یەک شەممە, 03 ت دووەم 2013

وتووێژی دیپلۆماسی ئێرانی لەگەڵ نازم دەباغ نوێنەری هەرێمی کوردستان لە ئێران

 نازم دەباغ نوێنەری هەرێمی کوردستان لە ئێران لە وتووێژ لەگەڵ "دیپلۆماسی ئێرانی" بە ئاماژە بە سەردانی "زەریف" بۆ عێراق تەئکید دەکاتەوە کە هاتنە سەر کاری دەوڵەتی ڕووحانی دەتوانێت خاڵێکی بەرچاو لە پەیوەندییەکانی دوو لایەنەی نێوان ئێران و عێراق بێت و بە پێی ئەو ئەزموون و توانا دیپلۆماسیانەی "زەریف" دەتوانین چاوەڕوانی پەیوەندییەکانی بەهێزی نێوان ئێران و عێراق بین.

دوو شەممە, 11 ت دووەم 2013

وتووێژی بووڵتەن نیووز لەگەڵ نازم دەباغ نوێنەری حکوومەتی هەرێمی کوردستانی عێراق لە کۆماری ئیسلامی ئێران

یەکێتی نیشتمانی کوردستان و حیزبی دیموکراتی کوردستانی عێراق ئیئتلافی هاوبەشیان بۆ بەشداری لە هەڵبژادنەکاندا لە چوارچێوەی لیستێکی هاوبەش هەبوو بەڵام لەم خولەدا ئەم شتە بەدیناکرێت و لە چوارچێوەی دوو لیستی سەبەخۆدا چوونەتە ناو هەڵبژاردنەکانەوە. ئەوەی کە لەم ناوەندەدا ڕوون و ئاشکرایە ئەمجارە گرووپە سیاسییەکان بە ئازادی زیاترەوە چوونەتە ناو پرۆسەی پڕۆپاگاندای هەڵبژادنەکانەوە.

پەیامی سەرۆكی هەرێمی كوردستان لەبارەی بارودۆخی ڕۆژئاوای كوردستان

یەک شەممە, 03 ت دووەم 2013

وتووێژی دیپلۆماسی ئێرانی لەگەڵ نازم دەباغ نوێنەری حکوومەتی هەرێمی کوردستان لە ئێران و کارناسی مەسەلەکانی عێراق

 نازم دەباغ نوێنەری حکوومەتی هەرێمی کوردستان لە ئێران و کارناسی مەسەلەکانی عێراق لە وتووێژ لەگەڵ "دیپلۆماسی ئێرانی" بە ئاماژە بە هێرشەکانی تیرۆریستی ئەم دوایانەی عێراقدا لەو بڕوایەدایە ئەگەر ناکۆکییە سیاسی و حیزبییەکان لە نێوان گرووپەکانی عێراقیدا چارەسەر نەکرێت ناتوانین هیوامان بە کەمکردنەوەی توندووتیژییەکان بێت. 

فەلاح مستەفا لەگەڵ بەرپرسانی وەزارەتی دەدرەوەی فەرەنسا كۆدەبێتەوە

 

 

 

لەمیانەی سەردانی فەلاح مستەفا بەرپرسی پەیوەندیەكانی دەرەوەی حكومەت بەیاوەری خەمان زرار نوێنەری حكومەتی هەریم لەفەرەنسا سەردانی وەزارەتی دەرەوەی فەڕەنسا كرد و لەكەل خاتوو ئانكلیرا راویژكاری وەزیر بو كاروباری رۆژهەڵاتی ناوەڕاست و كلیمۆنس موتیل بەرپرسی  دیسكی عیراق كوبوونەوە.

یەک شەممە, 03 ت دووەم 2013

ڕێوڕەسمی ڕێزلێنانی مامۆستا شێرکۆ بێکەس له ته‌لاری وه‌حده‌ت

وتاری مامۆستا نازم ده‌باغ نوێنەری حکوومەتی هەرێمی کوردستان لە تاران

بۆ ڕێوڕەسمی ڕێزلێنانی مامۆستا شێرکۆ بێکەس له ته‌لاری وه‌حده‌ت

شەممە, 09 ت دووەم 2013

هاوسه‌ری ئه‌رده‌وان كامكار، سوپاسی خۆی ئاراسته‌ی نوێنه‌رایه‌تیی حكوومه‌تی هه‌رێمی كوردستان ده‌كات كه‌ له‌ ته‌ندروستی هاوسه‌ره‌كه‌یان پرسیوه‌

 

 

 

