سەرۆكی هەرێمی كوردستان پێشوازی لە جێگری سەرۆك كۆماری عێراق دەكات
ئەمڕۆ سێشەممە 23ـی ئەیلوولی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە ئوسامە نوجەیفی جێگری سەرۆك كۆماری عێراق و شاندێكی یاوەری كرد.
لە دیدارێكدا كە كەریم سنجاری وەزیری ناوخۆی حكوومەتی هەرێم و نەوزاد هادی پارێزگاری هەولێر ئامادەی بوون، دوایین پێشهاتە سیاسی و ئەمنییەكانی عێراق و هەروەها پڕۆسەی سیاسی و ڕێگەكانی سەرخستنی ئەم پڕۆسەیە و نەهێشتنی قەیرانەكان خرایە بەر باس.
هەر لەم دانیشتنەدا هەڕەشەكانی تیرۆریستان و بارودۆخی مەیدانیی بەرەكانی ڕووبەڕووبوونەوەی تیرۆریستانی داعش و چۆنییەتی تێكشكاندنیان تاوتوێ كرا.
سەرۆكی هەرێمی كوردستان پێشوازی لە باڵیۆزی كۆریای باشوور لە عێراق دەكات
ئەمڕۆ چوارشەممە 24ـی ئەیلوولی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە چۆ جونگۆن باڵیۆزی كۆریای باشوور لە عێراق و شاندێكی یاوەری كرد.
لە دیدارێكدا باڵیۆزی كۆریای باشوور لە عێراق سوپاسی سەرۆك بارزانی كرد بۆ ڕەخساندنی دەرفەتی دیدارەكە و، وێڕای ئاماژەدان بە پێشكەوتنەكانی هەرێمی كوردستان ڕایگەیاند كە هەولێر و بەغدا بۆ دیپلۆماتكارەكان دوو جیهانی جیاوازن و زۆر بە ڕوونی هەست بە جیاوازیی نێوانیان دەكرێت و لە هەولێر هاتوچۆ و دڵنیایی زیاتر بۆ دیپلۆمات و بیانییەكان هەیە. باڵیۆزی كۆریای باشوور لە عێراق ئەوەیشی باس كرد كە كۆمپانیاكانی كۆریای باشوور ئامادەن كە ئاستی وەبەرهێنان لە هەرێمی كوردستان فراوانتر بكەن و ئۆفیسی وڵاتەكەیشی لە هەولێر بەردەوام دەبێت لە كاركردن بۆ گەشەسەندنی پەیوەندییەكانی نێوان هەردوولا. باڵیۆزی كۆریای باشوور لە عێراق ستاییشی ڕۆڵی پێشمەرگەی لە شەڕكردن لە دژی تیرۆریستان كرد و سوپاسی وڵاتەكەیشی بە سەرۆك بارزانی ڕاگەیاند بۆ ئەو هەوڵانەی هەرێمی كوردستان بۆ حەواندنەوەی ئاوارەكان ئەنجامی داوە و، هێمای بەوەدا كوریای باشوور لە شەڕی تیرۆریستان و هاوكاریكردنی ئاوارەكاندا پاڵپشتی هەرێمی كوردستانە.
لەبەرانبەردا سەرۆك بارزانی سوپاسی باڵیۆزی كۆریای باشوور لە عێراق كرد و ئاماژەی بە ڕۆڵی تیپی زەیتون لە شاری هەولێر كرد كە لە دوای ساڵی 2003 ڕۆڵێكی ئیجابی لە یارمەتیدانی پڕۆسەی ئاوەدانكردنەوەی كوردستان و قووڵكردنی پەیوەندییەكانی نێوان كوردستان و كۆریای باشووری گێڕاوە. سەرۆك بارزانی پێشوازیی لە فراوانتربوونی پەیوەندییەكان كرد و ڕایگەیاند هەرێمی كوردستان ئامادەیە پەرە بە پەیوەندییەكانی لەگەڵ كۆریای باشوور بدات.
