لە ئیسپانیا بەرپرسی پەیوەندیەكانی دەرەوە بەشدارى رۆژی نیشتیمانی كوێت دەكات
لەمیانەی سەردانەكەیدا بۆ ئیسپانیا فەلاح مستەفا بەرپرسی پەیوەندیەكانی دەرەوەی حكومەت بەیاوەری وەدیع ئال بەتی باڵیۆزی عیراق لە ئیسپانیا و دابان شەدەلە نوێنەری حكومەتی هەرێم لە ئیسپانیا بەشداری لە ئاهەنگی 53 یەمین ساڵیادی رۆژی نیشتیمانی كوێت كرد .
لە ئاهەنگەكەدا كە سولەیمان خەمیسی باڵیۆزی كوێت لە ئیسپانیا و بەرپرسانی دیكەی باڵیۆزخانە ئامادەی بوون ، بەرپرسی پەیوەندیەكانی دەرەوە بە بۆنەی 53 یەمین ساڵیادی رۆژی نیشتیمانی كوێت بەناوی حكومەتی هەرێمی كوردستان پیرۆزبایی لە گەل وحكومەتی كوێت كرد وهیوای سەركەوتن و پێشكەوتنی بۆ ئەم وڵاتە خواست.
هاوكات بەرپرسی پەیوەندیەكانی دەرەوە چاوی بە ژمارەیەك لە باڵیۆزانی وڵاتانی عەرەبی و جیهان كەوت و دوایین پەرەسەندنی سیاسی و ئەمنی كوردستان و عیراق و باردۆخی ناوچەكە باسیان لێوەكرا.
پێنج شەممە, 27 شوبات 2014
نێچیرڤان بارزانى پێشوازى له باڵیۆزى ژاپۆن ده‌كات
دواى نیوه‌ڕۆى ئه‌مڕۆ چوارشه‌ممه 26ى شوباتى 2014، نێچیرڤان بارزانى سه‌رۆك وه‌زیرانى هه‌رێمى كوردستان پێشوازى له كازویا ناشیدا باڵیۆزى نوێى ژاپۆن له عیراق كرد.
له دیدارێكدا باڵیۆزى ژاپۆن تیشكى خسته سه‌ر به‌شداریكردنى له كۆنفرانسى هاوبه‌شى كارسازانى هه‌رێمى كوردستان و ژاپۆن كه به‌مه‌به‌ستى یه‌كترناسینى كارسازانى هه‌ردوولا و بنیانانى په‌یوه‌ندى له نێوانیاندا، هه‌روه‌ها بۆ ئه‌وه‌ى ببێته ڕێخۆشكه‌رێك بۆ هاتنى كارسازانى ژاپۆنى و هاندانیان بۆ وه‌به‌رهێنان له هه‌رێمى كوردستان، له هه‌ولێر ساز كرا.
باڵیۆزى ژاپۆنى وێڕاى ده‌ربڕینى خۆشحاڵى به یه‌كه‌م سه‌ردانى بۆ هه‌رێمى كوردستان، ستایشى حكوومه‌ت و خه‌ڵكى هه‌رێمى كوردستانى كرد بۆ ئه‌و پێشكه‌وتنانه‌ى له هه‌موو بواره‌كاندا و به‌تایبه‌تیش له بوارى ئاوه‌دانكردنه‌وه و بنیاتنانه‌وه‌دا هاتووه‌ته دى، هه‌روه‌ها خواستى وڵاته‌كه‌ى بۆ په‌ره‌پێدانى په‌یوه‌ندیى دووقۆڵى به‌تایبه‌تیش له بوارى ئابووریدا له‌گه‌ڵ هه‌رێمى كوردستان دووپات كرده‌وه.
لاى خۆیه‌وه نێچیرڤان بارزانى ـ ش وێڕاى به‌خێرهێنانى میوانى ژاپۆنى، سوپاس و پیزانینى گه‌ل و حكوومه‌تى هه‌رێمى كوردستانى بۆ ژاپۆن ده‌ربڕى كه هه‌ر له سه‌ره‌تاى نه‌وه‌ده‌كانى سه‌ده‌ى ڕابردووه‌وه له ڕێگه‌ى چه‌ندین ئاژانس و NGO و ڕێكخراوى ژاپۆنه‌وه، هاوكاریى هه‌رێمى كوردستانیان كردووه و ئێستاش له كه‌یسى په‌نابه‌رانى سووریادا هاوكارى پێشكه‌ش ده‌كه‌ن، هه‌روه‌ها داواى كرد كه ڕێكخراوه‌كانیان هان بده‌ن بۆ ئه‌وه‌ى هاوكاریى زیاترى په‌نابه‌ران بكه‌ن.
له كۆتایى دیداره‌كه‌دا سه‌رۆك وه‌زیران هه‌موو پشگیرییه‌كى حكوومه‌تى هه‌رێمى كوردستانى بۆ كارسازان و خاوه‌نكار و كۆمپانیا ژاپۆنیه‌كان دووپات كرده‌وه و ڕایگه‌یاند كه حكوومه‌تى هه‌رێمى كوردستان پێشوازى له سه‌رمایه و وه‌به‌رهێنانى ژاپۆنى ده‌كات و هه‌موو ده‌رفه‌تێك ده‌ڕه‌خسێنێت بۆ ئه‌وه‌ى له پرۆسه‌ى په‌ره‌سه‌ندنى هه‌رێمى كوردستاندا به‌شدار بن.
