سهرۆك وهزیران پێشوازى له شاندێكى بهرزى مهسیحى دهكات
دواى نیوهڕۆى ئهمڕۆ یهكشهممه 7ى ئهیلوولى 2014، بهڕێز نێچیرڤان بارزانى سهرۆك وهزیرانى هەرێمی كوردستان پێشوازی لە شاندێكی قەداسەتی پاتریارك مار دەنخای چوارەم سەرۆكی كڵێساى ڕۆژهەڵاتی ئاشووری، بە سەرۆكایەتیی مەتران "مار ملیس زیا" كرد.
له دیدارێكدا سهرهتا شاندهكه سڵاو و ڕێزى قەداسەتی پاتریاركیان گهیانده بهڕێز سهرۆك وهزیران و سوپاس و پێزانینى خۆیان پێشكهش به حكوومهتى ههرێمى كوردستان كرد بۆ ئهو ههموو كۆمهك و هاوكارییانهى پێشكهش به خوشك و برایانى مهسیحى كردووه. ههروهها ڕایانگهیاند "بهسهرهاتهكان، ئهزموونێكى تاڵى نهخوازراو و كارهساتێك بوون"، بهڵام دڵنیایى خۆیان دووپات كردهوه كه بارودۆخهكه كاتییه و ڕادهبوورێ.
شاندهكه ههروهها تیشكى خسته سهر پهیوهندیى پێكهاته ئایینى و نهتهوهییهكانى كوردستان و ناوچهكه و به تایبهتى باسیان له پهیوهندیى مێژووییى كورد و مهسیحییهكان كرد و جهختیان لهوه كردهوه كه گهلان و پێكهاتهكانى كوردستان ههمیشه پێكهوه بوون و پێكهوه دهبن، چارهنووسى ههمووانیش پێكهوهیه. ههروهها ستایشى گیانى پێكهوهیى و تهباییى پێكهاتهكانى كوردستانیان كرد و دووپاتیان كردهوه كه له ئایندهشدا ههر وا دهبێت و گیانى پێكهوهژیان و ژیاندۆستى له كوردستان ههر بهردهوام دهبێت.
لاى خۆیهوه بهڕێز سهرۆك وهزیران، وێڕاى بهخێرهێنان و ناردنى سڵاو و ڕێز بۆ قەداسەتی پاتریارك، جهختى لهسهر كهلتوورى لێبوردهیى و پێكهوهژیانى پێكهاتهكانى كۆمهڵگهى كوردستان كردهوه كه له بنهما سهرهكییهكانى كوردستانیانه. ههروهها ئاماژهى بهوه دا كه ئهوهى ڕووى داوه به ههموو پێوانهیهك كارهساته و دهریخست ههموو پێكهاتهكانى كوردستان له یهك سهنگهردا پێكهوهن، بۆیه ههمووان سوورن لهسهر ئهوهى كه ههر پێكهوه دهبن و ئایندهش بۆ كوردستانیانه.
بهڕێز نێچیرڤان بارزانى ههروهها ڕوونى كردهوه كوردستان ههمیشه به بایهخهوه له پێكهاتهكانى ڕوانیوه، به تایبهتیش پێكهاتهى مهسیحى كه پێكهاتهیهكى گرنگى كۆمهڵگهى كوردستانه. دهربارهى ڕووداوهكانیش گوتى: ڕاسته ئهزموونێكى تاڵ ژیاین، بهڵام زۆر وانهیشى تیادا بوو كه هانمان دهدات كار بكهین بۆ ئهوهى ئایندهیهكى باشتر بۆ ههموو پێكهاتهكانى كوردستانیان بنیات بنێین. شاندهكهیشى دڵنیا كردهوه كه ئهوهى له تواناى حكوومهت و گهلى كوردستاندا بێت، بۆ دابینكردنى ئارامى و ئاسایش و ژیانێكى سهربهرزانه بۆ ههموو پێكهاتهكان، درێغى ناكهن.
