سەرۆكی هەرێمی كوردستان سەردانی پارلەمانی كوردستان دەكات
ئەمڕۆ پێنجشەممە 3ـی 7ـی 2014 بەڕێز مەسعود بارزانی سەرۆكی هەرێمی كوردستان بە مەبەستی پیرۆزباییكردنی خولی تازەی پارلەمان و هەروەها تاوتوێكردنی بارودۆخی سیاسیی عێراق و كوردستان و هەنگاوەكانی هەرێمی كوردستان بۆ ڕووبەڕووبوونەوەی پێشهاتەكان و خۆسازكردنی هەرێمی كوردستان بۆ ڕیفراندۆم سەردانی پارلەمانی كوردستانی كرد و لە لایەن سەرۆكی پارلەمان و جێگری سەرۆكی پارلەمان و سكرتێری پارلەمانی كوردستان پێشوازی لێ كرا.
لە سەرەتای ئەم سەردانەدا سەرۆك بارزانی لەگەڵ دەستەی سەرۆكایەتیی پارلەمانی كوردستان كۆبۆوە و دەستەی سەرۆكایەتیی پارلەمان سەرۆك بارزانیی لەو ڕاپۆرت و ئامادەكارییانە ئاگادار كردەوە كە لە لایەن پارلەمانی كوردستان سەبارەت بە بارودۆخی هێزەكانی پێشمەرگە و بارودۆخی سیاسیی تازەی عێراق خراونەتەڕوو.
لە دوای ئەم كۆبوونەوەیە سەرۆك بارزانی بە ئامادەبوونی سەرۆك و جێگر و سكرتێری پارلەمانی كوردستان لەگەڵ سەرجەم سەرۆك فراكسیۆنەكانی نێو پارلەمانی كوردستان كۆبۆوە. لەم دانیشتنەدا سەبارەت بە بارودۆخی هێزەكانی پێشمەرگە و بارودۆخی سیاسیی و ئەمنیی عێراق و ڕووداوەكانی ئەم دواییەی موسڵ و هەروەها هەڵوێستی سیاسیی هەرێم سەبارەت بە بارودۆخی تازە و ڕیفراندۆم بۆ دیاریكردنی چارەنووسی گەلی كوردستان و هەروەها پێویستیی یەكڕیزیی لایەنەكان وتەیەكی پێشكەش كرد و دواتریش سەرۆكی فراكسیۆنەكانی پارلەمان سەرنج و تێبینی و پرسیارەكانی خۆیان لەبارەی قەیران و ئەگەر و پێشهاتەكان ئاراستەی سەرۆك بارزانی كرد.
پاش كۆتاییهاتنی كۆبوونەوەی سەرۆك بارزانی لەگەڵ سەرۆكی فراكسیۆنەكانی پارلەمانی كوردستان بەڕێز سەرۆكی هەرێمی كوردستان لە هۆڵی پارلەمانی كوردستان ئامادە بوو و وتارێكی پێشكەش كرد.
لەم وتارەدا سەرۆك بارزانی پیرۆزبایی لە ئەندام و فڕاكسیۆنەكان و دەستەی سەرۆكایەتیی پارلەمان كرد بە بۆنەی خولی نوێی پارلەمانی كوردستان و ئەوەیشی ڕاگەیاند كە خەڵكی كوردستان چاوەڕوانییەكی زۆری لەم خولەی پارلەمان هەیە كە خولێكی كارا بێت و لە چاودێریكردن و دانانی یاساكان. سەرۆك بارزانی لەبارەی ڕۆڵی پارلەمانی كوردستان لە چارەنووسی وڵات هێمای بەوەدا كە پارلەمان مەرجەعی یەكلاییكەرەوەیە بۆ پرسە چارەنووسسازەكان. سەرۆك بارزانی لە وتەكەیدا باسی بارودۆخی سیاسیی عێراق و قەیرانی ئەم دواییەی كرد و ئاماژەی بەوەدا كە كوردستان دە ساڵ هەوڵیدا پڕۆسەی سیاسی و دیموكراسی و پێكەوەژیان لە عێراقدا سەربكەوێت بەڵام پێشێلكردنی دەستوور و هزری تاكڕۆیی و خۆسەپاندن و پەراوێزخستن نەیهێشت ئەم هەوڵانە سەر بگرن و عێراق گەییشتە ئەم ڕۆژەی كە ئێستا دەیبینن. سەرۆك بارزانی ئەوەیشی خستەڕوو كە كوردستان بەهیچ شێوەیەك هۆكاری ئەم دۆخەی ئێستای عێراق نییە و ئەوانەی كە دەستیان هەبووە دەبێ بەرپرسیارێتیی هەڵبگرن. لەبەشێكی دیكەی قسەكانیدا سەرۆك بارزانی ئاماژەی بەوەدا كە ئێستا فرسەتێكی زۆر باش هاتووەتە ئاراوە كە كوردستان خۆی بڕیار لە چارەنووسی خۆی بدات و ئەو مافەش دەستوورییە و دەستووری عێراق ڕێگەی داوە كوردستان چارەنووسی خۆی دیاری بكات چونكە لە دەستووردا هاتووە پابەندبوون بەم دەستوورە یەكپارچەیی عێراق دەپارێزێت. سەرۆك بارزانی لە وتەكەشیدا داوای لە پارلەمانی كوردستان كرد كە پەلە بكەن لە پەسەندكردنی یاسایكۆمیسیۆنی هەڵبژاردن و ڕاپرسی لە هەرێمی كوردستان و بە زووترین كات دەستەی باڵای كۆمیسیۆنی هەڵبژاردن دابمەزرێت و هەروەها پارلەمانی كوردستان خۆی بۆ ئەو ڕێوشوێنانە ئامادە بكات كە بۆ ڕیفراندۆمی دیاریكردنی چارەنووس پێویستە.