پێنج شەممە, 27 شوبات 2014
فەلاح مستەفا لەگەڵ وەزیری دەوڵەت بۆ هاوكاری و كاروباری دەرەوەی پرتوگال و بەرپرسانی باڵای وەزارەتی دەرەوەی ئەو وڵاتە كۆبووەوە
لەمیانەی گەشتە فەرمیەكەی بۆ چەند وڵاتێكی ئەوروپا، فەلاح مستەفا بەرپرسی فەرمانگەی پەیوەندیەكانی دەرەوە بە یاوەری نوێنەری حكومەتی هەرێم لە ئیسپانیا، دابان شەدەڵە، سەردانی وەزارەتی هاوكاری و كاروباری دەرەوەی پرتوگالیان كردو لە لایەن لویس فێریا وەزیری دەوڵەت بۆ هاوكاری و كاروباری دەرەوەو هەروەها خۆسێ سیساریۆ وەزیری دەوڵەت بۆ كۆمەڵگای پرتوگالی لە دەرەوە پێشوازیان لێكرا.
لویس فێریا سوپاسی سەردانی شاندەكەی حكومەتی هەرێمی كرد بۆ وەزارەتی كاروباری دەرەوەو گووتی كە كۆمەڵێك بابەت هەیە بۆ گفتوگۆكردن كە كە گرینگی بۆ هەردوولا هەیە. گووتی زۆر گرینگە بۆ كۆمپانیاكانی پرتوگال لە هەرێمی كوردستان كە ناوچەیەكی ئاشتیخوازە كار بكەن.
لای خۆیە بەرپرسی پەیوەندیەكانی دەرەوە وێڕای دەربڕینی خۆشحاڵیان گووتی كە دەمانەوێت پەیوەندیەكانمان بۆ سوودو بەرژەوەندی هەردوولا بێت. ئێمە پێویستیمان بە شارەزاییەكانی پرتوگال لە بوارە جیاجیاكاندا هەیە و هاوكات پێمان گرینگە كە پرتوگال نوێنەرایەتی خۆی لەماوەی داهاتوو لە هەرێم بكاتەوە، تاوەكو ببێتە هۆی دامەزراندنی پەیوەندیەكی بەهێز لە نێوان هەردوولا.
فەلاح مستەفا باسی لەو پێشكەوتنانە كرد كە لە كوردستان بەدی هاتوون، بە تایبەتی لەڕووی زیادبوونی ژمارەی نوێنەرایەتی وڵاتانی بیانی و هەروەها كار كردنی 18 هێڵی فڕۆكەوانی و هاوكات كار كردنی زیاتر لە 2600 دوو هەزارو شەش سەد كۆمپانیای بیانی لە هەرێم. گووتیشی دەرفەتی جۆراوجۆر هەیە بۆ پێكەوە كار كردن وەك ئابووری و كەلتوری و پەروەردە. هەروەها ئاماژەی بەوە كرد كە هەرێمی كوردستان دەیەوێت سوود لە شارەزاییەكانی ئەو وڵاتە وەربگرێت لە بوارەكانی تەكنەلۆژیا و كشتوكاڵ و پیشەسازی و گەشتوگوزار.
لای خۆشیەوە لویس فێریا وەزیری دەوڵەت بۆ هاوكاری و كاروباری دەرەوەی پرتوگال گووتی ئێمە خۆشحاڵین بە پێشوازی كردن لە نوێنەری حكومەتی هەرێم لە ئیسپانیا، بەڵام هاوكات دەمانەوێت كە حكومەتی هەرێم نوێنەرایەتی خۆی لە پرتوگال بكاتەوە كە یارمەتیدەر دەبێت بۆ بەهێزكردنی پەیوەندیەكانی نێوان هەردوولا. گووتیشی كە پرتوگال نەك تەنها لە ئەوروپا بەڵكو پەیوەندیەكی بەهێزیشی لەگەڵ وڵاتانی ئەفریقا هەیە.
لە كۆتایی دیدارەكەشدا بەرپرسی پەیوەندیەكانی دەرەوە داوای كرد كە شاندێكی وەزارەتی هاوكاری و كاروباری دەرەوەی پرتوگال سەردانی هەرێمی كوردستان بكات، كە گاریگەری پۆزەتیڤ دەبێت بۆ راستەخۆ بینینی ئەو دەرفەت و لایەن و پرۆژانەی كە لە هەرێم هەیە. گووتیشی كە هەرێم پرتوگال وەك هاوبەش دەبینێت و چاومان لە پەرەپێدانی پەیوەندیەكانی نێوان هەردوولایە.
هەر لەمیانەی سەردانەكەدا بۆ وەزارەتی هاوكاری و كاروباری دەرەوەی پرتوگال، شاندی حكومەتی هەرێم لەگەڵ روی ماسیرا بەڕێوەبەری گشتی سیاسەتی دەرەوە كۆبوونەوە.
ماسیرا گووتی پێمان وایە كە هەرێمی كورستان مۆدێلێكی باشە بۆ تەواوی عێراق. گووتیشی كە پرتوگال بەنیازی دووبارە كردنەوەی باڵیۆزخانەیە لە بەغدا دوای ئەوەی كە لەساڵی 2007 داخرا.
