له میانى پێشوازیكردنى له وه‌فدێكى ئه‌نجومه‌نى پیران و په‌رله‌مانى ژاپۆن سه‌رۆكى په‌رله‌مان: گروپه چه‌كداره توندڕه‌وه‌كان هه‌ڕه‌شه‌ن بۆ سه‌ر ئاسایشى نێوده‌وڵه‌تى
پێشنیوه‌ڕۆى ئه‌مڕۆ 4/8/2014 یوسف محه‌مه‌د سادق سه‌رۆكی په‌رله‌مانی كوردستان، له نوسینگه‌ى تایبه‌تیى خۆى له ته‌لارى په‌رله‌مان، پێشوازیى له وه‌فدێكى ئه‌نجومه‌نى پیران و په‌رله‌مانى ژاپۆن كرد.
سه‌باره‌ت به‌دۆخی شه‌نگال سه‌رۆكی په‌رله‌مان ئاماده‌كاری ده‌كات بۆ كۆبونه‌وه‌ی نائاسایی په‌رله‌مانی كوردستان
پێشنیوه‌رۆی ئه‌مرۆ 4/8/2014 د. یوسف محمد سادق سه‌رۆكی په‌رله‌مانی كوردستان كۆبونه‌وه‌یه‌كی به‌په‌له‌ی له‌گه‌ڵ سه‌رۆكی هه‌ندێك له فراكسیۆنه‌كان و لیژنه‌ی پێشمه‌رگه‌ی په‌رله‌مانی كوردستان ئه‌نجامدا بۆ تاوتوێكردنی دۆخی شه‌نگال و زوممار و ناوچه‌كانی ده‌وروبه‌ری، له كۆبونه‌وه‌كه‌دا سه‌رۆكی په‌رله‌مان لیژنه په‌یوه‌ندیداره‌كانی راسپارد تا له نزیكترین كاتدا به‌دواداچون و لێكۆڵینه‌وه له پێداویستی ئاواره‌كانی كوردانی ئێزیدی بكه‌ن ، هه‌روه‌ها له پێداویستی و كه‌موكوڕیه‌كانی هێزی پێشمه‌رگه‌ش بكۆڵنه‌وه. هه‌ر له‌كۆبونه‌وه‌كه‌دا سه‌رۆكی په‌رله‌مان ئه‌وه‌ی ئاشكرا كرد كه له‌نزیكترین ده‌رفه‌تدا بۆ تاوتوێكردنی ئه‌م بارودۆخه تازه‌یه‌ی له‌ناوچه‌كانی شه‌نگال و زومارو ده‌روبه‌ری هاتۆته پیش، كۆبونه‌وه‌ی نائاسایی په‌رله‌مان سازبدرێت و په‌رله‌مان پشوی خۆی ده‌شكێنێت له پێناو باسكردنی ئه‌م رووداوانه .
فەلاح مستەفا پێشوازی لە باڵیۆزی ژاپۆن لە عیراق كرد
بە بۆنەي دەستبەكاربووني وەك باڵيۆزي ژاپۆن لە عيراق، ئەمڕۆ بەڕێز كازويا ناشيدا باڵيۆزي ژاپۆن سەرداني فەرمانگەي پەيوەنديەكاني دەرەوەي حكومەتي كردو لەلايەن فەلاح مستەفا بەرپرسي پەيوەنديەكاني دەرەوەي پێشوازي لێكرا.
لە ديدارەكەدا كە كاروان جەمال جێگري بەرپرسي فەرمانگە ئامادەبوو، فەلاح مستەفا پيرۆزبايي دەستبەكاربووني لە باڵيۆز ناشيدا كرد و هيواي سەركەوتني بۆخواست لە كارەكانيدا و ئامادەيي فەرمانگەي پەيوەنديەكاني دەرەوەي نيشاندا بۆ هەماهەنگي و ئاسانكاري پێويست بەمەبەستي سەرخستني كارەكانيان لە هەرێم.
بەڕێزيان تيشكي خستە سەر قەيراني سياسي و ئەمني ئەمڕۆي عيراق و مەترسي تيرۆرستان لەسەر چەند ناوچەيەكي عيراق و هێرشكردنە سەر چەند ناوچەيەكي هەرێمي كوردستان لە رۆژاني رابردوو. لەم رووەوە هەڵوێستي سەركردايەتي سياسي هەرێمي كوردستاني خستەڕوو كە بە پاڵپشتي پێشمەرگەو جەماوەري كوردستان و كۆمەڵگاي نێودەوڵەتي دەتوانن رێگە لە تيرۆرستان بگرن و ئارامي و سەقامگيري كوردستان بپارێزن.