سەرۆك بارزانی سوپاسی یەكڕیزی و یەكهەڵوێستیی لایەنە سیاسییەكانیشی كرد و بە پاڵپشتییەی گەورەی هەژمار كرد بۆ داوا ڕەواكانی گەلی كورد. لە كۆتایی قسەكانیشیدا سەرۆك بارزانی سوپاسی هێزی پێشمەرگەی كوردستانی كرد كە لە بەرەكانی ڕووبەڕووبوونەوەی نەیاران و تیرۆریستان دان و هیوای ئاییندەییەكی گەشی بۆ گەلی كوردستان خواست.
بە ئامادەبوونی نوێنەرایەتیی هەرێمی کوردستان کۆنگرەی بۆردوومانی کیمیابارانی سەردەشت لە تاران بەڕێوەچوو
بە ئامادەبوونی نوێنەرایەتیی هەرێمی کوردستان و یاریدەدەری تایبەتی سەرۆک کۆماری ئێران، کۆنگرەی بیست و حەوتەمین ساڵیادی کارەساتی بۆردوومانی کیمیابارانی شاری سەردەشت لە تاران بەڕێوەچوو.
لە واشنتۆن جۆن كێری پێشوازی لە شاندی هەرێمی كوردستان كرد
رۆژي 2/7/2014 شاندي هەرێمي كوردستان كە پێكهاتووە لە بەڕێزان د. فوئاد حوسێن سەرۆكي ديواني سەرۆكايەتي هەرێم و فەلاح مستەفا بەرپرسي پەيوەنديەكاني دەرەوەي حكومەت لەگەڵ بەڕێز جۆن كێري وەزيري دەرەوەي ئەمريكا كۆبوونەوە.
لە سەرەتا وەزيري دەرەوەي ئەمەريكا خۆشحاڵي خۆي بە سەرداني شاندي هەرێمي كوردستان بۆ ئەمەريكا نيشاندا سوپاسي حكومەتي هەرێمي كوردستانيشي كرد بۆ ئەو پێشوازيە گەرمەي كە هەفتەي رابردوو لە هەولێر لێيان كرا.
وەزيري دەرەوەي ئەمەريكا كورتە باسێكي دەربارەي ئاكامي سەردانەكەي بۆ بەغدا و هەرێمي كوردستان پێشكەش كردو تيشكي خستە سەر دوايين پێشهاتەكاني عێراق و جەختي كردەوە كە پێويستە هەموو لايەنەكان بەشدار بن بۆ بەرەو پێشبردن و بنياتنانەوەي پرۆسەي سياسي لە عێراق و داوكاربوو كە گشت لايەك لە چوارچێوەي پەرلەمان بتوانن كە هەرسێ سەرۆكايەتيەكە لە عێراق پێكبهێنن بۆ ئەوەي لەم قۆناغە مەترسيدارە دەربازي ببێت و رووبەرووي تيرۆرستان ببنەوە تا ئاسايش و ئارامي بگەرێنرێتەوە عێراق.
جۆن كێري بە شاندي حكومەتي هەرێمي كوردستاني راگەياند كە ئيدارەي ئەمريكا ئاگاداري مێژووي خەباتي ميللەتي كوردەو وە لە خواست و ئارەزوەكانيان تێدەگەين، هاوكات تاكيدي كردەوە كە رۆلي كورد بە گرنگ وەسف كرد كە تا ئێستا بەشێكن لە سەرخستني پرۆسەي سياسي لە عێراق به گشتي و هەرێمي كوردستان بە تايبەتى.