هەر لە دیدارەكەدا بەرپرسی پەیوەندیەكانی دەرەوە پوختەیەكی دەربارەی پەیوەندیەكانی هەرێم لەگەڵ وڵاتانی دراوسێ باس كرد. هاوكات تیشكی خستەسەر قەیرانی مرۆیی سوریا و ئەو كاریگەریانەی كە ئاوارەبوونی هاووڵاتیانی ئەو وڵاتە لەسەر هەرێمی كوردستان هەیبووە، لە هەمان كاتدا باسی لە ئاوارەكانی بەشەكانی دیكەی عێراق كرد كە بەهۆی توندوتیژیەكانەوە روویان لە هەرێم كردووە.
سەرۆكی هەرێمی كوردستان پێشوازی لە باڵیۆزی توركیا لە عێراقی فیدڕاڵ دەكات
ئەمڕۆ سێشەممە 25ـی 2ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە فاروق كەیماكچی باڵیۆزی نوێی توركیا لە عێراقی فیدڕاڵ و شاندێكی یاوەری كرد.
لە دیدارێكدا سەرەتا باڵیۆزی توركیا لە عێراقی فیدڕاڵ سوپاس و خۆشحاڵیی خۆی ڕاگەیاند بۆ ڕەخساندنی ئەم دیدارە و وێڕای ئاماژەكردن بە پەیوەندییەكانی نێوان وڵاتەكەی و هەرێمی كوردستان باسی لەوە كرد كە توركیا بە بایەخەوە سەیری پەیوەندییەكانی لەگەڵ هەرێمی كوردستان دەكات و وڵاتەكەی لەبواری وزەدا خوازیارە پەیوەندییەكان گەشەی زیاتر بەخۆیانەوە ببینن. لە بەشێكی دیكەی قسەكانیدا باڵیۆزی توركیا لە عێراقی فیدڕاڵ بەراوردی نێوان هەرێمی كوردستان و بەشەكانی دیكەی عێراقی كرد و ڕایگەیاند كە سەقامگیری و ئاساییشی هەرێمی كوردستان هانی كۆمپانیاكانی توركیای داوە كە زیاتر لە هەرێمی كوردستاندا سەرمایەگوزاری بكەن. سەبارەت بە كابینەی تازەی حكوومەتی هەرێم باڵیۆزی توركیا لە عێراقی فیدڕاڵ هیوای خواست حكوومەتی تازە حكوومەتێكی بەهێز بێت و سەرچاوەی خێر و خۆشی بێت بۆ هەرێمی كوردستان و ناوچەكە. باڵیۆزی توركیا لە عێراقی فیدڕاڵ هێمای بە سەردانە مێژووییەكەی سەرۆك بارزانی بۆ شاری ئامەدیش كرد و گوتی" ئەم سەردانە زۆر دیواری شكاندن و ڕۆڵی ئێوە لە پڕۆسەی دیالۆگ و ئاشتی زۆر گرنگە".
لە بەرانبەردا سەرۆك بارزانی وێڕای بەخێرهێنانی شاندی میوان خۆشحاڵیی خۆیشی نیشاندا بە گەشەسەندنی پەیوەندییەكانی نێوان هەر دوو وڵات و هیوایشی خواست ئەو پەیوەندییانە بەردەوام و بەهێزتر ببن. پەیوەست بە مەسەلەی نەوت و وزە و ئەو كێشەیەی لەگەڵ حكوومەتی عێراقی دروست بووە، سەرۆك بارزانی ڕایگەیاند كە هەرێمی كوردستان یەك هەنگاویشی دژی دەستوور نەهاوێشتووە و ئەوە مافێكی دەستووریی خۆمانە لەبواری نەوتدا كار بكەین. لە بەشێكی دیكەی قسەكانیدا سەرۆك بارزانی هۆكاری نالەباریی بارودۆخی سیاسیی و ئەمنیی عێراقی بۆ سیاسەتی هەڵەی حوكمڕانانی عێراق گەڕاندەوە و هەروەها سەپاندنی ئابڵوقە و نەدانی مووچەی كارمەندانی هەرێم و نەناردنی بودجەی هەرێمی كوردستان لە لایەن بەغداوە بە كارێكی نایاسایی لە قەڵەمدا و گوتی: "هیچ كەسێك ئەو ماف و دەستەڵاتەی نییە مووچەی خەڵكی ببڕێت و ئەو كارە دژی یاسایە و ئێمە ئەم بابەتە بە ڕاگەیاندنی شەڕ لەدژی خەڵكی كوردستان دەزانین".
پەیوەست بە پەیوەندیی و هاوپەیمانێتیی نێوان كورد و شیعە لەو چەند ساڵەی ڕابردوودا سەرۆك بارزانی جەختی لەسەر پەیوەندیی مێژوویی و مەعنەویی نێوان كورد و شیعە كردەوە و ڕایگەیاند كە گەلی كوردستان هیچ گرفتێكی لەگەڵ شیعەدا نییە، تەنیا گرفت هەڵسوكەوتی حوكمڕانانی بەغدایە.
بارودۆخی سیاسیی ناوچەكە و هەڵبژاردنی داهاتووی ئەنجوومەنی نوێنەرانی عێراق تەوەرێكی دیكەی ئەم كۆبوونەوەیە بوون.