باڵيۆز ناشيدا خۆشحاڵي خۆي دەربڕي بە سەرداني بۆ هەرێمي كوردستان پاش دەست بەكاربووني وەك باڵيۆزي ژاپۆن و هيواي خواست بتوانن پەيوەنديەكانيان لەگەڵ هەرێمي كوردستان زياتر پەرە پێبدەن، هاوكات نيگەراني خۆي سەبارەت بە بارودۆخي چەند ناوچەيەكي عيراق كە لەژێر دەسەڵاتي تيرۆرستاني دەوڵەتي ئيسلاميدايە خستەڕوو.
لە تەوەرێكي ديكەي كۆبوونەوەكە باس لە رەوشي نالەباري ئاوارەكاني سورياو ئاوارەكاني ناوخۆي عيراق لە هەرێمي كوردستان كرا كە ژمارەيان بە بەردەوامي لەزيادبووندايەو ئەركي حكومەتي هەرێميان قورستر كردووە، لەم رووەوە بەرپرسي پەيوەنديەكاني دەرەوە وێڕاي نيشانداني سوپاسگوزاري بۆ ووڵاتي ژاپۆن لەبەرامبەر ئەو هاوكاريانەي كە تاكو ئێستا پێشكەشيان كردووەو داواي كرد كە بەردەوامبن لە پێشكەش كردني هاوكاري يە مرۆييەكانيان بۆ ئاوارەكاني عيراق و سوريا لە هەرێم.
هەردوولا باسيان لە ميكانيزمي پێشخستني پەيوەنديەكان كرد، فەلاح مستەفا هيواي خواست حكومەتي ژاپۆن ئاستي نوێنەرايەتي خۆي لە هەرێمي كوردستان بەرزبكاتەوە.
قوباد تاڵەبانى پشتیوانی حکومەتی هەرێم بۆ قەزای دووز خورماتو دووپاتدەکاتەوە
بۆ لەنزیکەوە بەئاگابوون لەکێشەو کەم و کوڕى و رەوشى ئەمنى قەزاى دووزخورماتوو، قوباد تاڵەبانى جێگرى سەرۆکى حکوومەتى هەرێمى کوردستان پێشوازى لە وەفدێکى باڵا بەسەرپەرشتى شەلال عبدول قائیمقام و بەیاوەرى نوێنەرى سەرجەم لایەنە کوردستانیەکانى قەزاى دوزخوورماتوو کرد.
لە کۆبونەوەیەکدا، قائیمقامى دووزخورماتوو و نوێنەرى لایەنە سیاسییەکان، پشتیوانى خۆیان بۆ حکوومەتى هەرێمى کوردستان و هێزى پێشمەرگەى کوردستان دەربڕى، کە رۆڵى سەرەکیان لەپاراستنى ناوچە کوردستانییەکان بینیوە و هەروەها باسیان لە رەوشى ئەمنى و کێشەو کەم و کوڕییەکانى قەزاى دووزخورماتوو کرد و پاشان باسیان لەو بۆشاییە ئیدارییە کرد، کەبەهۆى شەرەکانى ئەم دوایە و گرووپە توندرەوەکان دروست بوونە.
وەفدەکە داواو خواستەکانى خەڵکى دووزخوورماتوویان گەیاندە جێگرى سەرۆکى حکومەت و هیوایان خواست ئەوەى لەتوانادایە بۆ خەڵکى دووزخورماتوو بکرێت و هەرچى زووە قەزاى دووزخورماتوو بگەریێتەوە سەر پارێزگاى کەرکوک، چونکە ناوچەیەکى کوردستانیە و لە ساڵانى حەفتاکانەوە بەبڕیارێکى ناتەندروست خراوەتەسەر پارێزگاى سەلاحەددین. ئێستا بەکۆى دەنگى ئەندامانى ئەنجومەنى قەزاى دووزخورماتوو و تەواوى لایەنە سیاسیەکان داوا دەکەن قەزاکەیان بگەرێتەوە سەر پارێزگاى کەرکوک.