لە بەرامبەردا دكتۆر فوئاد حسێن سوپاسي وەزيري دەرەوەي ئەمريكاي كرد بۆ ئەو پێشوزايە گەرمەي كە لێياني كردوە و خۆشحالي خۆي دەربري كە دواي سەردانەكەيان بۆ هەولێر دووبارە ئەم دەرفەتەي بۆ رەخساندوونەتەوە.
سەرۆكي ديواني سەرۆكايەتي هەرێم بە تێر و تەسەلي باسي لە دوايين گۆرانكاريەكاني گۆڕەپاني سياسي عێراق كردو بە وەزيري دەرەوەي راگەياند ئەو گۆرانكاريانەي كە دواي 9/6/2014 دروست بوو واقيعێكي تازەي هێنايە پێشەوە و پێويستە بە سياسەت و تێڕوانينێكي جياواز مامەڵە لەگەڵ بارودۆخەكەدا بكرێت. پێي راگەياند كە رەوشەكە دەخوازێت هەرێمي كوردستان دوو ئاراستە بڕوات. يەكەميان: كورد بەردەوام بێت لە گێڕاني رۆلي سەرەكي بۆ سەرخستني پرۆسەي سياسي لە بەغدا و چارەسەركردني كێشە و ئالۆزيەكان.
دووەم : كوردستان بەردەوام بێت لە پاراستني سنورەكاني هەرێمي كوردستان و هەروەها بەرەو پێشبردني بوارەكاني ئابووري و ئاسايش و بنياتناني دامەزراوەيي و خۆ ئامادەكردن بۆ مافي چارەي خۆنوسين.
"نازم دەباغ" له وتووێژ لهگهڵ رۆژنامەی ئاوێنە: ئێران دەتوانێت رۆڵی "گاندی" لە عێراقدا ببینێت
24 حوزەیران, كوردستانی ـ ر ع -نوێنەری حكوومەتی هەرێمی كوردستان لە تارانی پایتەختی ئێران ئاماژە بەوە دەدات "ئێران دەتوانێت رۆڵی "گاندی" لە عێراقدا ببینێت".
ئاوێنەنیوز، سلێمانی: رۆژنامەی "ئاوێنە" لە ژمارەی 434ـدا بڵاویكردۆتەوە نوێنەری حكوومەتی هەرێمی كوردستان لە تاران "نازم دەباغ"، رایگەندووە كە گەشبین نیيە بەو قەیرانەی ئێستا عێراقی تێكەوتوە و رۆڵی ئێرانیش بە ئیجابی دەخەمڵێنێت.
دەباغ لەبارەی رۆڵی ئێران لە عێراقدا وتویەتی "عێراق پێویستی بە گاندییەكی نوێیە، بۆ ئەوەی هەموویان كۆبكاتەوە، لەراستیدا عێراق پێویستی بە كەسایەتیەكی وایە و ئێران دەتوانێت ئەو رۆڵە ببینێت و ئەو یەكگرتوویە بەدیبهێنێت".
ئەو پێیوایە داعش بۆ سەر هەموو ولاتانی ناوچەكە جێگەی مەترسیە و وتویەیەتی "ولاتانی ناوچەكە لەروبەڕوبونەوەی داعش شێلگیر و لێبڕواو نین، تەنها ئێران نەبێت كە بە جدی دژایەتی داعش دەكات".
تەواوی ئەم بابەتە و چەند بابەتێكی تر لە ژمارە 434ی رۆژنامەی "ئاوێنە" بخوێنەرەوە، ئاوێنە رۆژنامەیەكی سیاسی گشتیە و هەموو رۆژانێكی سێشەممە كۆمپانیای ئاوێنە لە هەرێمی كوردستان دەریدەكات.
سەرۆكی هەرێمی كوردستان پێشوازی لە بەرپرسی بەشی باكووری ئەفریقیا و ڕۆژهەڵاتی ناوەڕاستی وەزارەتی دەرەوەی فەڕەنسا دەكات
ئەمڕۆ سێشەممە 1ـی 7ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە ژان فڕانسوا ژیرۆت بەرپرسی بەشی باكووری ئەفریقیا و ڕۆژهەڵاتی ناوەڕاستی وەزارەتی دەرەوەی فەڕەنسا و شاندێكی یاوەری كرد.