له كۆتاییدا شاندهكه دووپاتى كردهوه كه ههمیشه له نێوهنده نێودهوڵهتییهكان داوا دهكهن یارمهتیى ههرێمى كوردستان و حكومهتهكهى بدهن بۆ ئهوهى بتوانن ههنگاوى باشتر له ئاوهدانى و وهبهرهێنان و پێشخستنى ژیاندا بنێن. ههروهها سوپاس و پێزانینى خۆیان بۆ ڕۆڵى پێشمهرگه و قوربانییهكانى دووپات كردهوه كه مایهى شانازیى ههموو لایهكه و ههرگیز لهبیر ناكرێت.
نێچیرڤان بارزانى پیرۆزبایى له حكوومهتى تازهى عیراق دهكات
بهبۆنهى پێكهێنانى حكوومهتى تازهى عیراقهوه، پیرۆزبایى له گهلانى عیراق و سهرۆك وهزیران بهڕێز د. عهبادى دهكهین و هیواى سهركهوتنى بۆ دهخوازین. هیوادارین حكوومهتى نوێى عیراق، حكوومهت و كۆكهرهوهى ههموو پێكهاتهكان بێت و ببێته هۆكارى باشتربوونى ڕهوشى وڵات له ههموو ڕوویهكهوه و بتوانێت كێشهكان، به تایبهتى دابینكردنى ئاسایش و ئارامى و نههێشتنى تیرۆر چارهسهر بكات و، ههموو توانا و ههوڵهكانى بۆ بهدیهێنانى خۆشگوزرانى و مسۆگهركردنى خزمهتگوزارییهكان بۆ گهلانى عیراق بخاته گهڕ.
ههروهها هیوادارین حكوومهتى تازهى عیراق، سوود له ههڵهى حكوومهتهكانى پێشوو وهربگرێت و ههنگاوى جددى بۆ چارهسهركردنى كێشهكانى ههولێر و بهغدا بنێت، بۆ ئهوهى ئهو كێشانه چیتر نهبنه هۆى لاوازبوونى عیراق و شكستى حكوومهتهكانى. دووباره هیواى سهركهوتن بۆ حكوومهتى تازه دهخوازین.
نێچیرڤان بارزانى
سهرۆك وهزیرانى ههرێمى كوردستان
9ى ئهیلوولى 2014
سەرۆكی هەرێمی كوردستان پیرۆزبایی لە سەرۆك وەزیرانی تازەی عێراق دەكات
ئەمڕۆ سێشەممە 9ـی 9ـی 2014 بەڕێز مەسعود بارزانی سەرۆكی هەرێمی كوردستان لە پەیوەندییەكی تەلەفۆنیدا بە بۆنەی دەستبەكاربوونی وەك سەرۆك وەزیرانی تازەی عێراق پیرۆزبایی لە حەیدەر عەبادی كرد و هیوای سەركەوتنی لە ئەرك و كارەكانی بۆ خواست.
لەم پەیوەندییە باس لە بڕیاری بەشداربوونی كوردستان كرا لە حكوومەت كە بە كۆدەنگیی گشت لایەنە سیاسییەكانی كوردستان بووە و جەخت لەوە كرایەوە كە تێكڕای لایەنە سیاسییەكان پێكەوە هاوكاری یەكتر بن بۆ ئەوەی عێراق لەو قەیرانە ئەمنی و سیاسییەی تێی كەوتووە ڕزگاری بێت.
هەردوولایش لەسەر ئەوە هاوڕابوون كە دەرفەتێكی باش هاتووەتە پێش كە بەیەكەوە كار لەسەر ئەوە بكرێت كە هەڵەكانی حكوومەتی ڕابردوو دووبارە نەكرێنەوە و مەرج و داواكارییەكانی كورد ڕەچاو بگیرێت و كار بۆ سەقامگیریی وڵات و ڕاماڵینی تیرۆریستان بكرێت.