سەبارەت بە هەڕەشەكانی تیرۆر و بەرەكانی جەنگ سەرۆك بارزانی ئەوەی خستەڕوو كە تیرۆریستان لەسەر دەستی پێشمەرگە تووشی شكستی گەورە هاتوون و لە پاشەكشەدان و دووپاتی ئەوەی كردەوە كە تیرۆر هەڕەشەیەكە بۆ سەر هەموو جیهان بۆیە لەناوبردنیشی پێویستی بە هەوڵێكی نێودەوڵەتی و هەماهەنگی نێوان وڵاتان هەیە. هەر لەم دیدارە سەرۆك بارزانی پشتگیری لەو هەنگاوەی هێزە هاوپەیمانەكان كرد كە مۆڵگەی تیرۆریستانیان لەنێو خاكی سووریا كردۆتە ئامانج و ڕایگەیاند كە تیرۆریستان خاكی سووریایان وەك پەناگەیەكی ئارام و سەكۆیەك بۆ پەلاماردانی كوردستان و عێراق بەكار هێناوە و نەهێشتنی ئەم پەناگەیە لەناوچوون و تێكشكانی تیرۆریستانی داعش خێراتر دەكات.
سەرۆكی هەرێمی كوردستان پێشوازی لە سەرۆكی ئەنجوومەنی باڵای ئیسلامیی عێراق دەكات
ئەمڕۆ یەكشەممە 21ـی ئەیلوولی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە عەمار ئەلحەكیم سەرۆكی ئەنجوومەنی باڵای ئیسلامیی عێراق و شاندێكی یاوەری كرد.
لە دیدارێكدا كە فازل میرانی سكرتێر و د. ڕۆژ نوری شاوێز و هۆشیار زێباری و ئازاد بەرواری ئەندامانی مەكتەبی سیاسیی پارتی دیموكراتی كوردستان ئامادەی بوون، پەیوەندیی نێوان هێزە سیاسییە عێراقییەكان و دوایین پێشهاتە سیاسی و ئەمنییەكانی عێراق و پڕۆسەی سیاسیی و پێكهێنانی حكوومەتی عێراقی تاوتوێ كرا و قسە لەبارەی هەڕەشەی تیرۆریستانی داعش و سەركەوتنەكانی هێزی پێشمەرگەی كوردستان لە بەرەكانی ڕووبەڕووبوونەوەی تیرۆریستان كرا.
هەر لەم دیدارە كێشەكانی نێوان هەرێمی كوردستان و بەغدا خرایە بەر باس و هەردوولا جەختیان لەوە كردەوە كە پێویستە كێشە و ناكۆكییەكانی نێوان هەولێر و بەغدا چارەسەر بكرێت.
بارودۆخی ئاوارەكان و یارمەتیدانیان تەوەرێكی دیكەی دانیشتنەكە بوو و وێڕای ئاماژەدان بە هەولەكانی هەرێمی كوردستان بۆ حەواندنەوەی پەنابەران، جەخت لەوە كرایەوە كە چارەسەری سەرەكیی كێشەی ئاوارەكان گەڕاندنەوەیانە بۆ ناوچەكانیان و هەروەها پاراستن و قەرەبوكردنەوەیانە و پێویستە لەم ڕووەوە حكوومەتی عێراقی ئەرك و پابەندبوونەكانی جێبەجێ بكات.
نێچیرڤان بارزانی:باشترین شێوه، پێكهوهژیانی ئارهزوومهندانهیه
بهڕێز نێچیرڤان بارزانی سهرۆك وهزیرانی ههرێمی كوردستان دهربارهی ڕیفڕندۆمهكهی سهربهخۆییی سكۆتلاندا، وهڵامی چهند پرسیارێكی ماڵپهڕی فهرمیی حكوومهتی ههرێمی كوردستانی دایهوه. بهڕێز سهرۆك وهزیران له وهڵامی پرسیارهكاندا، دید و سهرنجهكانی خۆی دهخاتهڕوو، ههروهها هیوا دهخوازێ كه وهك چۆن لهندهن دهنگی سكۆتلاندییهكانی بیست، بهغداش بهههمان شێوه، دهنگی ههرێمی كوردستان ببیستێت.
