵكردنه‌وه‌ى زياترى فره‌يى، پێكه‌وه‌ژيان، لێبورده‌يى، پاراستنى ديموكراسى، مافه‌کانی مرۆڤ، یه‌کسانی و ئازادييه‌كان. به ئومێد و گه‌شبينييه‌وه له ساڵى نوێ و داهاتوو ده‌ڕوانين. هيواى ته‌ندروستييه‌كى باش، سه‌ركه‌وتن، شادى و كامه‌رانى بۆ هه‌مووان ده‌خوازم.
نێچيرڤان بارزانى
سه‌رۆكى هه‌رێمى كوردستان
2022/12/31
https://presidency.gov.krd/president-nechirvan-barzanis-new-year-message/
پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی لەدایکبوونی حەزرەتی مەسیح (د.خ)
هەولێر، هەرێمی کوردستان (GOV.KRD)- بە بۆنەی جەژنی لە دایکبوونی حەزرەتی مەسیح ( دروودی خوای لەسەر بێت) پیرۆزبایی لە خوشک و برایانی کریستیان لە کوردستان و عێراق و جیهان دەکەم. ئومێدەوارم ڕۆژانی جەژن و پشوو لە خۆشی و شادیدا بەسەر ببەن.
لەم بۆنە پیرۆزەدا، جەخت لە گرنگیی پەرەپێدانی کولتووری بەیەکەوەژیانی ئاشتییانە و یەکتر قبوڵکردن و لێبودەیی و میانەڕەویی و تەبایی نێوان پێکهاتەکانی گەلی کوردستان دەکەینەوە.
جەژنتان پیرۆز بێت و هەمیشە لە ئاشتی و ئاسوودەییدا بژین.
مەسرور بارزانی
سەرۆکی حکومەتی هەرێمی کوردستان
سه‌رۆك نێچيرڤان بارزانى، كريسمس پيرۆز ده‌كات
يادى كريسمس، جه‌ژنى له‌دايكبوونى حه‌زره‌تى عيساى مه‌سيح، سڵاوى خواى لێ بێت، به گه‌رمى له هه‌موو خوشك و برايانى مه‌سيحى له كوردستان، عێراق و ته‌واوى جيهان پيرۆز ده‌كه‌م، هيواى جه‌ژنێكى پڕ له شادى و كامه‌رانييان بۆ ده‌خوازم. هيوادارم جه‌ژن له كه‌ش و دۆخێكى ئارامدا بكه‌نه‌وه و پشوويه‌كى خۆش به‌سه‌ر به‌رن.
له‌م جه‌ژنه پيرۆزه‌دا دووپاتى ده‌كه‌ينه‌وه كه هه‌رێمى كوردستان وه‌ك هه‌ميشه به لانه و سه‌رزه‌مينى فره‌يى و پێكه‌وه‌ژيانى ئاشتيانه و يه‌كترقبووڵكردن و لێبورده‌يى و ته‌بايى له‌نيوان هه‌موو پێكهاته ئايينى و نه‌ته‌وه‌يييه‌كانيدا ده‌مێنێته‌وه. له‌گه‌ڵ خوشك و برايانى مه‌سيحيمان و ته‌واوى پێكهاته‌كان، هه‌موومان پێكه‌وه كارده‌كه‌ين بۆ بنياتنانى ئێستا و داهاتوويه‌كى باشتر بۆ نه‌وه‌كانمان، بۆ وڵاتێك كه ماف و ئازادى بۆ هه‌موو هاووڵاتييانى له هه‌ر ئايين و نه‌ته‌وه‌يه‌ك بن، بپارێزێت.
جه‌ژنى له‌دايكبوونى مه‌سيح له هه‌مووان پيرۆز بێت، هه‌موو ساڵێك به خێر و خۆشى و ئاشتى بۆ ته‌واوى مرۆڤايه‌تى بگه‌ڕێته‌وه.
