"نازم دەباغ" نوێنەری حکومەتی هەرێمی کوردستان لە تاران لە کۆرۆنا چاکبووەوە

K24 - هەولێر // نوینەری حکومەتی هەرێمی کوردستان لە ئێران دوای نزیکەی دوو هەفتە لە راگەیاندنی تووشبوونی بە کۆرۆنا، چاکبوونەوەی خۆی ئاشکرا کرد.

نازم دەباغ، نوێنەری حکومەتی هەرێمی کوردستان لە تاران ئەمڕۆ (چوارشەممە 1-7-2020) لە لێدوانێکدا بۆ کوردستان24 ئاشکرای کرد" لە 13ـی مانگی رابردوو تووشی کۆرۆنا بووم، بەڵام رەوشی تەندروستیم باش بوو و لە ماڵەوە خۆمم کەرەنتینە کردبوو".

نوێنەری حکومەتی هەرێمی کوردستان لە تاران، رۆژی دووشەممە پشکنینی کۆرۆنای بۆ کراوە و دەڵێ "ئەنجامەکەی نێگەتیڤ بوو".

لەدوای تووشبوونی بە کۆرۆنا، هەر رۆژنا رۆژێک پشکنین بۆ نازم دەباغ کراوە، باس لەوەش دەکات "دەبێت سبەی جارێکی دیکە پشکنین بکەمەوە تاوەکو بتوانم لەماڵەوە دەربچم".

ڤایرۆسی کۆرۆنا هەندێک کەس بە سەختی نەخۆش دەکات و بۆ هەندێک کەسیش ئاساییە و هەستیشی پێناکەن، نازم دەباغ لەبارەی ئەزموونی خۆی لەگەڵ کۆرۆنا دەڵێ "کۆرۆناش وەکو هەر نەخۆشییەکی دیکەیە، ئەگەر بەرگریت بەهێز بێت و سووربی لەسەر چاکبوونەوە، چاکبوونەوەی بەدوایە".

نازم عومەر دەباغ لەدایکبووی ساڵی 1947ـە لە قەزای کۆیە و، لەساڵی 2007ـەوە نوێنەری حکومەتی ھەرێمی کوردستانە لە ئێران.

 

https://www.kurdistan24.net/so/news/bea66835-2e52-450f-aa6b-3c47a77c2f8a

Read کد خبر: 2361

دوایین هەواڵەکان

هەواڵی زیاتر لە تویتەر

راپۆرتە پڕ بینەرەکان

حالت های رنگی