ئهمه دهقی وهڵامهكانی بهڕێز نێچیرڤان بارزانی یه:
ماڵپهڕ: بهڕێز سهرۆك وهزیران، ئێمه سهرنجمان داوه كه بهڕێزتان گرنگییهكی زۆره دهدهن به ڕێفراندۆمی سهربهخۆییی سكۆتلاندا، بۆچی؟
سهرۆك وهزیران: ئهم پرۆسهیه لای من زۆر سهرنجڕاكێشه و پڕه له وانه، بۆ لێ فێربوونی. بهرتیانیا یهكێكه له بهردهوامترین دیموكراسی له دونیادا. نهریتی پهرلهمانییان دهگهڕێتهوه به چهند سهد ساڵێك. یهكێكه له پێكهاته دهوڵهته كۆنهكان، یهكێتیی نێوان گهلانی جیاواز. یهكێك بوو له ئێمپراتۆرییه مهزنهكان، چهندین كیشوهری گرته خۆ. له ههندێك كاتی ههره گرنگدا سیاسهتمهدار و هێزی سهربازی و شۆڕشی پیشهسازیی پادشایهتیی یهكگرتووی ئهم دونیایهی پێك هێنا كه ئهمڕۆ ئێمه تێیدا دهژین. بهشی زۆری دهوڵهتانی ئهمڕۆ له دنیادا یا ڕاستهوخۆ له لایهن شانشینی یهكگرتووهوه دروست كراون، یا لهژێر كار و ئیلهامی بیری ئازادیی ئابووری، سهروهری و مافی گهلان بۆ بڕیاردان لهسهر ئایندهی خۆیان، كه له بهریتانیاوه سهری ههرڵداوه، دروست بوون.
ماڵپهڕ: هیچ دهوڵهتێكتان له خهیاڵدایه كه له شانشینی یهكگرتوو بچێت؟
سهرۆك وهزیران: بهڵێ. كاتێكی بهریتانیای مهزن عێراقی ئهمڕۆی دروست كرد له ساڵانی 1920دا، ههندێك دیپلۆمات و بهرپرسی بهریتانی لهسهر بیرۆكهی شانشینی یهكگرتووی عێراق كاریان دهكرد. ئهو كهسانه پشگیریی كوردستانیان دهكرد كه ببێته شانشین لهژێر دهسهڵاتی شێخ مهحموددا و یهك بگرێت لهگهڵ شانشینی هاشمی و پێكهوه شانشینی یهكگرتووی عێراق پێك بهێنن. بهداخهوه له كۆتاییدا ئهو بیرۆكهیه بهرجهسته نهبوو. ئهوهی دهست كهوت پادشایهتی هاشمی بوو.
ماڵپهڕ: به بۆچوونی ئێوه، دهكرێت ئێمه چ وانهیهك له ڕیفراندۆمی سهربهخۆییی سكۆتلاندا فیر ببین؟
سهرۆك وهزیران: شتێك كه یهكسهر دێته بیری من ئهمهیه: باشترین شێوهی پێكهوهژیانی گهلانی جیاواز له ههر وڵاتێكدا بێت، پێكهوهژیانی ئارهزوومهندانهیه. ڕێكهوتننامهی ئێستای نێوان سكۆتلاند و شانشینی یهكگرتوو سێ سهد ساڵ تهمهنیهتی، تهنانهت له دیموكراسییهكۆنهكانیشدا، وهك بهریتانیا، خهڵك له ههر كاتێكدا پێكهاتهی سیاسی دهخهنه ژێر پرسیارهوه. پارتی ناسیۆنالیستی سكۆتلاندی، ویستی سروشتی دیموكراتیی دهوڵهتی بهریتانی تاقی بكاتهوه بهوهی داوای ڕیفراندۆمیان كرد. ئهو ههلهیان پێ درا و زۆرینه بڕیاری دا له وڵاتهكهدا بمێنێتهوه. سهرباری ئهو ههموو ههست و نهستهی له گفتوگۆكهدا دهربڕدرا، من پێم وایه پڕۆسهكه زۆر گرنگ بوو. به بهراورد لهگهڵ چهندین وڵاتانی كه خهبات دهكهن تا پێكهوه بمێننهوه، سیاسهتمهدارانی بهریتانیا ڕووبهڕووی مهترسیی گهورهی دابهشبوونی وڵاتهكهیان بوونهوه؛ بهڵام بهڵگهی دیموكراسی و ئایندهی وڵاتهكهیان بههێزتر بوو. ڕیفراندۆمهكهی سكۆتلاندا ڕێی بهوانه دا كه باوهڕیان به سهربهخۆیی ههبوو، تا له خهڵكی سكۆتلاند بپرسن دهرباری خواستیان بۆ مانهوه له وڵاتهكهدا، یان نا؟. ئهمه نموونهیهكی باڵای پرۆسهیهكی دیموكراتیی ئاشتیخوازانهیه، دوور له شهڕی ناوخۆ، توندوتیژی و داگیركردن، كه له ههندێك بهشی دیكهی جیهان دهیبینین كاتێك مامهڵه لهگهڵ دۆزی نهتهوهیی دهكهن.