دواتر قوباد تاڵەبانى، نیشانیدا حكومەت هەرگیز قەزاى دووزخورماتوومان لەبیرنەکردوەو هەمیشە هێزى پێشمەرگەى کوردستان و هێزەکانى بەرگرى و هێزەکانى تر، پاڵپشت و پشتیوانتان بوونەو دەبێت. هەروەها جێگرى سەرۆکى حکوومەتى هەرێمى کوردستان رایگەیاند، داواکاریەکانتیان بەهەند وەردەگرین و لەنزیکەوە دیراسەى دەکەین و هەولى جێبەجێ کردنییان دەدەین.
هەرێمی كوردستان بۆ ئەمریكا: قۆناغی سوپاس بەسە، چەك و تەقەمەنی بدەنە پێشمەرگە
هەرێمی كوردستان بە فەرمی داوای لە ئەمریكا كردووە كە چەك و تەقەمەنی قورس بدرێتە پێشمەرگە. بەرپرسێكی باڵای حكومەتی هەرێمی كوردستانیش دەڵێ "بەئەمریكامان گوتووە پەیوەندییەكان لە قۆناغی سوپاس و دەستخۆشییەوە بكەن بە قۆناغی دابینكردنی پشتیوانیی راستەوخۆ".
كورد سوپاسی ئەمریكای ناوێ
رووداوەكانی ناوچەی شنگال و زوممار كە هێزەكانی داعش بەشێوەیەكی كتوپڕ ئەو ناوچانەی لە دەستی پێشمەرگە دەرهێنا، بەرپرسانی هەرێمی كوردستانی ناچار كرد كە بۆ دابینكردنی تەقەمەنی و چەكی قورس گوشاری زیاتر بخەنە سەر بەرپرسانی ئەمریكی.
فەلاح مستەفا، بەرپرسی پەیوەندییەكانی دەرەوەی حكومەتی هەرێمی كوردستان لەوبارەوە گوتی "لەگەڵ كۆنسوڵگەریی ئەمریكا لە هەولێر و باڵیۆزی ئەمریكا لە بەغدا قسەمان كردووە و داوامان كردووە كە ئیدی پەیوەندییەكان لە قۆناغی سوپاس و دەستخۆشییەوە ببەنە قۆناغی دابینكردنی پشتیوانیی راستەوخۆ بەتایبەت لە رووی چەك و تەقەمەنییەوە".
فەلاح مستەفا گوتیشی "بە ئەمریكامان گوت، شەڕی تیرۆر تەنیا بە حكومەتی هەرێمی كوردستان ناكرێ. دەبێ كار بكرێ بۆ پاراستنی ئێزدییەكان و كریستیانەكان، نامانەوێ بەتەنیا شەڕی تیرۆر بكەین، بەڵكو پێویستی بە هاوكاریی نێودەوڵەتی هەیە و دەبێت ئەمریكا بە بەرپرسیارێتی خۆی هەستێ".
دەربارەی وەڵامی ئەمریكا بۆ داواكانی هەرێمی كوردستانیش گوتی "ئەمریكا داوای ئێمەی رەتنەكردەوە" و گوتیان "كاری لەسەر دەكەین و بەجددی بەدواداچوونی بۆ دەكەین".
پێشمەرگە كۆكراونەتەوە
رۆژی 1/8/2014 هێزەكانی داعش دەستیان بە هێرشێكی بەرفراوان كرد بۆ سەر هێزەكانی پێشمەرگە لە ناوچەكانی رەبیعە، سنوونێ، شنگال، زوممار و عەین زالە كە ناوچەیەكی دەوڵەمەندە بە نەوت. هێرشەكان بەردەوامبوون تاوەكو 3/8/2014 و ئەو ناوچانە بەتەواوەتی كەوتنە دەست هێزەكانی داعش.
داعشیش لە رێگەی بڵاوكردنەوەی بەیاننامەیەك نەیشاردەوە كە شەڕەكانی لەگەڵ هێزی پێشمەرگە شەڕی "قورس" بووە، بەڵام توانییان ناوچەكانی (شنگال، رەبیعە، سنوونێ، وانێ و زوممار) بگرن.
جەبار یاوەر، ئەمینداری وەزارەتی پێشمەرگە دەڵێ "هەموو هێزەكان كۆكراونەتەوە، چاوەڕێ دەكەین ناوچەكە پاك بكەینەوە و هەموو جۆرە چەكێكیش ئێستا لەدەستی پێشمەرگەدا هەیە".
ناوچەكانی شنگال و زوممار و ئەو ناوچانەی ئێستا شەڕی تێدایە 30 بۆ 40 كیلۆمەتر دەبێ. جەبار یاوەر دەڵێ "پاراستنی ئەو سنوورە فراوانە پێویستی بە هێزێكی زۆرە".