سەرۆكی هەرێمی كوردستان پێشوازی لە شاندی سەرۆكی كەنیسەی ڕۆژهەڵاتی ئاشووری لە جیهان دەكات
ئەمڕۆ یەكشەممە 7ـی 9ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە شاندێكی قەداسەتی پاتریاك مار دەنخای چوارەم سەرۆكی كەنیسەی ڕۆژهەڵاتی ئاشووری كرد كە بە سەرۆكایەتیی مەتران مار ملیس زیا سەردانی كوردستانیان كردووە.
لە دیدارێكدا سەرۆكی شاندەكە سوپاس و پێزانینی سەرۆكی كەنیسەی ڕۆژهەڵاتی ئاشووری لە جیهانی بە سەرۆك بارزانی ڕاگەیاند بۆ ئەو هەوڵانەی هەرێمی كوردستان بۆ پاراستن و حەواندنەوەی ئاوارە و پەنابەرانی ئەنجامی داوە و سوپاسی كرانەوە و دڵفراوانیی خەڵكی كوردستانیشی كرد و ئاماژەی بەوەدا كە چارەنووسی هەموو پێكهاتەكانی كوردستان هاوبەشە و جێگەی شانازییە كوردستان بووەتە پەناگەیەكی ئارام بۆ مەسیحییەكان و پەیڕەوانی ئایین و ئایینزاكانی دیكەی عێراق. سەرۆكی شاندی سەرۆكی كەنیسەی ڕۆژهەڵاتی ئاشووری لە جیهان ئەوەیشی دووپات كردەوە كە پێویستە وڵاتانی جیهان هاوكار و پاڵپشتیی هەرێمی كوردستان بن لە شەڕكردنی دژی تیرۆریستان و یارمەتیدانی ئاوارەكان. سەرۆكی شاندی سەرۆكی كەنیسەی ڕۆژهەڵاتی ئاشووری لە جیهان هیوای سەركەوتنی بۆ سەرۆك بارزانی و گەلی كوردستان خواست لە تێپەڕاندنی ئەو شەڕ و كارەساتەی بەسەر كوردستاندا سەپێندراوە.
لەبەرانبەردا سەرۆك بارزانی بەگەرمی بەخێرهاتنی شاندی میوانی كرد و وێڕای ئاماژەدان بە پەیوەندیی مێژوویی نێوان پێكهاتەكان كوردستان جەختی لەوە كردەوە كە كوردستان نیشتیمانی هەمووانە و پێویستە هەموو لایەك تێیدا بە ئازادی و سەربەرزی بژیین. سەرۆك بارزانی ئەوەیشی خستەڕوو كە لەگەڵ ئەوەدا نییە خەڵك وڵاتی خۆیان جێبهێڵن چونكە ئەم بارودۆخە كاتییە و تێدەپەڕی و تیرۆر و تیرۆریستان هیچ ئاییندە و پێگەیەكیان لەم وڵاتەدا نابێت و ئاماژەكانی شكست و پاشەكشەیان بەڕوونی دەركەوتووە. سەرۆك بارزانی جەختی لەوەیش كردەوە كە داهاتوویەكی ڕوون لەبەردەم خەڵكی كوردستانە و ئەم داهاتووییە زۆر باشتر دەبێت لە ئێستا و ڕابردوو. لە درێژەی قسەكانیدا سەرۆك بارزانی گەشبینیی خۆی نیشاندا بەوەی كە ئەم بارودۆخە لە بەرژەوەندیی گەلی كوردستان كۆتایی دێت چونكە كوردستان لەسەر ڕێگەیەكی ڕاستە و گەلەكەمان خاوەنی دۆزێكی ڕەوا و دروستە.
سەرۆكی هەرێمی كوردستان پێشوازی لە وەزیری دەرەوەی كەنادا دەكات
ئەمڕۆ پێنجشەممە 4ـی 9ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە جۆن بیڕد وەزیری دەرەوەی كەنادا و شاندی یاوەری كرد كە پێكهاتبوون لە ژمارەیەك پارلەمانتاری ئەم وڵاتە و باڵیۆزی كەنادا لە عێراق.