لە كۆبوونەوەیەكدا بەرپرسی بەشی باكووری ئەفریقیا و ڕۆژهەڵاتی ناوەڕاستی وەزارەتی دەرەوەی فەڕەنسا سوپاس و خۆشحاڵیی خۆی بۆ ئەم دیدارە نیشاندا و وێڕای ئاماژەدان بە قەیرانی سیاسی و ئەمنیی ئەم دواییەی عێراق ئەوەی خستەڕوو كە تیرۆر و توندڕۆیی مەترسییەكی گەرورەیە بۆ سەر عێراق و ناوچەكە و هەموو جیهان. لەگەڵئەوەیشدا پێویستە كێشەی ئەمنی و سیاسی لەیەكتر جیا بكرێتەوە و هاوكاتیش داواكاریی سووننە و داعشیش لەیەكتر جیا بكرێنەوە. ئەو بەرپرسەی وەزارەتی دەرەوەی فەڕەنسا ڕاشیگەیاند كە كێشە سیاسییەكانی عێراق بەمشێوەیە بەردەوام بن ئەم وڵاتە بەرەو هەڵوەشانەوە دەچێت. بەرپرسی بەشی باكووری ئەفریقیا و ڕۆژهەڵاتی ناوەڕاستی وەزارەتی دەرەوەی فەڕەنسا لە درێژەی قسەكانیدا سوپاسی سەرۆك بارزانی و هێزی پێشمەرگەی كوردستانی كرد كە توانیویەتی بەشێكی گەورەی وڵات لە هەڕەشەی تیرۆریستان بپارێزێت و یارمەتیی ئاوارە و مەسیحییەكانی عێراق بدات.
لەبەرانبەردا سەرۆك بارزانی بەگەرمی بەخێرهاتنی شاندی میوانی كرد و سەبارەت بە ڕووداوەكانی ئەم دواییە و هەڕەشەی تیرۆریستان سەرۆك بارزانی ئەوەی بۆ شاندی میوان ڕوون كردەوە كە چەند مانگ بەر لەو قەیرانە سەرۆكوەزیرانی عێراقی ئاگادار كردبوو كە موسڵ بە دۆخێكی مەترسیدار دەڕوات بەڵام سەرۆك وەزیرانی عێراق ئەم هۆشدارییەی پشتگوێی خست و بە جدیی وەرنەگرت. سەرۆك بارزانی ئەوەیشی خستەڕوو كە بەرپرسیارێتیی سەرەكیی ئەم دۆخە ئەمنی و سیاسییەی ئێستا هەیە دەكەوێتە سەر شانی دەستەڵاتدارانی بەغدا و توندڕۆ و تیرۆریستان سیاسەتی هەڵەی حكوومەتی مالیكیان قۆستەوە بۆ ئەوەی لە ناوچە سوننەنشیننەكان جێی پێی خۆیان قایم بكەن. پەیوەست بە سیاسەتی گشتیی هەرێمی كوردستان بەرانبەر بارودۆخی ئێستای عێراق سەرۆك بارزانی ڕایگەیاند كە هەرێمی كوردستان بە هەموو توانایەك پارێزگاری لە سنوورەكانی خۆی و هاووڵاتیانی دەكات و بەڕووی هەموو جۆرە دەستدرێژییەكی تیرۆریستان دێتەوە. سەرۆك بارزانی هێمایشی بەوەدا كە كوردستان نابێتە بەشێك لە شەڕی تاییفیی عێراق و چارەسەری بنەڕەتیی گرفتەكان تەنیا لەڕێی كردەی سەربازییەوە ناكرێ بەڵكو دەبێ سەرەتا لەڕووی سیاسییەوە گۆڕانكاری لە پڕۆسەكە ڕوو بدات. لە درێژەی قسەكانیدا سەرۆك بارزانی ئاماژەیشی بەوەدا كە گەلی كوردستان ناچار نییە چیدی چارەنووسی خۆی بداتە دەست دۆخێكی نادیار و تەمومژاوی و باجی هەڵەی خەڵكی دیكە بدات و ئەوەی ئێستا لەعێراقدا ڕوویداوە كوردستان لێی بەرپرس نییە بەڵكو ئەنجامی سیاسەتی هەڵە و شەڕی تاییفی بووە.
هەر لەم كۆبوونەوەیەدا هەردوولا لەسەر ئەوە هاوڕابوون كە بەهۆی خێرایی ڕووداوەكان و لەپێناو دۆزینەوەی چارەسەرەكان لە پەیوەندی و ڕاوێژی بەردەوامدا بن.
نێچیرڤان بارزانى پێشوازى له شاندێكى فهرهنسى كرد
نیوهڕۆى ئهمڕۆ چوارشهممه 2ى تهممووزى 2014 بهڕێز نێچیرڤان بارزانى سهرۆك وهزیرانى ههرێمى كوردستان، پێشوازى له ژان فرانسوا ژیرۆ بهڕێوهبهرى بهشى باكوورى ئافریكا و ڕۆژههڵاتى ناوهڕاست له وهزارهتى دهرهوهى فهرهنسا و شاندێكى یاوهرى كرد.