سێ شەممە, 25 شوبات 2014
لە چوارچێوەى گەشتە ئەوروپیەکەیدا بەرپرسی پەیوەندیەکانی دەرەوە سەردانى وەزارەتى دەرەوەى ئیسپانیاى کرد
لە چوارچێوەی گەشتە ئەوروپییەکەی و لەدوای کۆتاییهاتنی سەردانەکەی بۆ هەرێمی کەتالۆنیا، فەلاح مستەفا بەرپرسی پەیوەندیەکانی دەرەوەی حکومەت بەیاوەری وەدیع ئەلبەتی باڵیۆزی عیراق لە ئیسپانیا و دابان شەدەڵە نوێنەری حکومەتی هەرێم لە ئیسپانیا سەردانى وەزارەتى هاوکارى و کاروبارى دەرەوەى ئیسپانیایان کردو لەگەڵ گۆنزالۆ پینیتۆ وەزیری دەوڵەت بۆ کاروباری پەیوەندیە نێودەوڵەتیەکان و مانوێل گۆمێز بەڕێوەبەری گشتی بۆ مەغریب و ئەفریقیا و رۆژهەڵاتى ناوەڕاست لەو وەزارەتە کۆبوونەوە .
ئەم سەردان و کۆبوونەوەیە کە دوابەودواى سەردانی عیماد ئەحمەد جێگری سەرۆکی حکومەتی هەرێم لە مانگى نیسانى ساڵى رابردوو بۆ ئەو وڵاتە ئەنجام درا، هەروەها وەکو بەشێک لە بەدواداچوونى ئەو سەردانە، هەردوولادا لەسەر پەرەپێدانى هەماهەنگی و هاوکاری نێوانیان هاوڕابوون، هاوکات بەرپرسی پەیوەندیەکانی دەرەوە پەرەپێدانى ئەو پەیوەندیانەى بە گرنگ بەسوود بۆ هەردوولا وەسف کرد.
لاى خۆیەوە گۆنزالۆ پینیتۆ گووتى ئەوان لە نزیکەوە سەبارەت بە سەرکەوتنەکانى هەرێمی کوردستان ئاگادارن. هەروەها گووتى کە نیگەرانن دەربارەى تەواوى بارودۆخى ناوچەکەبەڵام هەرێمی کوردستان جیاوازە و شوێنێکى سەقامگیر و پارێزراوە، گووتیشى کەرتی تایبەتی ئیسپانیا بە شێوەیەکی جدی کار بۆ سوود وەرگرتن لە دەرفەتی وەبەرهێنان لە هەرێمی کوردستاندا دەکات و هاوکات هیواى خواست کە پێکەوە کار بۆ پشتگیرى ئەم پرۆسەیە بکەن.
پاشان فەلاح مستەفا بەرپرسی پەیوەندیەکانی دەرەوە باسى لە گرینگى پەرەپێدانى پەیوەندیەکانى نێوان هەرێمى کوردستان و وڵاتى ئیسپانیاى کردەوە لەڕووى ئابوورى و سیاسى و کەلتورى و کۆمەڵایەتى و گووتى هەرێمی کوردستان خوازیارە پەیوەندیەکی درێژخایەنی لەگەڵ ئیسپانیا هەبێت کە سوودی بۆ هەردوولا هەبێت، هاوکات بەرزکردنەوەى ئاستی نوێنەرایەتی ئیسپانیا لە هەرێم بۆ پەرەپێدانى ئەو پەیوەندیانە بە پێویست و گرینگ زانى.
هەر لەم دیدارەدا باس لە پرۆسەی پێکهێنانی کابینەی نوێى حکومەتى هەرێم کرا. هاوکات بەرپرسى پەیوەندیەکانى دەرەوە داواى لە حکومەتی ئیسپانیا کرد ئەو تاوانانەى لە لایەن رژێمى پێشووى عێراق دژ بە گەلى کوردستان کراوە بە جینۆساید ناسێنێت. ل رووەشەوە وەزیری دەوڵەت بۆ پەیوەندیە نێودەوڵەتیەکان لە وەزارەتى دەرەوەى ئیسپانیا گووتى کە ئَمە بەردەوم دەبین لە قسە کردن لەگەڵ ئەندامانى پەرلەمان سەبارەت بەو تاوانانەى کە دژ بە گەلى کورد کراوە و گووتیشى کە ئەوان ئاگادارى ئەو کارەساتەن کە بەسەر کورد هاتووە.
لە دواباسەکانى دیدارەکەدا بەرپرسى پەوەنیدەکانى دەرەوە باسى پرۆسەی هەڵبژاردنی ئەنجومەنی نوێنەرانی عیراق لەماوەى داهاتوو کرد. هەروەها قەیرانی سوریا و رەوش و پێویستیەکانى ئاوارەکانی سوریا لە هەرێم تەوەرێکی دیکەی باسەکان بوون.
لە ئیسپانیا فەلاح مستەفا لە سیمینارێکدا باس لە بۆچوون و رۆڵى هەرێمى کوردستان لە رۆژهەڵاتى ناوەڕاست بۆ ژمارەیەک لە دیپلۆماتکارو بەرپرسانى حکومەت دەکات
رۆژى 24/02/2014 فەلاح مستەفا بەرپرسى پەیوەندیەکانى دەرەوەى حکومەتى هەرێم سیمینارێکى پێشکەش کرد کە ژمارەیەک لە دیپلۆماتکارو بەرپرسانى حکومەت و توێژەران و ئەکادیمیکارانى لە دامەزراوەکانى هزرو را لە ماڵى عەرەبى لە مەدرید ئامادەى بوون. لەم سیمینارەدا کە لە ژێر ناونیشانى (دیمەنى سیاسى نوێى عێراق: پێشبینیەکانى حکومەتى هەرێمى کوردستان) بەڕێوەچوو، دابان شەدەڵە نوێنەرى حکومەتى هەرێم لە ئیسپانیا یاوەرى بەرپرسى پەیوەندیەکانى دەرەوە بوو.