بەرپرسێكی باڵای حكومەتی هەرێمی كوردستان ئاشكرای كرد كە "فەرماندەی تایبەتی یەك و هێزی گوڵان بە سەرپەرشتی مەنسور بارزانی، كوڕی سەرۆكی هەرێمی كوردستان بە چەكی قورسەوە گەیشتووەتە ناوچەكە و بەنزیكترین كات دەست بە شەڕ دەكەن".
ئەو بەرپرسە باڵایەی حكومەتی هەرێمی كوردستان باسی ئەو جۆرە چەكانەشی كرد كە ئەو هێزە بۆ رووبەڕووبوونەوەی داعش لەدەستدایە و گوتی بریتین لە (تانكی پێشكەوتوو، راجیمە، هاوەن، تۆپی 106 ملم، هەمەری گوللەنەبڕ بۆ گواستنەوەی پێشمەرگە بۆ بەرەكانی شەڕ). گوتیشی "ئێستا هێزی پێشمەرگە خۆی رێكخستووە و پلانی تۆكمەیان داڕشتووە بۆ یەكلاكردنەوەی شەڕەكە".
دەستپێكردنی شەڕەكە دوای چەند رۆژێكی كەم هات لە سەردانی مەسعود بارزانی سەرۆكی هەرێمی كوردستان بۆ بەرەكانی شەڕ لە رۆژانی جەژندا. بارزانی لەو سەردانانەدا مژدەی دا بە هێزەكانی پێشمەرگە كە چەكی پێشكەوتوو دەكەوێتە دەست هێزەكانی پێشمەرگە بۆ رووبەڕووبوونەوەی "تیرۆریستان".
عەرەبەكان پشتیان لە پێشمەرگە كرد
لەلایەكی دیكەوە، پەیامنێری (رووداو) لە دەروازەی سحێلای نزیك زوممار رایگەیاند كە هەندێ پێشمەرگەی بریندار رێگایان بزركردووە و كەوتوونەتە دەست هۆزە عەرەبەكانی ئەو ناوچانە و ئەوانیش رادەستی هێزەكانی داعشیان كردوون.
فەرماندەیەكی سەربازیی هێزی پێشمەرگە دەڵێ "خەڵكی عەرەبی ناوچەی (رەبیعە و دەوروبەری، قاهیرە، مەحموودیە، چل برا هەموویان لە دژی پێشمەرگە وەستانەوە".
ئەو فەرماندەیە لەزاری هەندێ خەڵكی زوممارەوە دەڵێ "چەند جارێك پێشمەرگەمان ئاگادار كردووەتەوە كە خەڵكی ئەو ناوچانە پەیوەندی ژێر بە ژێریان لەگەڵ داعش هەیە".
پەیامێك لە سەرۆكی هەرێمی كوردستان
بەناوی خودای بەخشندە و میهرەبان
جەماوەری سەربەرزی كوردستان
گەلی كوردستان لەسەر كولتووری ئایینپارێزی و فرەئایینی و پێكەوەژیان ڕاهاتووە و تەعەدای لەكەس نەكردووە و بە درێژایی مێژوو تەنیا بەرگریی لەخۆی كردووە. بەڵام دوژمنان وازیان نەهێنا و هەر جارە و بەشێوەیەك دەیانەوێ زیان بە گەلەكەمان بگەیێنن. لەدوای ڕوووداوەكانی موسڵ كوردستان تەنیا بەرگریی لەخۆی كرد بەڵام تیرۆریستان كەوتنە شەڕفرۆشتن و پەلاماردانی كوردستان و ڕووداوە ناخۆشەكانی ئەو چەند ڕۆژەی ڕابردووی لێ كەوتەوە. بۆیە بڕیارمان دا لە دۆخی بەرگری بێینەدەر و هەتا دوایین هەناسە شەڕی تیرۆریستان بكەین. فەرمانمان بە هێزەكانی پێشمەرگە و لایەنە پەیوەندیدارەكان كردووە بە هەموو توانایەك پەلاماری تیرۆریستان و دوژمنانی خاك و خەڵكی كوردستان بدەن.