لە دیدارێكداوەزیری دەرەوەی كەنادا خۆشحاڵیی خۆی بۆ دیدار لەگەڵ سەرۆك بارزانی و سەردانی بۆ كوردستان نیشاندا و ڕایگەیاند كە گەلی كەنادا و حكوومەت و لایەنەكانی ئۆپۆزیسیۆنی وڵاتەكەی ئامادەن پاڵپشت و هاوكاری كوردستان بن لە شەڕی دژی تیرۆردا و ئەوەیشی خستەڕوو كە لەگەڵتان و شانبەشانتان دەبین لەشەڕی تیرۆریستاندا بۆ ئەوەی سەربكەون و وڵاتێكی گشتگیر و ئازاد و سەقامگیر و ئاشتیخواز بنیات بنێن. وەزیری دەرەوەی كەنادا ئاماژەی بەوەدا كە وڵاتەكەی و جیهانی ئازاد بە هیچ شێوەیەك وەحشیگەریی تیرۆریستان قبوڵ ناكەن و نیگەرانیی خۆیشی نیشاندا لەمەڕ ئەو هێرشانەی كراونەتە سەر پێكهاتە ئایینی و نەتەوەییەكانی عێراق بە تایبەت ئەو شوێنەی كە جێگەی ئومێدی هەموو لایەكە. وەزیریدەرەوەیكەنادا هێمای بە نێودەوڵەتیبوونی هەڕەشەی تیرۆر دا و شەڕكردنی لەدژی تیرۆری بە ئەركێكی هەمەلایەنە زانی.
شاندە یاوەرەكەی وەزیری دەرەوەی كەنادا دەستخۆشییان لە سەرۆك بارزانی و گەلی كوردستان كرد بۆ حەواندنەوە و پاراستنی ئەو هاووڵاتییانەی ڕوویان لە كوردستان كردووە و سوپاسی قارەمانێتیی هێزی پێشمەرگەی كوردستانیان كرد كە ڕێگەیان لە گەشە و پێشڕەویی تیرۆریستان كردووە و هەروەها سەرەخۆشییان لە سەرۆك بارزانی و گەلی كوردستان كرد و هاوخەمیی خۆشیان نیشاندا بۆ ئەو پێشمەرگانەی لە بەرەكانی جەنگ بوونەتە قوربانی و شەهید بوونە.
لە بەرانبەردا سەرۆك بارزانی بەگەرمی بەخێرهاتنی وەزیریدەرەوەیكەنادا و شاندە یاوەرەكەی كرد و ڕایگەیاند ئەو سەردانە پەیامێكی بەهێزی گەلی كەنادایە بۆ خەڵكی ئێمە كە لەم شەڕەدا كوردستان لەسەر ڕێگەی ڕاستە و تەنیا نییە و سوپاسی حكوومەت و گەلی كەنادا و جیهانی ئازادی كرد كە پاڵپشتی گەلی كوردستانن لەشەڕی تیرۆریستاندا. سەرۆك بارزانی هێمایشی بەوەدا كە جێگەی شانازییە پێشمەرگە و گەلی كوردستان لەبری جیهانی ئازاد و بۆ پاراستنی بەها مرۆڤییەكان شەڕی تیرۆریستانی دەكات.
سەرۆك بارزانی لە درێژەی قسەكانیدا ئەوەی خستەڕوو كە لەژێر ئابلوقەی دە ساڵە و بەو ئیمكانیاتە متوازەعەی لە دەستی پێشمەرگە دایە پێشمەرگە بە ئیرادەی خۆی توانی ڕێگە لە پێشڕەویی دەوڵەتێكی پڕچەكی تیرۆریستی بگرێت و ئێستا لە بەرەكانی شەڕ دەستپێشخەری لەدەستی پێشمەرگەیە و هێزە سەرەكییەكانی داعش گورزی كاریگەرییان بەر كەوتووە. سەرۆك بارزانی ئەوەیشی ڕاگەیاند كە بە یارمەتیی دۆستان و جیهانی ئازاد پێشمەرگە لە شەڕكردن و تێكشكاندن و ڕاوەدونانی تیرۆریستان بەردەوام دەبێت.