لە سەرەتادا بەرپرسى پەیوەندیەکانى دەرەوە تیشکى خستەسەر گۆڕانکاریەکان لە رۆژهەڵاتى ناوەڕاست و کێشەکانى سەروەرى و ناسنامە و باسى لەوە کرد کە دەتوانرێت چى بکرێت بۆ سەرخستنى پرۆسەى گواستنەوەى دیموکراسى لە رۆژهەڵاتى ناوەڕاستدا. لەم رووەشەوە تیشکى خستەسەر ئەزموونى هەرێمى کوردستان کە لە راپەڕینى بەهارى 1991 دەستى پێکرد.
فەلاح مستەفا ئەزموونى نوێى دیموکراسى لە هەرێمى کوردستان بۆ ئامادەبووان شیکردەوە کە لە راپەڕینى گەلى کوردستان دژى رژێمى بەعس لە بەهارى 1991دەستى پێکرد و هەروەها باسى لە بەردەوامى و پەرەپێدانى ئەو پرۆسەیە دواى روخانى رژێم لە ساڵى 2003 کرد. هاوکات باسى لە یەکەمین هەڵبژاردنى پەرلەمانى ئازاد لە هەرێم لە ساڵى 1992 کرد.
لە بەشێکى دیکەى سیمینارەکە بەرپرسى پەیوەندیەکانى دەرەوە باسى لە کاریگەریەکانى شۆڕشەکانى وڵاتانى عەرەبى لەسەر رۆژهەڵاتى ناوەڕاست و بە تایبەتى کاریگەریەکانى لەسەر هەرێمى کوردستان کرد، لە ناویشیاندا باسى لە لەخۆگرتنى ئاوارەکانى ئاوارەکانى سوریا و هەروەها دابینکردنى شوێنی مانەوە بۆ ئەو عێراقیانەى کە بەهۆى توندوتیژیەکان لە بەشەکانى دیکەى عێراق روویان لە هەرێم کردووە کرد.
لەبارەى قەیرانى مرۆیی لە سووریا بەرپرسى پەیوەندیەکانى دەرەوە گووتى چارەسەرى سەربازى بۆ ئەو توندوتیژیانە لە سوریا نیە و ووتیشى کە حکومەتى هەرێم هیوادارە کە کۆمەڵگاى نێودەوڵەتى هەوڵى زیاتر بدات بۆ چارەسەر کردنى قەیرانى سوریا. سەبارەت بە کوردەکان لە سوریا، جەختى لە یەکگرتووى کوردەکان لەو وڵاتەدا کردەوە و گووتى کە بەم شێوە دەتوانن دەستبەرى ماف و داواکاریەکانیان بکەن.
هەر لە سیمنارەکەدا فەلاح مستەفا باسى لە لایەنە کەلتورى و کۆمەڵایەتیەکانى هەرێمى کوردستان و هەروەها باسى لە پێشکەوتنە سیاسى و ئابووریەکانى هەرێم کرد. بەرپرسى پەیوەندیەکانى دەرەوە گووتى لە ئێستا بە بڕى 37 سى و حەوت بلیۆن دۆلارى ئەمەریکى پرۆژەى وەبەرهێنان لە هەرێم ئەنجام دراوە و زیاتر لە 2600 دوو هەزار و شەش سەد کۆمپانیاى بیانى لە هەرێم کار دەکەن.
دەربارەى پەیوەندیەکانى حکومەتى هەرێم لەگەڵ وڵاتانى دراوسێى، بەرپرسى پەیوەندیەکانى دەرەوە باسى لە بەروپێشچوونى پەیوەندیەکان لەگەڵ حکومەتى تورکیا کرد. هەروەها باسى لە چارەسەر کردنى پرسى ئێستاى نەوت لە نێوان هەرێم و بەغدا و تورکیا کرد.
هاوکات لەبارەى پەیوەندیەکانى حکومەتى هەرێم لەگەڵ بەغدا گووتى کە هەڵبژاردنى پەرلەمانى داهاتووى عێراق لە 30/4/2014 خاڵى وەرچەرخان و گرینگیشە بۆ حکومەتى هەرێم. گووتیشى کە کێشەکانى نێوان هەولێر و بەغدا چەند لایەنێک لەخۆ دەگرێت کە لە پێناوى بەرژەوەندى هەموو عێراقیەکاندا پێویستیان بە چارەسەر هەیە.
بەرپرسى پەیوەندیەکانى دەرەوە سەردانى پەرلەمانى ئیسپانیاى کرد و لەگەڵ سەرۆکى کاروبارى دەرەوەى سێنات کۆبووەوە
لە چوارچێوەی گەشتە ئەوروپیەکەیدا فەلاح مستەفا بەرپرسی پەیوەندیەکانی دەرەوەی حکومەت سەردانى پەرلەمانى ئیسپانیای کردو لە لایەن ئەلیخاندرو ئالونسو مونوز سەرۆکى کاروبارى دەرەوە لە سێنات پێشوان لێکرا. لە دیدارەکەدا کە هەریەک لە باڵیۆزی عیراق لە ئیسپانیا، وەدیع ئەلبەتی، و نوێنەری حکومەتی هەرێم لە ئیسپانیا، دابان شەدەڵە، یاوەریان بوو باس لەو رێگایانە کرا کە دەبنە هۆى پەرەپێدانى پەیوەندیەکانى نێوان هەرێمى کوردستان و ئیسپانیا.