ڕووداوەكانی ئەم دواییەی دەڤەری زوممار و شنگال و ئەو كارەساتەی بەسەر خوشك و برا ئێزیدیەكانمان هاتووە دڵتەزێنە و گەلی كوردستان لەوە دڵنیا دەكەینەوە كە دەستبەرداری بستێك لە خاكی كوردستان نابین و شنگال و خوشك و برا ئێزیدییەكانمان وەك گلێنەی چاومان دەپارێزن و چیای شنگال بە خۆڕاگری و سەركەشی دەمێنێتەوە. ئەو بەشە ئازیز و ڕەسەنەی گەلەكەمان هەر سەربەرزە و ئەركی تاك تاكی ئێمەیە شكۆیەكەی بپارێزین.
تیرۆر پرسێكی جیهانییە و ڕووبەڕووبوونەوەی هەوڵێكی نێودەوڵەتی پێویستە. چەندین ساڵە كوردستان قوربانیی هەڕەشەی تیرۆر و تیرۆریستان بووە و جێگەی داخە كە ئێمە تەنیا بووین و كەس یارمەتیی گەلی كوردستانی نەداوە لەدژی تیرۆر بەرگری لەخۆی بكات. لەگەڵ ئەوەیشدا لەشەڕی تیرۆر و شەڕانگێزیدا پشتمان بە گەلی كوردستان و هێزەكانی پێشمەرگە و دەزگە ئەمنییەكانی كوردستان بەستووە و هەمیشەیش پابەندی بنەماكانی ئازادیخوازی و كولتووری ڕەسەنی پێكەوەژیان و لێبووردەیی كوردستانی بووین و ئەوە خاڵی بەهێزی سەركەوتنمانە بەسەر دوژمن و دڵڕەش و تیرۆریستاندا.
لە بەرەبەیانیی ئەمڕۆوە ڕۆڵە قارەمانەكانمان هێرشیان بۆ سەر تیرۆریستان دەستپێكردووە و لەپێشڕەوییدان. دوا لە خەڵكی كوردستان و لایەنە سیاسییەكان و میدیا كوردستانییەكان دەكەم بە ورەی بەرز و بەوپەڕی چاوكراوەیی و هەست بەبەرپرسیارێتی مامەڵە لەگەڵ دۆخەكەدا بكەن و زیاتر لە هەر كاتێك یەكڕیزیی نیشتیمانی و نەتەوەیی بپارێزن. پێشمەرگە قارەمانەكانیش لەوە دڵنیا دەكەمەوە كە گەلی كوردستان بە هەموو توانایەك پاڵپشتی هێزی پێشمەرگەن و چاویان لە ورەی پۆڵایین و گیانفیدایی و قارەمانێتیی ئێوەی سەربەرزە.
لە كۆتاییدا سوپاسی خۆڕاگریی هەموو خەڵكی كوردستان و پێشمەرگە قارەمانەكان و هێزە خۆبەخشەكان و خانەوادەی سەربەرزی شەهیدان دەكەم و لەوە دڵنیا بن كە ئاییندەیەكی گەش چاوەڕوانی گەلی كوردستانە.
بژی كوردستان
نەمری بۆ شەهیدانی ڕێگەی ئازادی
مسعود بارزانی
سەرۆكی هەرێمی كوردستان
4ـی 8ـی 2014
کۆسرەت رەسول عەلى: بەوپەڕی توانا بەرگری لە خوشک و برا ئێزیدییەکان دەکەین
"کۆسرەت رەسول عەلى" رایدەگەیەنێ لەم بارودۆخەى ئێستادا ناکرێ حزبە کوردستانییەکان ململانێ بکەن و پێویستە لەبری ئەوە هەماهەنگى و کۆدەنگى نیشتمانى هەبێ.
ئەم وتانەى "کۆسرەت رەسول عەلى" جێگری سەرۆکى هەرێمى کوردستان نیوەڕۆی ئەمڕۆ دووشەممە 4/8/2014 لەمیانى پێشوازى کردنى لە وەفدێکى حزبی زەحمەتکێشانى کوردستان بە سەرۆکایەتى "بەڵێن عەبدوڵڵا" هات.
لە سەرەتاى دیدارەکەدا "کۆسرەت رەسول عەلى" بەخێرهاتنى وەفدی میوانى کردو تیشکى خستە سەر ئەو بارودۆخە نالەبارەى عێراق و ناوچەکەو ناوچە کوردستانییەکانى گرتۆتەوە، بۆ ئەم مەبەستە گوتى: ئێستا لە هەموو کات زیاتر پێویستمان بە کۆدەنگى و یەکدەنگى لایەنە سیاسییەکانى کوردستان هەیە و پێویستە هەموومان وەک یەک تیم رووبەڕووى ئەم رووداوانە بوەستینەوە.