سەرۆك بارزانی ئەوەیشی بۆ شاندی میوان شی كردەوە كە ئاستی كارەسات و ژمارەی ئاوارەكان ئەوەندە بەرزە كە لە تواناكانی هەرێمی كوردستان تێپەڕیوە و تەنانەت بەهۆی بوونی ئاوارەكان لەناو قوتابخانەكان گرفت بۆ پڕۆسەی خوێندنی قوتابیان دروست بووە. پەیوەست بە چارەسەریی كێشەكانی ئاوارەكان سەرۆك بارزانی ڕایگەیاند كە چارەسەری سەرەكیی ئەوەیە بتوانرێت ئاوارەكان بۆ شوێنەكانی خۆیان بگەڕێنەوە و بشپارێزرێن.
پڕۆسەی سیاسیی عێراق و پەیوەندییەكانی نێوان كەنادا و هەرێمی كوردستان تەوەرێكی دیكەی دیدارەكە بوو.
بەرپرسى پەیوەندیەکانى دەرەوە پێشوازى لە سەرۆک وەزیرانى پێشووى فەڕەنساو شاندى یاوەرى کرد
سەرۆكی هەرێمی كوردستان پێشوازی لە سیناتۆری هەرێمی میشیگانی ویلایەتە یەكگرتووەكانی ئەمەریكا دەكات
ئەمڕۆ چوارشەممە 3ـی 9ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە سیناتۆر كارل لێڤین سیناتۆری هەرێمی میشیگانی ویلایەتە یەكگرتووەكانی ئەمەریكا و شاندێكی یاوەری كرد.
لە دیدارێكدا سیناتۆری هەرێمی میشیگانی ویلایەتە یەكگرتووەكانی ئەمەریكا سوپاسی سەرۆك بارزانیی كرد بۆ ڕەخساندنی ئەم دیدارە و ڕایگەیاند گەلی ئەمەریكا هەست بە نزیكییەكی زۆر دەكات لەگەڵ گەلی كوردستان و ستاییشی كولتووری پێكەوەژیانی گەلی كوردی كرد كە لە ناوچەی ڕۆژهەڵاتی ناوەڕاست بێوێنەیە، كولتوورێك كە هیچ جیاوازییەك لەنێوان پەیڕەوانی ئایینەكان نابینێت و هەروەها دەستخۆشیشی لە حیكمەت و دووربینیی سەرۆك بارزانی و سەركردایەتیی كوردستان كرد كە بەردەوام كار بۆ چارەسەركردنی كێشەكان و لە هەمانكاتیشدا بەدیهێنانی خەونەكانی گەلەكەیان دەكەن. سیناتۆری هەرێمی میشیگانی ویلایەتە یەكگرتووەكانی ئەمەریكا لە درێژەی قسەكانیدا نیگەرانیی خۆی بۆ گەشەكردنی تواناكانی تیرۆریستان و ئەو هەڕەشەیە نیشاندا كە تیرۆریستان لەدژی كوردستان و پێكهاتە ئایینی و نەتەوەییەكانی نەینەوا دروستیان كردووە.
لەبەرانبەردا سەرۆك بارزانی بە گەرمی بەخێرهاتنی سیناتۆر كارل لێڤین و شاندی یاوەری كرد و سوپاسی گەل و سەرۆك و جێگری سەرۆكی ئەمەریكایشی كرد كە لە شەڕی دژی تیرۆردا یارمەتیی كوردستانیان دا و ئەوەیشی خستەڕوو كە ئێمە نامانەوێ ئەمەریكا و جیهانی ئازاد ڕۆڵەكانیان بۆ شەڕ بنێرێنە كوردستان بەڵكو تەنیا دەمانەوێ پاڵپشتیی مرۆیی و سەربازی بۆ گەلی كوردستان و پێشمەرگە دابین بكەن بۆ ئەوەی بتوانین بەرگری لە خۆمان بكەین و هاووڵاتیان و پێكهاتە ئایینی و نەتەوەییەكان بپارێزین. سەرۆك بارزانی هێمای بەو ئابلۆقە دە ساڵەیە دا كە لە لایەن حكوومەتی عێراق بەسەر پێشمەرگە سەپێندرا بوو كە پێچەوانەی ڕێكەوتنەكانیش بوو و بووە هۆی ئەوەی هێزەكانی پێشمەرگە لە چەكی نوێ و مەشق و ڕاهێنانی بەردەوام بێبەش بێت و ڕایگەیاند لەگەڵ هەموو ئەو گرفتانە كە ڕێگە نادەین بە هیچ شێوەیەك تیرۆر پێگەی هەبێت لە كوردستان و بە توندترین شێوە بەرەنگاری دەبینەوە.