سەرۆکى کاروبارى دەرەوەى سێنات دواى پێشوازى کردن و سوپاسکردنى شاندى حکومەتى هەرێم بۆ سەردانەکە گووتى کە ئەوان شارەزایی ئەوتۆیان هەیە کە هەرێمى کوردستان و عێراق دەتوانن سوودى لێ وەربگرن.
لاى خۆشیەوە بەرپرسى پەیوەندیەکانى دەرەوە سوپاسى کردن و گووتى کە حکومەتى هەرێم ئیسپانیا وەک هاوبەشێکى گرینگ لە هەرێمى کوردستان و عێراق دەبینێت. هەروەها گووتى کە پێویستە کار بۆ پەرەپێدانى پەیوەندیەکانى نێوان هەردوولا بکەین. گووتیشى زۆرهاوبەشى لە نێوانماندا هەیە و ئێمە دەتوانین سوود لە مێژووى ئیسپانیا و قۆناغەکانى گواستنەوەى ئەم وڵاتە بۆ دیموکراسى وەربگرین.
هەر لە دیدارەکەدا بەرپرسى پەیوەندیەکانى دەرەوە تیشکى خستەسەر ئەو رووبەڕووبوونەوانەى کە بەرەوڕووى بونیادنانەوەى عێراقى نوێ دەبێتەوە و هەروەها گووتى هەرێمى کوردستان و عێراق پێویستى بە پشتیوانى کۆمەڵگاى نێودەوڵەتى هەیە. گووتیشى کە کار بۆ سیستەمێکى حوکمڕانى دەکەن کە دەستەبەرى هاوسەنگى بێت. ئەوەش گووت کە لە ئێستادا بەرەو هەڵبژاردنى پەرلەمانى عێراق هەنگاو دەنێن و جەخت لەوە دەکەنەوە کە ئەم هەڵبژاردنە لەکاتى خۆیدا ئەنجام بدرێت، هاوکات داواى کرد کە چاودێرانى نێودەوڵەتى بێنە هەرێمى کوردستان و عێراق و چاودێرى ئەم هەڵبژادنە بکەن.
سەبارەت بە پەیوەندیەکانى نێوان هەرێمى کوردستان و ئیسپانیا، هەردوولا باسیان لە پەرەپێدانى پەیوەندى پەرلەمانى و ئابووریەکان کردەوە. لەم رووەوە بەرپرسى پەیوەندیەکانى دەرەوە داواى لە ئەلیخاندرو ئالونسو وەک سەرۆکى کاروبارى دەرەوەى سێنات کردو گووتى هیوامان وایە لەگەڵ کۆمەڵگاى نێودەوڵەتى و وڵاتانى دیکەى ئەوروپا پشتیوانیمان بکەن. گووتیشى هیوادارین کار بکرێت بۆ دامەزراندنى گروپێکى هاورێیەتى بۆ پشتیوانى کردن لە هەرێمى کوردستان هەروەک لە پەرلەمانى وڵاتانى دیکە هەیە.
فەلاح مستەفا داواى کرد کە ئیسپانیا ئاستى نوێنەرایەتى خۆى لە هەرێمى کوردستان بەرز بکاتەوە کە کاریگەرى لە پەرەپێدانى پەیوەندیەکانى نێوان هەردوولا دەبێت. هەروەها داواى کرد ئەو تاوانانەى لە لایەن رژێمى پێشووى عێراق دژ بە گەلى کوردستان ئەنجام دراون لە لایەن ئیسپانیاوە بە جینۆساید بناسێنرێت.
لاى خۆشیەوە ئەلیخاندرو ئالونسو دڵنیایی بە بەرپرسى پەیوەندیەکانى دەرەوە و شاندى یاوەرى دا کە کار بۆ بەدەستهێنانى پاڵپشتى بۆ ئەو دوو بابەتە دەکات. سەبارەت بە مێژووى ئیسپانیا سەرۆکى کاروبارى دەرەوەى سێنات گووتى ئیسپانیا لە ئەوروپادا زۆرترین سیستەمى لامەرکەزى هەیە و دەسەڵاتێکى زۆر بە ناوچە و هەرێمەکان دراوە و گووتیشى زۆر چاکسازیمان دەربارەى پرۆسەى دیموکراسى ئەنجام داوە و لەم رووەوە ئامادەین لەو شوێنانى کە لە تواناماندایە هاوکاریتان بکەین.
هەر لەم دیارەدا بەرپرسى پەیوەندیەکانى دەرەوە باسى لە سیاسەتى دەرگاى کراوە لە لایەن حکومەت هەرێم لە بوارى بازرگانى کرد و گووتى کە هەرێم دەروازەیەکى گرینگە بۆ زیاتر لە 30 سى ملیۆن هاووڵاتى لە تەواوى عێراق، گووتیشى هەر بەهۆى ئەم سیاسەتەوە لە ماوەیەکى کورتدا زیاتر لە 2600 دوو هەزار و شەش سەد کۆمپانیاى بیانى هاتوونەتە هەرێم و کار دەکەن و بە بڕى 37 سى و حەوت بلیۆن دۆلارى ئەمەریکى کارو پرۆژەى وەبەرهێنانیان ئەنجام داوە.