له دیدارێكدا ڕهوش و پێشهاتهكانى ئێستاى عیراق و ئهو بارودۆخهى دواى كۆنترڵكردنى مووسڵ و شوێنهكانى دیكهى عیراق له لایهن چهكدارانى ڕێكخراوى تیرۆرستیى داعشهوه هاتۆته ئاراوه، مهترسیى تیرۆرستان و دهرهنجام و كاریگهرییهكانى ئهم ڕهوشه، ئاوارهبوونى سهدان ههزار هاووڵاتى بۆ ناوچهكانى ههرێمى كوردستان و یارمهتیدان و هاوكاریكردنیان له لایهن حكوومهتى ههرێمى كوردستانهوه تاتوێ كرا.
میوانى فهرهنسى دووپاتى كردهوه كه كێشهى تیرۆر كێشهیهكى نێودهوڵهتییه و ڕووبهڕوو بوونهوه و چۆنیهتیى مامهڵهكردنیش لهگهڵ تیرۆردا بهرپرسیاریهتیى كۆمهڵگهى نێودهوڵهتییه، ههروهها ئاماژهى بهوه دا كێشهى تیرۆ له عیراق به تهنیا بە ڕێكارى سهبازى و له ڕێگهى ئۆپهراسیۆنى سوپاوه چارهسهر ناكرێت و ڕێگهچارهى سیاسى پێویسته.
لاى خۆیهوه سهرۆك وهزیران ڕوونى كردهوه كه عیراقى بهر له پێشهاتهكانى مووسڵ و دواى ئهو پێشهاتانه تهواو جیاوازه و بارودۆخهكه و عیراق به گشتى خوێندنهوهیهكى تازهیان پێویسته و ههر چارهسهرێك بۆ كێشهكان دهبێ لهسهر بنهماى ئهو واقعه تازهیه بێت كه له عیراق دروست بووه. ههروهها سوپاسى فهرهنساى كرد بۆ پهرهپێدانى پهیوهندییهكانى لهگهڵ ههرێمى كوردستان.
نازم دهباغ له وتووێژ لهگهڵ لڤین: پارتهکانی ههرێمی کوردستان پێوهندییهکی باشیان لهگهڵ ئێران ههیه
نوێنهری فهرمی ههرێمی کوردستانی عێراق له ئێران ڕایگهیاند که یهکێتی نیشتیمانی کوردستان هاوپهیمانی کۆماری ئیسلامی ئێرانه و ههرگیز ئهم بابهتهی نهشاردۆتهوه.
"نازم دهباغ" نوێنهری فهرمی حکوومهتی ههرێمی کوردستانی عێراق له تاران له دیمانهیهکی ڕۆژنامهوانیدا لهبارهی پێوهندییهکانی پارتهکانی ههرێمی کوردستان و کۆماری ئیسلامی ئێران دهدوێت.
ئهندامی یهکێتی نیشتیمانی کوردستان له دیمانه لهگهڵ "لڤین" جهختی کرد که پارتهکهی هاوپهیمانێکی کۆماری ئیسلامی ئێرانه و ههرگیزیش ئهو بابهتهی نهشاردۆتهوه.
دهباغ زیادیشی کرد: یهکێتی، هاوپهیمانی ئێرانه و ئێرانیش دهیههوێ یهکێتی هاوپهیمانێکی بههێز بێت و هاوکاری دیکهی پارتهکان و لایهنه سیاسییهکانی عێراق بکات بۆ جێگرکردنی ئاسایش لهم وڵاته و بونیاتنانهوهی عێراقێکی نوێ.
له بهشێکی دیکهی دیمانهکهیدا، "نازم دهباغ" باسی پێوهندییهکانی ئێران و پارتی دیموکراتی کوردستانی عێراق به سهرۆکایهتی "مهسعوود بارزانی" سهرۆکی ههرێم دهکات و دهڵێ که بهپێچهوانهی ئهو دهنگۆیانهی ههن، پارتی پێوهندییهکی باشی لهگهڵ ئێراندا ههیه.
ههروهها سهفهری ئهم دواییانهی "نێچیرڤان بارزانی" سهرۆک وهزیرانی حکوومهتی ههرێمی کوردستانی بۆ ئێرانی، به نموونهیهکی ئاشکرای پێوهندی پتهوی نێوان پارتی و ئێران وهسف کرد.
ئاماژهی بهوهش دا، تهنانهت پارتهکانی سۆسیالیست، زهحمهتکێشان، کۆمهڵی ئیسلامی و بزووتنهوهی گۆڕان، پێوهندی باشیان ههیه لهگهڵ ئێران.