نێچيرڤان بارزانى
سه‌رۆكى هه‌رێمى كورستان
2022/12/24
مەسرور بارزانی سەرۆکی حکومەتی هەرێمی کوردستان دوێنێ شەو زنجیرە تویتێکی بە زمانی ئینگلیزی دەربارەی هێرشەکەی پاریس بڵاوکردەوە
هەولێر، هەرێمی کوردستان (GOV.KRD)- زۆر نیگەرانم لەو هێرشە قێزەونەی کرایە سەر ڕەوەندی کورد لە پاریس. هاوخەمم لەگەڵ کەسوکاری قوربانییەکان. داوا لە ڕەوەندی کورد دەکەم کە دان بەخۆیاندا بگرن و بە هیچ شێوەیەک بیانوو بۆ توندوتیژی نەهێنینەوە.
باوەڕمان بە هاوبەشە فەرەنسییەکانمان هەیە کە هەموو هەوڵێک دەخەنەگەڕ بۆ پاراستنی ڕەوەندی کورد لە سەرانسەری وڵات و دادگاییکردنی ئەنجامدەرانی هێرشەکە.
گەلی فەرەنسا چەندین جار پشتیوانی ئێمەی کردووە. ئێمە زۆر شتی هاوبەشمان هەیە؛ ئێمە بەیەکەوە ڕووبەڕووی تیرۆر دەبینەوە و میوانداری ئەو کەسانە دەکەین کە بەهۆی توندوتیژی و شەڕەوە ئاوارە بوون. ئەو پەیوەندی و دۆستایەتییەی لە نێوانماندا هەیە، زۆر لە ئەجێندای ڕقاوی ئەوانەی تاوانەکەیان ئەنجامداوە، بەهێزترە.
سه‌رۆك وه‌زيران ميلۆنى، سه‌رۆك نێچيرڤان بارزانى بانگهێشتى ڕۆما ده‌كات
ئێواره‌ى ئه‌مڕۆ هه‌ينى، 2022/12/23 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له خاتوو جيۆرجيا ميلۆنى، سه‌رۆك وه‌زيرانى ئيتاليا كرد كه به يه‌كه‌م سه‌ردانى فهرمى بۆ ده‌ره‌وه‌ى ئه‌ورووپا، هاتووه‌ته عێراق و هه‌رێمى كوردستان.
له كۆبوونه‌وه‌يه‌كدا سه‌رۆك نێچيرڤان بارزانى، وێڕاى ده‌ربڕينى خۆشحاڵى به سه‌ردانه‌كه، پيرۆزباييى كريسمس و سه‌ركه‌وتن و وه‌رگرتنى پۆستى سه‌رۆك وه‌زيرانى له خاتوو ميلۆنى كرد، هه‌روه‌ها سوپاس و پێزانينى هه‌رێمى كوردستانى بۆ ئيتاليا دووپات كرده‌وه بۆ هاريكارى و پشتگيريى سه‌ربازى و سياسى و مرۆيى و هاريكارى هاوبه‌شى وڵاته‌كه‌ى له‌گه‌ڵ عێراق و هه‌رێمى كوردستان له كاتى شه‌ڕى دژى داعشدا.
لاى خۆيه‌وه سه‌رۆك وه‌زيران خاتوو ميلۆنى، دووپاتى كرده‌وه كه وڵاته‌كه‌ى گرنگييه‌كى تايبه‌ت به په‌يوه‌ندييه‌كانى له‌گه‌ڵ عێراق و هه‌رێمى كوردستان ده‌دات و به‌هێزى و سه‌قامگيريى عێراق و هه‌رێمى كوردستانى بۆ عێراق و ناوچه‌كه به گرنگ زانى، هه‌روه‌ها پشتگريى وڵاته‌كه‌ى بۆ گفتوگۆى چاره‌سه‌ركردنى كێشه‌كانى هه‌ولێر ـ به‌غدا ده‌ربڕى. له‌مباره‌يه‌وه سه‌رۆك نێچيرڤان بارزانى دووپاتى كرده‌وه كه هه‌رێمى كوردستان ئاماده‌يه هه‌موو كێشه‌كان له‌گه‌ڵ به‌غدا به گفتوگۆ و له‌سه‌ر بنه‌ماى ده‌ستوور چاره‌سه‌ر بكات.