لاى خۆیانەوە وەفدی میوان سوپاسی پێشوازى جێگری سەرۆکى هەرێمى کوردستانیان کرد و رایانگەیاند کە ئەم بارودۆخەى ئێستا هاتۆتە ئارا شتێکى چاوەڕوانکراو بووەو دەبێ بە توندترین شێوە بەرپەرچ بدرێتەوە.
تەوەرێکى ترى قسەکان تایبەت بوو بە رەوشی خوشک و برا ئێزیدییەکان، بۆ ئەو مەبەستە جێگری سەرۆکى هەرێمى کوردستان رایگەیاند: ئێش و ئازارى خوشک و برا ئێزیدییەکان ئێش و ئازارى ئێمەیە و ئەو رەوشەى ئێستاش دروست بووە کاتییە و بە هەموو شێوەیەک بەرگریان لێدەکەین و پاراستنیان بە ئەرکى سەرشانى خۆمان دەزانین.
لە کۆتایی کۆبوونەوەکەدا "کۆسرەت رەسول" ئاماژەى بۆ ئەوە کرد کە هێزى پێشمەرگە بەگوڕتر لە جاران بەرگری لە خاکى کوردستان دەکا و دەیپارێزێ.
سەرۆكی هەرێمی كوردستان پێشوازی لە بابێ شێخی ئێزیدیان و شاندێكی یاوەری كرد
ئەمڕۆ دووشەممە 4ـی 8ـی 2014 بەڕێز مەسعود بارزانی سەرۆكی هەرێمی كوردستان پێشوازی لە بابێ شێخی ئێزیدیان و شاندێكی یاوەری كرد كە پێكهاتبوون لە كەسایەتی و سەرۆك عەشیرەتەكانی ئێزیدی و دەڤەری شەنگال.
لە دانیشتنێكدا بارودۆخی ناوچەكانی شنگال و زوومار و دۆخی نالەباری ئاوارەكانی شاری شنگال خرایە بەر باس و بابێ شێخی ئێزیدیان داوای لە سەرۆك بارزانی كرد كە هەموو هەوڵێكی بخاتە گەڕ بۆ ئەوەی چارەیەك بۆ ئەو كارەساتەی بەسەر ئێزیدییەكان و خەڵكی ناوچەی شنگال هاتووە بدۆزرێتەوە و هەروەها دەرگە بۆ خەڵكی دەڤەرەكە بكرێتەوە بۆ ئەوەی شانبەشانی هێزەكانی پێشمەرگە شەڕی تیرۆریستان بكەن و دەڤەرەكەیان لە تیرۆریستان پاك بكرێتەوە.
لەم كۆبوونەوەیەدا سەرۆك بارزانی نیگەرانی و هاوخەمیی قووڵی خۆی نیشاندا بەرانبەر ئەو كارەساتەی بەسەر خوشك و برا ئێزیدییەكان هاتووە و ئاماژەی بەوەدا كە قەدەری گەلی كورد ئەوە بووە كە هەمیشە دوژمنی دڵڕەق و بێویژدانی هەبووە و كارەسات لەدوای كارەسات بەرۆكی گەلی كوردستان دەگرێتەوە. سەرباری هەموو ئەو كارەساتانە گەلی كوردستان خۆی بەدەستەوە نەداوە. سەرۆك بارزانی بە شاندی میوانی ڕاگەیاند بە ڕۆح و بە گیان ئامادەین بەرگری لە خاك و كەرامەتی خوشك و برایانی ئێزیدی بكەین و ئەوەی لە دەستمان بێت بۆ یارمەتیدان و ڕزگاركردنی ئاوارەكان و ئازادكردنی خاكی كوردستان لە دەستی تیرۆریستان دەیكەین. سەرۆك بارزانی ئاماژەی بە ڕەسەنایەتیی كوردانی ئێزیدی دا و ڕایگەیاند كە هیچ دوژمنێك ناتوانێ كوردانی ئێزیدی لەناو ببات و سوورین لەسەر پاراستنی ئێزیدییەكان و گەڕاندنەوە ئازادكردنی هەموو بستێكی دەڤەری شنگال. سەرۆك بارزانی ئەوەیشی خستەڕوو كە لە گەڵ لایەنە عێراقی و نێودەوڵەتییەكان لە پەیوەندیی بەردەوام دایە بۆ ئەوەی بە زووترین كات چارەسەرێكی بەپەلە بۆ ئەو ئاوارانە بدۆزرێتەوە كە پەنایان بۆ چیای شنگال بردووە و لە بارودۆخی خەراپ دان. سەرۆك بارزانی لەبارەی شەڕی تیرۆریستانیش ڕایگەیاند ماوەی دوو مانگە هێزی پێشمەرگە بە تەنیا و بە ئیمكاناتی متوازع بەرگری لە كوردستان دەكات و حكوومەتی عێراقی و هێزە نێودەوڵەتییەكانیش یارمەتیی گەلی كوردستانیان نەداوە بۆ ئەوەی شەڕی تیرۆر بكات و تەنانەت ڕێگریش بوونە لەوەی گەلی كورد چەك بۆ خۆی دابین بكات بۆ ئەوەی بەرگری لە خۆی بكات.