نازم دەباغ: ئیران چوونی ھێزی پێشمەرگەی بۆ ناوچە کوردستانییەکانی دەرەوەی ھەرێم بەرز نرخاند
ئیران-تایبەت بەKDP.info- نوێنەری حکوومەتی ھەرێمی کوردستان لە ئیران ڕایگەیاند: لە کۆبوونەوەی شاندی حکوومەتی ھەرێمی کوردستان بە سەرۆکایەتیی نێچیرڤان بارزانی لەگەڵ بەرپرسانی ئیراندا، چوونی ھێزی پێشمەرگە بۆ ناوچە کوردستانییەکانی دەرەوەی ھەرێم بەرز ھەڵسەنگێندرا.
نوێنەری حکوومەتی ھەرێمی کوردستان لە ئیران "نازم دەباغ" بە kdp.info-ی راگەیاند: ئەمڕۆ شاندێکی حکوومەتی ھەرێمی کوردستان سەردانی کۆماری ئیسلامیی ئیرانی کرد و لە کۆبوونەوەیەکدا لەگەڵ بەرپرسانی ئیران، باس لە تێکچوونی بارودۆخی عێراق کرا و ھەر دوولا ھاوھەڵوێست بوون لەسەر رووبەرووبوونەوەی تیرۆر لە عێراق.
نازم دەباغ گوتیشی: لە کۆبوونەوەکەدا کۆماری ئیسلامیی ئیران چوونی پێشمەرگەی بۆ ناوچە کوردستانییەکانی دەرەوە ھەرێم بە ئیجابی ھەڵسەنگاند.
دەباغ زیاتر گوتی: ئیرانی ھیچ تێبینییەکی لەسەر چوونی پێشمەرگە بۆ ناوچە کوردستانییەکان نەبوو، بەڵکو چوونی ئەوان بۆ ئەو دەڤەرانە ھاوکارییە، لەبەر ئەوەی ئەگەر پێشمەرگە جووڵەی نەکردبا دەکەوتە دەست چەکدارانی داعشەوە.
ناوبراو ئاماژەیشی دا، شاندەکە دوای دیداریان لەگەڵ بەرپرسانی ئیران گەڕانەوە بۆ ھەرێمی کوردستان.
شاندەکەی حکوومەتی ھەرێمی کوردستان بە سەرۆکایەتیی نێچیرڤان بارزانی سەرۆکی حکوومەتی ھەرێم بووە.
بڵند ئیبراھیم
لە پەیوەندییەكی تەلەفۆنیی نێوان سەرۆكی هەرێمی كوردستان و وەزیری دەرەوەی ئیتالیا بارودۆخی سیاسیی عێراق تاوتوێ كرا
ئێوارەی ئەمڕۆ دووشەممە 23ـی 6ـی 2014 خاتوو فێدریكا مۆگێرینی وەزیری دەرەوەی ئیتالیا لەڕێی تەلەفۆنەوە لە شاری لۆگزامبورگ و بەر لە دەستپێكی كۆبوونەوەی وەزیرانی دەرەوەی یەكێتیی ئەوڕووپا پەیوەندی بە بەڕێز مەسعود بارزانی سەرۆكی هەرێمی كوردستان كرد.
لەم پەیوەندییە تەلەفۆنییەدا وەزیری دەرەوەی ئیتالیا نیگەرانیی خۆی بەرانبەر بارودۆخی قەیراناویی عێراق نیشاندا و هیوای خواست بە زووترین كات ئەم قەیرانە تازەیەی عێراق كۆتایی بێت. هەروەها لەبارەی دەستپێكی پڕۆسەی سیاسیی و دانیشتنی پارلمانی نوێی عێراق و پێكهێنانی حكوومەتی تازەی عێراق و بارودۆخی سیاسی و ئەمنیی عێراق چەند پرسیارێكی ئاراستەی سەرۆك بارزانی كرد.
هەر لەم پەیوەندییە تەلەفۆنییەدا سەرۆك بارزانی سوپاسی وەزیری دەرەوەی ئیتالیای كرد بۆ ئەو پێشوازییەی كە لەكاتی سەردانەكەی بۆ وڵاتی ئیتالیا لێی كرابوو و هەروەها وێنەیەكی گشتیی و ڕوونی لەبارەی ڕووداوەكانی ئەم دواییەی عێراق خستەڕوو و جەختی لەوە كردەوە كە عێراقی پێش ڕووداوەكانی نەینەوا جیاوازە لەگەڵ عێراقی دوای ئەم ڕووداوانە و هێمای بەوەدا كە پێشتر لە ناوچە هاوبەشەكانی نێوان هەرێمی كوردستان و عێراق هێزی هاوبەش هەبوو بەڵام ئێستا سوپای عێراقی بوونی نەماوە و حالیحازر بە درێژایی زیاتر لە هەزار كیلۆمەتر، هەرێمی كوردستان سنووری لەگەڵ درواسێیەكی دیكەی جگە لە عێراق هەیە كە بەشێك لە ناوچەكانی لەژێر كۆنتڕۆڵی گرووپە تیرۆریستەكانە و ئەوەیان هەڕەشەیە بۆ سەر هەموو پێكهاتەكانی عێراق و گشت لایەك. سەرۆك بارزانی ئەوەیشی خستەڕوو كە لەدوای ڕووخانی ڕژێمی پێشوو كوردستان بەشێك بووە لە پڕۆسەی سیاسیی عێراق و یارمەتیی ئەم پڕۆسەیەی داوە و پاڵپشتی بووە بەڵام بەهۆی مامەڵەكردنی هەڵەی دەسەڵاتدارانی بەغدا و كێشەی تاییفەگەری پڕۆسەی سیاسی گەییشتە ئەم دۆخەی ئێستا. سەرۆك بارزانی ئاماژەیشی بەوەدا ئەگەر قەیرانەكە بەردەوام بێت و چارەسەر نەكرا سەركردایەتیی سیاسیی كوردستان بۆ ڕای گەلەكەی دەگەڕێتەوە.