له کۆبوونه‌وه‌که‌دا که به‌ڕێزان جێگرانی سه‌رۆکی هه‌رێمی کوردستان و ژماره‌یه‌ک له به‌رپرسان ئاماده‌ی بوون، هه‌ردوولا هاوڕا بوون له‌سه‌ر ئه‌وه‌ى كه هێشتا داعش مه‌ترسييه‌كى ڕاسته‌قينه‌يه له‌سه‌ر ئاسايش و سه‌قامگيريى عێراق و سووريا، بۆيه عێراق و هه‌رێمى كوردستان پێويستييان به به‌رده‌واميى پشتگيريى نێوده‌وڵه‌تييه بۆ له‌ناوبردنى يه‌كجاريه‌كيى داعش، هه‌روه‌ها جه‌ختيان له بره‌ودان به په‌يوه‌ندييه‌كانى ئيتاليا و هه‌رێمى كوردستان و هاريكاريى هاوبه‌ش له هه‌موو بواره‌كاندا كرده‌وه. هه‌ر له‌م ميانه‌دا سه‌رۆك وه‌زيران خاتوو ميلۆنى، به فهرمى سه‌رۆك نێچيرڤان بارزانى بۆ سه‌ردانى ڕۆما بانگهێشت كرد.
به‌رنامه‌ى سه‌رۆك وه‌زيران خاتوو ميلۆنى بۆ به‌سه‌ركردنه‌وه‌ى هێزه‌كانى ئيتاليا له چوارچێوه‌ى هاوبه‌پمانيى نێوده‌وه‌ڵه‌تيى دژى داعش له هه‌رێمى كوردستان، ئاماده‌يى و ڕۆڵى ناتۆ له عێراق، دۆخى ئاواره و په‌نابه‌ران و پێكهاته‌كان به‌تايبه‌تى مه‌سيحى و ئێزدييه‌كان، دۆخى ناوچه‌كه به‌گشتى، لێكه‌وته‌كانى شه‌ڕ له ئۆكرايينا و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه بوو.
More...
«نازم ده‌باغ» له‌گه‌ڵ بەرپرسی بەشی خۆرهەڵات و ناوەڕاستی عێراق لە وەزارەتی دەرەوەی ئێران کۆبۆوه
سه‌رۆك نێچيرڤان بارزانى گەیشتە قه‌ته‌ر
سه‌رۆك نێچيرڤان بارزانى: مانه‌وه و سه‌ركه‌وتنمان ته‌نيا به ته‌بايى و يه‌كڕيزى ده‌كرێت
پەیامی سەرۆکی حکومەتی هەرێمی کوردستان بەبۆنەی ڕۆژی ئاڵای کوردستان
دوایین هەواڵەکان
- سهركۆمارى توركيا به‌رده‌واميى پشتگيريى وڵاته‌كه‌ى بۆ عێراق و هه‌رێمى كوردستان دووپات كرده‌وه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: ده‌بێ نيشتمان كۆكهرهوهى هه‌موومان بێت
- سه‌رۆك نێچيرڤان بارزانى له‌گه‌ڵ باڵيۆزى يهكێتيى ئه‌ورووپا كۆبووه‌وه
- سه‌رۆكى هه‌رێمى كوردستان پێشوازى له باڵيۆزى فهرهنسا كرد
- سه‌رۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سه‌رۆكى هه‌رێمى كوردستان نامهيهكى پيرۆزبايى له وهزيرى دهرهوەى توركياوه پێدهگات