بارودۆخ و گوزەرانی ئاوارەكان تەوەرێكی دیكەی ئەم دانیشتنە بوو و سەرۆك بارزانی ئاماژەی بەو ژمارە زۆرەی ئاوارە دا كە ڕوویان لە كوردستان كردووە و ئەوەی خستەڕوو كە حەواندنەوەی ئەو ژمارە گەورەیەی ئاوارە و پەنابەر لە تواناكانی هەرێمی كوردستان تێپەڕیوە و ڕایشیگەیاند كە چارەسەری گرفتی ئاوارەكان ئەوەیە كە بتوانن بۆ شوێنەكانی خۆیان بگەڕێنەوە.
پڕۆسەی سیاسیی عێراق و ئاستی هەماهەنگی و پەیوەندیی نێوان ئەمەریكا و هەرێمی كوردستان تەوەرێكی دیكەی كۆبوونەوەی نێوان سەرۆك بارزانی و سیناتۆری هەرێمی میشیگانی ویلایەتە یەكگرتووەكانی ئەمەریكا بوو.
سەرۆکی پەرلەمانی کوردستان: پەرلەمانی کوردستان بە گیانی یەک تیمییەوە کار دەکات
د.یوسف محەمەد سادق، سەرۆکی پەرلەمانی کوردستان، دەڵیت: "ئەم قەیرانە ئابوورییەی ڕووی کردووەتە هەرێمی کوردستان ئەرکی حکومەت و هەمو لایەنە جیاوازەکانە بەدوای چارەسەرێکی گونجاودا بگەڕێن بۆ دەربازبوون لەم قەیارانە و باشترکردنی ژیانی هاوڵاتیان.
سەرۆكی هەرێمی كوردستان پێشوازی لە سەرۆكی لیستی نیشتیمانیی عێراقی لە ئەنجوومەنی نوێنەرانی عێراق دەكات
ئەمڕۆ سێشەممە 2ـی 9ـی 2014 لە سەلاحەدین بەڕێز مەسعود بارزانی پێشوازی لە ئەیاد عەلاوی سەرۆكی لیستی نیشتیمانیی عێراقی لە ئەنجوومەنی نوێنەرانی عێراق كرد.
لە دیدارێكدا دوایین پێشهاتە سیاسی و ئەمنییەكانی عێراق و پڕۆسەی پێكهێنانی حكوومەتی تازەی عێراقی خرایە بەر باس هەروەها هەڕەشەكانی تیرۆر بۆ سەر كوردستان و عێراق و سەركەوتنەكانی ئەم دواییەی پێشمەرگەی كوردستان لە بەرەكانی جەنگی دژی تیرۆریستانی داعش تاوتوێ كرا و قسەیش لەبارەی بارەدۆخی ئاوارەكان و ڕەوش و گوزەرانیان كرا.
هەر لەم دیدارەدا هەردوو لا لەسەر ئەوە هاوڕا بوون كە پێویستە لە پێكهێنانی حكوومەتی داهاتوودا ویست و داواكاریی هەموو پێكهاتەكانی عێراق لەبەر چاو بگیرێت. ئەوەیش دووپات كرایەوە كە بۆسەركەوتن لە شەڕی تیرۆریستان پێویستە چارەسەری سیاسیی گونجاوییش بدۆزرێتەوە. لەو دیدارەدا جەختیش لەوە كرایەوە كە پێویستە حكوومەتی عێراقی پابەندی ئەو بەرپرسیارێتییە بێت كە بۆ یارمەتیدان و گەڕاندنەوەی ئاوارەكان لەسەر شانیەتی.