لە بەشێكی دیكەی ئەم دانیشتنەدا قسە لەبارەی هۆكارەكانی ئەو بارودۆخە كرا كە لە بەرەكانی ڕووبەڕووبوونەوەی دەڤەری شنگال هاتووەتە ئاراوە و سەرۆك بارزانی دووپاتی ئەوەی كردەوە كە نابێ هیچ بواری هیچ كەمترخەمی و كەموكوڕییەك بمێنێت و ئەوانەی كەمترخەم بوونە لە بەرگریكردن و پاراستنی خەڵك ئیجرائاتیان لەگەڵدا دەكرێت.
كۆسره‌ت ره‌سول عه‌لی: هێزی پێشمه‌رگه پارێزه‌ری كوردستانه
سه‌رله‌به‌یانی ئه‌مڕۆ دووشه‌ممه 4/8/2014 كۆسره‌ت ره‌سول عه‌لی جێگری سه‌رۆكی هه‌رێمی كوردستان سه‌ردانی وه‌زاره‌تی پێشمه‌رگه‌ی كردو له‌لایه‌ن وه‌زیر و بریكاری وه‌زیر و ئه‌مینداری گشتی وه‌زاره‌ت و چه‌ند فه‌رمانده‌یه‌كه‌وه پێشوازی لێكرا.
له سه‌ره‌تای دیداره‌كه‌دا جێگری سه‌رۆكی هه‌رێمی كوردستان باسی له دوایین گۆڕانكاری و پێشهاته‌كانی ناوچه‌كه‌و هێرشه‌كانی سه‌ر داعش كردو رایگه‌یاند وه‌ك هه‌میشه هێزی پێشمه‌رگه‌ی كوردستان پارێزه‌ری خاكی كوردستانه.
لای خۆیه‌وه مسته‌فای سه‌ید قادر وه‌زیری پێشمه‌رگه سوپاسی ئه‌و سه‌ردانه‌ی كۆسره‌ت ره‌سولی كردو باسی له ورده‌كارییه‌كانی رووبه‌ڕووبوونه‌وه‌كانی نێوان پێشمه‌رگه‌و چه‌كداره‌كانی داعش كردو رایگه‌یاند هێزی پێشمه‌رگه وره‌یه‌كی به‌رز و پۆڵاینیان هه‌یه‌و ئاماده‌ن بۆ هه‌موو ئه‌گه‌رێكی شه‌ڕو رووبه‌ڕووبوونه‌وه.
له به‌شێكی تری وته‌كانیدا كۆسره‌ت ره‌سول عه‌لی تیشكی خسته سه‌ر هێزه‌كانی پێشمه‌رگه‌و رایگه‌یاند پێویسته وردتر مامه‌ڵه له‌گه‌ڵ بارودۆخه‌كه بكه‌ین و هه‌وڵه‌كانمان زیاتر بخه‌ینه‌گه‌ڕ بۆ رووبه‌ڕووبوونه‌وه، هه‌روه‌ك به پێویستی زانی باشترین و پێشكه‌وتووترین جۆره‌كانی چه‌ك راده‌ستی ده‌ست پێشمه‌رگه بكرێ بۆ له‌ناوبردنی چه‌كدارانی تیرۆریست.
له كۆتایی وته‌كانیدا جێگری سه‌رۆكی هه‌رێمی كوردستان فه‌رمانده‌كانی هێزی پێشمه‌رگه‌ی راسپارد كه زۆر به وریاییه‌وه مامه‌ڵه له‌گه‌ڵ ئاواره‌كان و دانیشتوانی ناوچه كوردستانییه‌كانی ده‌ره‌وه‌ی ئیداره‌ی هه‌رێم بكرێت و به‌بێ جیاوازی ئایینی و نه‌ته‌وه‌یی و مه‌زهه‌بی بیانپارێزن.