سێ شەممە, 25 شوبات 2014
بەرپرسی پەیوەندیەكانی دەرەوە سەردانی باڵیۆزخانەی عیراق لە مەدرید دەكات
فەلاح مستەفا بەرپرسی پەیوەندیەكانی دەرەوەی حكومەت بە یاوەری دابان شەدەلە نوێنەری حكومەتی هەرێمی كوردستان لە ئیسپانیا، سەردانی باڵیۆزخانەی عیراقی لە ئیسپانیا كرد و لەلایەن باڵیۆز وەدیع ئال بەتی پێشوازیان لێكرا .
سێ شەممە, 25 شوبات 2014
نێچیرڤان بارزانى پێشوازى له شاندێكى فهرهنسى كرد
ئێواره‌ى ئه‌مڕۆ سێشه‌ممه 25ى شوباتى 2014، نێچیرڤان بارزانى سه‌رۆك وه‌زیرانى هه‌رێمى كوردستان پێشوازى له باڵیۆز ژۆن فرانسوا ژیرۆ به‌ڕێوه‌به‌رى كاروبارى باكوورى ئافریكا و ڕۆژهه‌ڵاتى ناوه‌ڕاست له وه‌زاره‌تى ده‌ره‌وه‌ى فه‌ره‌نسا به یاوه‌ریى ئالان گێپارت كونسولى گشتیى فه‌ره‌نسا له هه‌رێمى كوردستان كرد.
له دیدارێكدا دوا پێشهاته‌كانى ناوچه‌كه به‌گشتى و پێشهاته‌كانى سووریا به‌تایبه‌تى تاوتوێ كران و تیشك خرایه سه‌ر بارودۆخى سووریا و ئه‌و نه‌هامه‌تیانه‌ى ڕووبه‌ڕووى هاووڵاتیانى ئه‌و وڵاته بووه‌ته‌وه كه به ملیۆنه‌هایان ناچارى ئاواره‌یى بوون و له وڵاتانى ده‌وروبه‌ر گیرساونه‌ته‌وه. له‌مباره‌یه‌وه باس له ڕه‌وشى په‌نابه‌رانى سووریا له هه‌رێمى كوردستان كرا و میوانى فهرهنسى ستایشى ڕۆڵى حكوومه‌تى هه‌رێمى كوردستان له داڵده‌دان و هاوكاریكردنى په‌نابه‌ران كرد.
ڕه‌وشى عیراق و كێشه‌كانى نێوان هه‌ولێر و به‌غدا و هه‌وڵه‌كانى چاره‌سه‌ركردنیان له ڕێگه‌ى دیالۆگهوه به‌شێكى دیكه‌ى دیداره‌كه بوون كه تیایدا نێچیرڤان بارزانى وێڕاى دووپاتكردنه‌وه‌ى خواستى حكوومه‌تى هه‌رێمى كوردستان بۆ چاره‌سه‌ركردنى هه‌موو كێشه‌كان له ڕێگه‌ى دیالۆگهوه، دووپاتى كرده‌وه كه پرسى بڕینى بودجه و مووچه‌ى فه‌رمانبه‌رانى هه‌رێمى كوردستان له لایه‌ن حكوومه‌تى عیراقه‌وه به هیچ شێوه‌یه‌ك ناخه‌نه ئه‌جێنداى گفتوگۆكانه‌وه.
هه‌ر له دیداره‌كه‌دا هه‌ردوولا خۆشحاڵیى خۆیان به ئاستى په‌یوندییه‌كانى هه‌رێمى كوردستان و فه‌ره‌نسا ده‌ربڕى و دووپاتیان له گرنگى و چۆنیه‌تیى بره‌ودانى زیاتر به‌و په‌یوه‌ندیانه كرده‌وه. هه‌روه‌ها باس له په‌یوه‌ندییه‌كانى هه‌رێمى كوردستان و وڵاتانى دراوسێ و كاریگه‌ریى باشى ئه‌و په‌یوه‌ندییانه له‌سه‌ر به‌ره‌وپێشچوونى زیاترى هه‌رێمى كوردستان له بواره جیاكاندا كرا.
سێ شەممە, 25 شوبات 2014
كۆسره‌ت ره‌سول عه‌لی: گه‌لی كورد به یه‌كده‌نگی و كۆده‌نگی ده‌گاته ئامانجه‌كانی خۆی
كۆسره‌ت ره‌سول عه‌لی رایگه‌یاند گه‌لی كورد به یه‌كده‌نگی و كۆده‌نگی ده‌گاته ئامانج و ئاواته‌كانی خۆی و ده‌بێ هه‌موومان هه‌وڵبده‌ین بۆ پاراستنی یه‌كڕیزی نێوماڵی كورد.
ئه‌م وتانه‌ی كۆسره‌ت ره‌سول عه‌لی جێگری سه‌رۆكی هه‌رێمی كوردستان ئه‌مڕۆ یه‌كشه‌ممه 23/2/2014 به ئاماده‌بوونی ده‌رباز كۆسره‌ت ره‌سول ئه‌ندامی په‌رله‌مانی كوردستان له‌میانی پێشوازیكردنی له سكرتێر و سه‌رۆكی یانزه حزبی نێو ئه‌نجومه‌نی نیشتمانی كورد له سوریا له شاری هه‌ولێر هات.