لە كۆتایی ئەم پەیوەندییە تەلەفۆنییەدا وەزیری دەرەوەی ئیتالیا داوای كرد بەهۆی خێرایی ڕووداو و گۆڕانكارییەكان لە پەیوەندیی بەردەوامدابن و هیوای پێشكەوتن و سەركەوتنی بۆ گەلی كوردستان خواست.
سەرۆكی هەرێمی كوردستان پێشوازی لە وەزیری دەرەوەی بریتانیا دەكات
ئەمڕۆ هەینی 27ـی 6ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە ویلیەم هێگ وەزیری دەرەوەی بریتانیا و شاندێكی یاوەری كرد.
لە دیدارەکەدا سەرەتا وەزیری دەرەوەی بریتانیا سوپاسی سەرۆك بارزانی كرد بۆ ڕەخساندنی ئەم دیدارە و ئاماژەی بەوەدا كە سەردانەكەی بۆ عێراق لە كاتێكی زۆر هەستیاردایە و عێراق بەدەست گرفتی ئەمنی و سیاسیی گەورەوە دەناڵێنێت و ئەگەر چارەسەر نەكرێت دەبێ چاوەڕوانی قووڵتربوونی كێشەی ئەمنی و بەهێزبوونی تیرۆریستان بین كە هەڕەشەیەكی گەورە بۆ ناوچەكە دروست دەكەن. لەم دیدارەدا وەزیری دەرەوەی بریتانیا داوای كرد كوردستان یارمەتیی دەستپێكردنەوەی پڕۆسەی سیاسیی عێراق و دامەزراندنی حكوومەتی تازە بدات و ڕۆڵی كاریگەری خۆی بگێڕێت. ئەوەیشی خستەڕوو كە پێویستە حكوومەتی تازە لەسەر بنەمای شەراكەتی ڕاستەقینە و بە بەشداریی گشت لایەن و پێكهاتەكان بێت. سەبارەت بە چارەسەركردنی بارودۆخی ئەمنیی عێراق، وەزیری دەرەوەی بریتانیا ڕایگەیاند كە بەر لەوەی بیر لە چارەسەری سەربازی بكرێت پێویستە چارەسەری سیاسی بۆ دەستپێكردنی پڕۆسەی سیاسیی عێراق بدۆزرێتەوە و هەرێمی كوردستانیش دەتوانێ ڕۆڵی كاریگەری هەبێت. لە بەشێكی دیكەی قسەكانیدا وەزیری دەرەوەی بریتانیا ستاییشی ڕۆڵی پێشمەرگە و هێزەكانی ئاساییشی هەرێمی كوردستانی كرد لەوەی كە ڕێگەیان لە پێشڕەویی تیرۆریستان گرتووە بۆ ئەوەی نەتوانن دەست بەسەر ناوچە كێشە لەسەرەكانی نێوان هەرێمی كوردستان و عێراقدا بگرن. وەزیری دەرەوەی بریتانیا سوپاس و دەستخۆشیشی لە هەرێمی كوردستان كرد بۆ یارمەتیدانی ئەو ژمارە زۆرەی ئاوارە كە ڕوویان لە هەرێم كردووە و ڕایگەیاند كە وڵاتەكەی هەوڵ دەدات هاوكاری و یارمەتیی زیاتر پێشكەشی ئاوارەكان بكات. پەیوەست بە پەیوەندییەكانی نێوان هەرێمی كوردستان و بریتانیا وەزیری دەرەوەی بریتانیا وێڕای ئاماژەدان بە سەردانی بەڕێز نێچیرڤان بارزانی سەرۆكی حكوومەتی هەرێمی كوردستان بۆ وڵاتەكەی هیوای خواست پەیوەندییەكانی هەردوولا بەرەوپێشچوونی زیاتر بەخۆیەوە ببینێت.