تاران 9 تشرینی یه‌كه‌م/ ئۆكتۆبه‌ر  (PNA)ـ هاوسه‌ری موزیكزانی كورد ئه‌رده‌وان كامكار رایگه‌یاند: سوپاسی نوێنه‌رایه‌تیی حكوومه‌تی هه‌رێمی كوردستان له‌ تاران و سوپاسی ته‌واوی كورده‌كان ده‌كه‌م كه‌ له‌ ره‌وشی ته‌ندروستی ئه‌رده‌وان كامكاریان پرسیوه‌.خاتوو بیتا حه‌قیری هاوسه‌ری ئه‌رده‌وان كامكار، سه‌باره‌ت به‌ ره‌وشی ته‌ندروستی ئه‌م موزیكزانه‌ كورده‌ به‌ ئاژانس و رادیۆ په‌یامنێری راگه‌یاند: ته‌ندروستی ئه‌رده‌وان كامكار رۆژ له‌ دوای رۆژ به‌ره‌و باشتربوون ده‌چێت، له‌ ئێستادا پزیشك سه‌رقاڵی فیزیۆتۆراپی ئامێره‌كانی هه‌ناسه‌كێشانن كه‌ ئه‌م هونه‌رمه‌نده‌ توانای زیاتر په‌یدا بكات و به‌ زووترین كات له‌ ئامێره‌كانی هه‌ناسه‌كێشان جیا بكرێته‌وه‌، له‌و بڕوایه‌دام كه‌ به‌ زووترین كات ئه‌مه‌ ئه‌نجام بدرێت.

شەممە, 16 ت دووەم 2013

نوێنەری حكومەتی هەرێم لە ئێران" پێشوازی لە سكرتێری باڵیۆزخانەی رووسیای فیدراڵ كرد

 

 

 

 دوێنێ ئیڤگینی كۆڤالێڤ سكرتێری باڵیۆزخانەی رووسیای فیدراڵ لە كۆماری ئیسلامی ئێران سەردانی نوێنەرایەتی حكومەتی هەرێمی كوردستان لە تاران كردو لە لایەن مامۆستا نازم عومەر نوێنەری حكومەتی هەرێم لە ئێران پێشوازی لێكرا.

نێچیرڤان بارزانى پێشوازى له‌ باڵیۆزى سوید له‌ عیراق كرد

 

 

 

نیوه‌ڕۆى ئه‌مڕۆ چوارشه‌ممه‌ 13ى نۆڤبه‌رى 2013، نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له‌ "لەیۆرگن لیندسترۆم" باڵیۆزی سوید لە عیراق و خاتوو "جیسیكا سڤارت" جێگری باڵیۆز و بەرپرسی نووسینگەی باڵیۆزخانە لە هەولێر و شاندێكی یاوەریان لە وەزارەتی دەرەوەی سوید كرد.

 

له‌ سه‌ره‌تاى دیداره‌كه‌دا باڵیۆزى سوێد له‌ عیراق پیرۆزبایى سه‌ركه‌وتنى هه‌ڵبژاردنه‌كانى په‌رله‌مانى كوردستانى له‌ سه‌رۆك وه‌زیران كرد و به‌ڕێوه‌چوونى سه‌ركه‌وتوانه‌ى پرۆسه‌ى ده‌نگدانى به‌ پته‌وبوون و به‌ره‌وپێشچوونى دیموكراسى له‌ هه‌رێمى كوردستان له‌ قه‌ڵه‌م دا. لاى خۆیه‌وه‌ نێچیرڤان بارزانى ئاماژه‌ى به‌وه‌ دا كه‌ ئه‌وه‌ى بۆ هه‌رێمى كوردستان گرنگ و جێى بایه‌خه‌، سه‌ركه‌وتنى پرۆسه‌ى دیموكراسى و ئه‌نجامدانى سه‌ركه‌وتووانه‌ى هه‌ڵبژاردنه‌كان و به‌ڕێوه‌چوونى ڕێكوپێكى ده‌نگدانه‌ و هیواى خواست هه‌ڵبژاردنى پارێزگاكانیش به‌ هه‌مان شێوه‌ سه‌ركه‌وتووانه‌ و به‌ ڕێكوپێكى به‌ڕێوه‌ بچن.


په‌یوه‌ندییه‌كانى سوێد له‌گه‌ل عیراق و هه‌رێمى كورستان و چۆنیه‌تیى پته‌وكردنیان به‌ تایبه‌تیش له‌و بوارانه‌دا كه‌ بۆ هه‌ردوولا جێى بایه‌خن، په‌یوه‌ندییه‌كانى هه‌ولێر و به‌غدا و ئه‌و هه‌نگاوانه‌ى بۆ چاره‌سه‌ركردنى كێشه‌ هه‌ڵپه‌سێراوه‌كانى نێوان هه‌رێم و ناوه‌ند نراون، كار و پڕۆژه‌كانى كۆمپانیا سویدییه‌كان له‌ هه‌رێمى كوردستان، ڕه‌وشى ئه‌منى و پرۆسه‌ى سیاسى له‌ عیراق؛ لایه‌نێكى دیكه‌ى دیداره‌كه‌ بوون.