له سه‌ره‌تای كۆبوونه‌وه‌كه‌دا جێگری سه‌رۆكی هه‌رێمی كوردستان به‌خێرهاتنی وه‌فدی میوانی كردو ئاماژه‌ی بۆ ئه‌وه‌كرد له دنیادا جگه له كورد هیچ میلله‌تێكی 50 ملیۆنی نییه خاوه‌ن كیانی تایبه‌تی خۆی نه‌بێ".
له به‌شێكی تری وته‌كانیدا كۆسره‌ت ره‌سول گوتی"كورد له هه‌ر كوێ بێت كێشه‌كانی یه‌كه‌و له ئێستادا ده‌رفه‌تێكی باش بۆ گه‌لی كورد هاتۆته پێش هیوادارم بتوانین به‌یه‌كڕیزی و به ژیرانه مامه‌ڵه‌ی له‌گه‌ڵ بكه‌ین و بگه‌ینه ئاواته له‌مێژینه‌ییه‌كانی گه‌لی كوردمان.
لای خۆیانه‌وه وه‌فدی میوان سوپاسی ئه‌و پێشوازییه گه‌رمه‌ی جێگری سه‌رۆكی هه‌رێمی كوردستانیان كردو باسیان له‌دوایین گۆڕانكاری و پێشهاته سیاسییه‌كانی رۆژئاوای كوردستان و سوریا كرد، هه‌روه‌ك تیشكیان خسته سه‌ر هه‌ندێ كێشه‌و گرفت كه له‌نێوان ئه‌نجومه‌نی نیشتمانی كورد له سوریاو ئه‌نجومه‌نی گه‌ل هه‌یه‌و هیوایان خواست جێگری سه‌رۆكی هه‌رێمی كوردستان رۆڵ ببینێ له چاره‌سه‌ركردنی كێشه‌كانیان.
له به‌رامبه‌ردا كۆسره‌ت ره‌سول عه‌لی جێگری سه‌رۆكی هه‌رێمی كوردستان وێڕای ده‌ربڕینی هاوكاری و پشتیوانی ته‌واو بۆ كوردانی رۆژئاوا، راشیگه‌یاند كه پێویسته سه‌رجه‌م حزب و لایه‌نه سیاسییه‌كانی رۆژئاوای كوردستان سوود له ئه‌زموونی باشووری كوردستان وه‌ربگرن و به ته‌بایی و یه‌كڕیزی هه‌وڵ بۆ به‌دیهێنانی مافه‌كانی گه‌لی كورد بده‌ن.
دوو شەممە, 24 شوبات 2014
More...
سەرۆكی هەرێمی كوردستان پێشوازی لە شاندێكی ئەنجوومەنی نیشتیمانیی سووریا دەكات
كاترین ئاشتون: هه‌رێمی كوردستان نمونه‌یه‌كی جوانه بۆ به‌رقه‌راربوون
بە ئامادبوونی نوێنەرایەتی ھەرێمی کوردستان لە تاران یادی شەھیدانی ھەڵەبجە بەرز ڕاگیرا
ڕاگه‌یه‌ندراوى كۆبوونه‌وه‌ى هاوبه‌شی نوێنه‌رانى هه‌رێمى كوردستان له‌ئه‌نجومه‌نی نوێنه‌ران و حكومه‌تی فیدرال و فراكسیۆنه‌كانى په‌رله‌مانى هه‌رێم و حكومه‌تى هه‌رێم
دوایین هەواڵەکان
- شاندی پارتی دیموکراتی کوردستان سەردانی نوێنەرایەتی حکومەتی هەرێمی کوردستانی کرد
- «سەلام رشدی» لەگەڵ «سەفین دزەیی» بەرپرسی پەیوەندییەکانی دەرەوە دیداری کرد
- سه‌رۆك نێچيرڤان بارزانى له ڤيهننا: نهمسا خوازياره برهو به پهيوهنديى سياسى و ئابوورى بدات
- سهرۆکی هه‌رێمی کوردستان له‌گه‌ڵ سهرۆکی نهمسا تاوتوێی پهیوهندییهکان دهکات
- سه‌رۆك نێچيرڤان بارزانى له‌گه‌ڵ وهزيرى ده‌ره‌وه‌ى نهمسا كۆبووهوه
- نازم دەباغ: یەکێک لە ئامانجەکانی هاتنی شاندی ئێران بەدواداچوونە بەو ڕێکەوتنانەی لە ڕابردوودا کراون
- نازم دەباغ بۆ ئاڤا: سەردانی شاندی ئێران دەتوانێت پەیوەندییەكان بەهێزتر بكات
- سه‌رۆك نێچيرڤان بارزانى پێشوازى له سەرپەرشتیاری وەزارەتی دەرەوەی ئێران كرد
- نازم دەباغ: سەرپەرشتیاری کاروباری وەزارەتی دەرەوەی ئێران سەردانی هەولێر و سلێمانی دەکات
- سهرۆكى هه‌رێمى كوردستان و ههڵسووڕێنهرى باڵيۆزخانهى ئهمهريكا پهيوهندييهكان تاوتوێ ده‌كه‌ن