لە بەرانبەردا سەرۆك بارزانی زۆر بەگەرمی بەخێرهاتنی وەزیری دەرەوەی بریتانیا و شاندی یاوەری كرد و سوپاسی حكوومەت و گەلی بریتانیاشی كرد بۆ یارمەتیدانی گەلی كورد لە پڕۆسەی ئازادكردنی عێراق و، كوردستان زۆر بەباشی توانی سوود لەو دەرفەتە وەربگرێت بۆ بووژانەوە و پێكەوەژیان.
سەبارەت بە بارودۆخی ئەمنی و سیاسیی عێراقیش سەرۆك بارزانی هێمای بەوەدا ئەوەی ڕووی داوە ئەنجامی سیاسەتی هەڵەی حكوومەتی بەغدا بووە و توندڕۆ و تیرۆریستانیش ئیستیغلالی ئیدارەدان و مامەڵەی هەڵەی بەغدایان كرد و ئەم بارودۆخە مەترسیدارە هاتە كایەوە. لەدرێژەی قسەكانیدا سەرۆك بارزانی ئاماژەی بەوەدا كە چارەسەری سەربازی بەهیچ شێوەیەك كۆتایی بە قەیرانەكان ناهێنێت و پێویستە سەرەتا چارەسەری سیاسیی هەبێت ئەوەیش لەژێر ڕۆشنایی ئەو واقع و بارودۆخەی ئێستاكە لە عێراقدا هاتووەتە كایەوە. لەبارەی بەشداریی كوردستان لە پڕۆسەی سیاسیی عێراقدا سەرۆك بارزانی ڕایگەیاند كە لە دەساڵی ڕابردوودا ڕەفتارێكی وا لە دەسەڵاتدارانی بەغدا نەبیندراوە كە جێگەی ئومێد بیت و ئەو ڕەوشەی ئێستا لە ئارادایە بەهیچ شێوەیەك كورد لێی بەرپرس نییە، بەڵكو هۆكاری سەرەكیی كێشەكان حكوومەتی بەغدا و سیاسەتە هەڵەكانی بووە.
سەرۆك بارزانی ئەوەیشی خستەڕوو كە دەسەڵاتدارانی بەغدا سوودیان لە دەرفەتەكان وەرنەگرت ئەگەرچی دەرفەت و هەلی زۆریان لەبەردەست بوو. ئێستا بارودۆخێكی دیكە هاتووەتە ئاراوە و كورد ئامادە نییە باجی هەڵەی ئەوانی دی بدات و بۆشمان ڕوون بووەتەوە كە دەسەڵاتدارانی بەغدا نایانەوێ كار بە مەفهوومی شەراكەت بكەن.
شایانی باسە لەدوای كۆتاییهاتنی كۆبوونەوەی سەرۆك بارزانی و وەزیری دەرەوەی بریتانیا هەر لە نووسینگەی بەڕێز سەرۆكی هەرێمی كوردستان بە ئامادەبوونی ژمارەیەكی زۆری میدیای ناوخۆیی و بیانی پڕێسكۆنفڕانسێك بۆ سەرۆك بارزانی و وەزیری دەرەوەی بریتانیا ڕێكخرا.
More...
سهرۆك بارزانی هاتنهوهی مانگی رهمهزانی پیرۆز له موسڵمانانی كوردستان و جیهان پیرۆز دهكات
وەزیری دەرەوەی ویلایەتە یەكگرتووەكانی ئەمەریكا لەڕێی تەلەفۆنەوە پەیوەندی بە سەرۆكی هەرێمی كوردستان دەكات
سەرۆکی ھەرێمی کوردستان پێشوازی لە نوێنەری تایبەتی سکرتێری گشتیی (UN)دەکات
نێچیرڤان بارزانى و ولیهم ههیگ ڕهوشى عیراقیان تاوتوێ كرد
دوایین هەواڵەکان
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات
- سهرۆك نێچيرڤان بارزانى و دوو گرووپى پهرلهمانتارانى ئهڵمانى كۆبوونهوه
- سهرۆك نێچيرڤان بارزانى و سهرۆك وهزيرانى ئهرمهنستان تاوتوێى پهيوهندييهكان دهكهن
- سهرۆك نێچيرڤان بارزانى لهگهڵ خاوهنشكۆ شاى ئوردن كۆبووهوه
- كارنامهى سهرۆك نێچيرڤان بارزانى له كۆنفرانسى ئاساييشى ميونشن تهواو بوو
- سهرۆك نێچيرڤان بارزانى: عێراق و ههرێمى كوردستان، پێويستييان به يهكێتيى ئهورووپايه