ده‌رباره‌ى كار و پڕۆژه‌كانى كۆمپانیا سویدییه‌كان له‌ هه‌رێمى كوردستان، سه‌رۆك وه‌زیران دووپاتى كرده‌وه‌ كه‌ هه‌رێمى كوردستان خۆشحاڵه‌ به‌وه‌ى ژماره‌یه‌كى به‌رچاوى كۆمپانیا سویدییه‌كان له‌ چه‌ندین بوارى جیادا له‌ هه‌رێمى كوردستان كار ده‌كه‌ن و هیواى خواست ڕۆڵێكى كاراتر له‌ پرۆسه‌ى ئاوه‌دانكردنه‌وه‌ى كوردستاندا بگێڕن.


لاى خۆیه‌وه‌ باڵیۆزى سوید له‌ عیراق سوپاسى ئه‌و پێشوازى و كارئاسانییانه‌ى كرد كه‌ له‌ لایه‌ن حكوومه‌تى هه‌رێمى كوردستانه‌وه‌ پێشكه‌ش به‌ كۆمپانیاكانى ووڵاته‌كه‌ى كراون‌ و جه‌ختى له‌وه‌ كرده‌وه‌ كه‌ ئارامى و سه‌قامگیریى ڕه‌وشى ئاسایشى هه‌رێمى كوردستان، زه‌مینه‌یه‌كى له‌بارى بۆ كار و ئه‌نجامدانى پڕۆژه‌ و وه‌به‌رهێنان دروست كردووه‌ و بووه‌ته‌ هانده‌رێكى گه‌وره‌ بۆ هاتنى سه‌رمایه‌ى بیانى بۆ هه‌رێم، هه‌روه‌ها ستایشى ڕۆڵى حكوومه‌تى هه‌رێمى كوردستانى كرد بۆ ئه‌و دابینكردنى ئه‌و ئارامى و ئاسایشه‌ى له‌ هه‌رێمى كوردستاندا سه‌قامگیره‌.


په‌یوه‌ندییه‌كانى هه‌رێمى كوردستان و ووڵاتانى دراوسێى؛ لایه‌نێكى دیكه‌ى دیدارى نێچیرڤان بارزانى و باڵیۆزى سوید له‌ عیراق بوو، تیایدا سه‌رۆك وه‌زیران ئاماژه‌ى به‌ پێشكه‌وتنى به‌رده‌وامى په‌یوه‌ندییه‌كانى هه‌ولێر له‌گه‌ل ئه‌نقه‌ره‌ و تاران كرد و ڕوونى كرده‌وه‌ كه‌ پێشبینى باشتربوونى به‌رده‌وامیى په‌یوه‌ندییه‌ بازرگانى و ئابوورییه‌كانى هه‌رێمى كوردستان له‌گه‌ل هه‌ر یه‌كه‌ له‌ توركیا و ئێران و به‌رزبوونه‌وه‌ى ئاستى ئاڵوگۆڕى بارزگانى له‌ نێوانماندا ده‌كه‌ین.


له‌ كۆتاییى دیاره‌كه‌دا هه‌ردوولا ڕه‌وشى سووریا و به‌رده‌وامیى شه‌ڕ و زیادبوونى گرژى و ئاڵۆزییه‌كان و كاریگه‌ریى پێشهاته‌ ئه‌منى و سه‌ربازییه‌كانى له‌سه‌ر ناوچه‌ى ڕۆژهه‌ڵاتى ناوه‌ڕاست به‌ گشتى و ووڵاتانى دراوسێى سووریا به‌ تایبه‌تى و هه‌ڵوێستى لایه‌نه‌ نێوده‌وڵه‌تییه‌كان له‌ كێشه‌ى سووریا و ڕه‌وشى ئاواره‌كانى ئه‌و ووڵاته‌یان له‌ هه‌رێمى كوردستان تاوتوێ كرد.

 

 

 

 

كۆنفرانسی داینامیكی تازەی كورد لە فەڕەنسا دەستی بە كارەكانی كرد

 فەلاح مستەفا بەرپرسی پەیوەندیەكانی دەرەوەی حكومەت بەشداری لە كۆنفرانسی داینامیكی تازەی كورد كرد كە بە هەماهەنكی نوینەرایەتی حكومەتی هەریمی كوردستان لە فەرەنسا  لەلایەن هەریەك لە ئینستتیوتی فەرەنسا بۆ پەیوەندیەكانی دەرەوە و پەیمانكەی جیهانی عەرەبی سەر بە وەزارەتی دەرەوەی فەرەنسا ریكخرابوو. 

پەڕەى 161 لەکۆى 164 پەڕەدا

هەواڵی زیاتر لە تویتەر

راپۆرتە پڕ بینەرەکان

حالت های رنگی