سه‌رۆكی په‌رله‌مان جه‌ژنی ره‌مه‌زان له موسولمانان پیرۆز ده‌كات
بەناوی خوای گەورەو میهرەبان
بەبۆنەی هاتنه‌وه‌ی جەژنی ڕەمەزانی پیرۆزەوە، جوانترین پیرۆزبایی ئاڕاستەی سەرجەم هاوڵاتیانی کوردستان دەکەم. هیوادارم هاتنه‌وه‌ی جەژنی ڕەمەزان، ببێتە مایەی بەرقەرار بونی ئاشتی و ئارامی و سەقامگیریی زیاتر بۆ کوردستان و ناوچەکە و، کۆتایی هاتن بە ناخۆشی و ئەو کێشە و قەیرانانەی ماوەیەکە باڵی بەسەر هەرێمەکەماندا کێشاوە و کاری کردۆتە سەر ژیان و بژێویی هاوڵاتیانی کوردستان.
هاووڵاتیانی خۆشەویست..لەکاتێکدا هەموان پێشوازی لە جەژنی ڕەمەزان دەکەین، پێشمەرگە قارەمانەکانمان لە بەرەکانی پێشەوەی پارێزگاری کردنن لە خاکی کوردستان، بۆیە لێرەوە بەناوی خۆم و پەرلەمانی کوردستان و بە نوێنەرایەتیی گەلی کوردستانەوە، جوانترین سڵاو و پیرۆزبایی بۆ ئەوان و خێزانە سەربەرزەکانیان دەنێرم. سڵاو بۆ خێزان و خانەوادەی ئەو پێشمەرگانەی کە لەماوەی ڕابردوودا شەهیدبوون، سڵاو بۆ ئەو پێشمەرگە گیانفیدایانەی لە سەنگەرەکانی بەرگری لە خاکی کوردستان دا بریندار بوون.
بە داخەوە جەژنی پیرۆزی ڕەمەزانی ئەمساڵ هاوکاتە لەگەڵ بڕێنی بودجەی هەرێمی کوردستان لە لایەن حکومەتی عێراق، کە ئەمەش بۆتە هۆی دروستبوونی قەیرانی دارایی لە هەرێمی کوردستان، زەرەرمەندی یەکەمیش لێی فەرمانبەران و هاوڵاتیانی سادەن. بۆیە لێرەوە داوا لە ئەنجومەنی نوێنەرانی عێراق و پیاوانی ئایینیی عێراق دەکەین کە فشار بکەن بۆ کۆتایی هێنان بەم کارە نامرۆییەی سەرۆک وەزیرانی کاربەڕێکەری عێراق، رەخساندنی دەرفەتێکی نوێ بۆ پێکەوە ژیانی سەرجەم پێکهاتەکانی عێراق.
دوبارە جەژنی هەمو لایەک پیرۆز بێت، هەمیشە لە جەژن و شادیدابن.
یوسف محەمەد سادق
سەرۆکی پەرلەمانی کوردستان
٢٧-٧-٢٠١٤
More...
سەرۆکی پەرلەمانی کوردستان پیرۆزبایی لە سەرۆک کۆماری عێراق دەکات
سەرۆكی هەرێمی كوردستان هێزەكانی پێشمەرگەی لە میحوەری گەرمیان، جەلەولا و سەعدیە بەسەر كردەوە
دوایین هەواڵەکان
- سه‌رۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سه‌رۆكى هه‌رێمى كوردستان نامهيهكى پيرۆزبايى له وهزيرى دهرهوەى توركياوه پێدهگات
- سه‌رۆك نێچيرڤان بارزانى و دوو گرووپى پهرلهمانتارانى ئهڵمانى كۆبوونهوه
- سه‌رۆك نێچيرڤان بارزانى و سه‌رۆك وهزيرانى ئهرمهنستان تاوتوێى پهيوهندييهكان دهكهن
- سه‌رۆك نێچيرڤان بارزانى له‌گه‌ڵ خاوهنشكۆ شاى ئوردن كۆبووهوه
- كارنامهى سه‌رۆك نێچيرڤان بارزانى له كۆنفرانسى ئاساييشى ميونشن تهواو بوو
- سه‌رۆك نێچيرڤان بارزانى: عێراق و هه‌رێمى كوردستان، پێويستييان به يهكێتيى ئهورووپايه