"ماڵ و کلیل" دوو خەڵاتی فیستیڤاڵی فیلمی "فۆئێنکالینتێ رۆرال"ی ئیسپانی بەدەستهێنا
سینەماکاری کورد "شوان عەتووف" بە کورتە فیلمی "ماڵ و کلیل" دوو خەڵاتی لە فیستیڤاڵی فیلمی "فۆئێنکالینتێ رۆرال" لە ئیسپانیا بەدەستهێنا و خەڵاتەکانی پێشکەش کرد بە پێشمەرگەکانی کوردستان لە بەرەکانی جەنگدا.
ڕاگەیەنراوی فەرمی کۆمپانیای "ئای لۆف فیلم" لە باشووری کوردستان و وڵاتی بەریتانیا ڕایدەگەیەنێت کە کورتە فیلمی چیرۆکی "ماڵ و کلیل" Home & Key لە نووسین و دەرهێنانی سینەماکاری کورد "شوان عەتووف" و بەرهەمی بەڕێوەبەرایەتی هونەری سینەمای سلێمانی لە نوێترین بەشداری نێونەتەوەیی خۆیدا کاتژمێر 11ی شەوی 7ی ئاب / ئۆگۆستی 2014 لە بەشی پێشبڕکێی سەرەکی کورتە فیلمەکانی فیستیڤاڵی نێودەوڵەتیی فیلمی "فۆئێنکالینتێ رۆرال" Fuencaliente Rural لە وڵاتی ئیسپانیا نمایشکرا و لە لایەن ئەندامانی لێژنەی دادوەرانی ئەم فیستیڤاڵەوە خەڵاتی باشترین فیلم و هەروەها لە لایەن بینەرانەوە خەڵاتی باشترین فیلمی بینەران بە دەرهێنەری فیلمەکە بەخشرا.
"شوان عەتووف" بە هۆی سەرقاڵی بە نوێترین پڕۆژەی هونەری خۆیەوە نەیتوانی کە لە ڕێوڕەسمی کۆتایی ئەم فیستیڤاڵەدا ئامادەبێت کە لە کاتژمێر 10ی شەوی 8ی ئاب / ئۆگۆستی 2014 لە شاری فۆئێنکالینتێ لە ئیسپانیا بەڕێوەچوو، و بە جیاتی ئەم سینەماکارە کوردە، نوێنەری کۆمپانیای "ئای لۆف فیلم" سینەماکاری کورد "ئاوات عوسمان عەلی" لەوێ وەکوو نوێنەری دەرهێنەر بۆ وەرگرتنی خەڵاتەکان ئامادەبوو و هەر لەوێش پەیڤی "شوان عەتووف" دەرهێنەری کورتە فیلمی "ماڵ و کلیل"ی گەیاندە ئامادەبووانی فیستیڤاڵەکە و ئەم دوو خەڵاتەی پێشکەش کرد بە پێشمەرگەکانی کوردستان لە بەرەکانی جەنگدا و ئەم وتانە بوونە جێگای سۆز و سەرنجی ئامادەبووانی فیستیڤاڵ.
هەروەها فیستیڤاڵی نێودەوڵەتیی فیلمی "فۆنکالینتێ رۆرال" بڕیاریدا کە سینەماکاری کورد شوان عەتووف بە فەرمی بۆ خولی داهاتووی فیستیڤاڵ وەکوو ئەندامی لێژنەی دادوەرانی بەشی نێودەوڵەتیی بانگهێشت بکات.
ئەمە سەرەڕای ئەوەی کە بۆ ساڵی داهاتوو فیستیڤاڵی ناوبراو 10 کورتە فیلم لە سینەماکارانی شارەکانی هەرێمی کوردستان بانگهێشت دەکەن بۆ بەشداری لە بەشی پێشبڕکێی و بەشی نمایش کردن و یەکێک لەم فیلمانە پاش هەڵسەنگاندن لە لایەن لێژنەی دادوەرانەوە خەڵات دەکرێت لە لایەن فیستیڤاڵەوە.
کورتە فیلمی کوردی "ماڵ و کلیل" بۆ بەدەستهێنانی ئەم خەڵاتە گرینگانە لەگەڵ کۆمەڵێک فیلم لە وڵاتانی جۆراوجۆری جیهان، لەوانە: ئیسپانیا، بەریتانیا، ئەمەریکا، ئیرلەندا، ڕۆمانیا، ئێران، کۆریا، سێربیا، ڕووسیا، سلۆڤاکیا، هۆنگ کۆنگ و چەندین وڵاتی دیکە لە ڕکابەریدا بوو.
ئەم فیستیڤاڵە بە بەشداری کورتە فیلمەکانی چیرۆکی، ئەنیمەیشنی و دیکۆمێنتاری لە سینەماکارانی وڵاتانی جۆراوجۆری جیهان لە دوو بەشی پێشبڕکێی و دەرەوەی پێشبڕکێی لە ڕۆژانی 5 تا 9ی ئاب / ئۆگۆست 2014 لە شاری فۆئێنکالینتێ یەکێک لە شارە گەشتیارییەکانی وڵاتی ئیسپانیا بەڕێوەچوو.
ئەم فیلمە کوردییە تا ئێستا لە چەندین فیستیڤاڵی نێودەوڵەتیی فیلم لە ئاستی جیهاندا بەشداری کردووە، لەوانە: لە بەشی پێشبڕکێی سەرەکی 14ـەمین خولی فیستیڤاڵی نێودەوڵەتیی فیلمی ماڵی هونەریی ڤیدیۆیی "ئۆاهم" IVAHM لە شاری مەدرید لە وڵاتی ئیسپانیا، لە بەشی پێشبڕکێی سەرەکی فیستیڤاڵی نێودەوڵەتیی فیلمی "ئێست" East لە شاری لەندەن لە وڵاتی بەریتانیا، لە بەشی پێشبڕکێی سەرەکی هەشتەمین خولی فیستیڤاڵی نێودەوڵەتیی فیلمی "کراتکۆفیل پلووس" Kratkofil Plus لە شاری بانجالۆکا لە وڵاتی بۆسنی و هێرزێگۆڤین و هەروەها چەندین فیستیڤاڵی دیکە.
کورتە فیلمی "ماڵ و کلیل" ئەم ڕۆژانە بەشداری لە بەشی پێشبڕکێی سەرەکی فیستیڤاڵی
نێودەوڵەتیی فیلمی "ئاندگراوند"ی Underground مۆنیخ دەکات کە ڕۆژی 11ی ئاب / ئۆگۆستی 2014 لە شاری مۆنیخ لە وڵاتی ئەڵمانیا دەست پێدەکات.
ئەم کورتە فیلمە کوردییە هەروەها لە داهاتوویەکی نزیکدا کاتژمێر 10ی شەوی 29ی ئاب / ئۆگۆستی 2014 بەشداری لە فیستیڤاڵی نێودەوڵەتیی فیلمی "ئۆکسێ" Okseø دەکات کە لە ڕۆژانی 29 تا 31ی ئاب / ئۆگۆستی 2014 لە شاری هامبوورگ لە وڵاتی ئەڵمانیا بەڕێوەدەچێت.
کورتە فیلمی "ماڵ و کلیل" لە دوایین بەشداری نێونەتەوەیی خۆیدا ڕۆژی 17ی تەمموز / یۆنیۆی 2014 لە بەشی پێشبڕکێی سەرەکی کورتە فیلمی "بەهرە نوێیەکان"ی 26ـەمین خولی فیستیڤاڵی نێودەوڵەتیی فیلمی "گیرۆنا" Girona لە وڵاتی ئیسپانیا نمایشکرا و لە لایەن ئەندامانی لێژنەی دادوەرانی ئەم فیستیڤاڵەوە خەڵاتی باشترین فیلم بە "شوان عەتووف" دەرهێنەری فیلمەکە بەخشرا.