ماڵپهڕ: هیچ هاوتهریبییهك دهبینن لهگهڵ ڕهوشی ئێمه له كوردستان و له عێراق؟
سهرۆك وهزیران: بهڵی، بێگومان. ئێمه دهبێت زۆر به قووڵی و جددی له ڕهوشی خۆمان بڕوانین له كوردستاندا. ئێمه ڕێككهوتنێكی فیدڕاڵیمان لهگهڵ عێراق ههیه. چوار له پێنجی دهنگدهر له سهرتاسهری عێراقدا، دهستووره فیدڕاڵییهكهی ئێمهی پهسهند كرد. لهو كاتهوه تا ئێستا چهندین ماددهی گرنگی دهستوورهكهمان چاوهڕوانی جێبهجێكردنه.
ئێمه ههڵبژارندنی دیموكراتیمان ئهنجام داوه، گهلهكهمان چاوهڕوانی ئهنجامه: ئێمه دهبێت ههلومهرجی ژیانی هاووڵاتیان باشتر بكهین؛دهبێت ئاسایشی كوردستان دابین بكهین؛ ئێمه پێویستمان به بڕیاری كۆتایی ههیه دهربارهی ماددهی 140؛ دهبێت دڵنیا بین لهوهی كه ناكرێینه بارمتهی خواستی سیاسهتمهدار له بهغدا، تا بزانین كهی، یا ئهگهر بهشی دهستووریی داهاتمان وهردهگرین یان نا؟؛ ئێمه پێویستمانه ههست بكهین بهشێكین له وڵاتێك كه تێیدا پێداویستیمان، خهممان و هیوامان به جددی وهردهگیرێت.
ئێستا، كه بهشێكی زۆرینهی دیاری دهنگدهران له سكۆتلاندا بڕیاریان دا له وڵاتهكهدا بمێننهوه، دهبێت حكوومهت له لهندهن ببیستێت كه بهشێكی گرنگی خهڵكی سكۆتلاندا خهمی پهیوهندیی داهاتوویانه لهگهڵ وێستمنستر. من زۆر خۆشحاڵ بووم كه بیستم سهرهك وهزیران بهڕێز دهیڤید كامیرۆن بهڵێنی دا بۆ شۆڕكردنهوهی دهسهڵاتی زیاتر بۆ بهشی جیاوازی وڵاتهكه. ئومێد دهخوازم منیش پهیامی هاوشێوه ببیستم له بهغداوه، كاتێك خهڵكی كوردستان خهمی خۆیان دهربارهی عێراق دهردهبڕن. هیوا دهخوازم گوێم له سیاسهتمهدارانی بهغدا بێت، بڵێن: “گهلی كوردستان، ئێمه دهنگتان دهبیستین و چارهسهری خهمتان دهكهین، چونكه دهزانین ناتوانین ههتاههتایه وهك بهشدارێكی نائومێد ڕاتانبگرین، دنیا لهگۆڕاندایه و ئێمهش دهبێت خۆمان بگۆڕین”.
دکتۆر "جگەرخوێن" جێگرى نوێنەرایەتیی هەرێمى کوردستان لە تاران، لەگەڵ "الویە دوکوتینى" ڕاوێژکارى باڵیۆزخانەى فەڕەنسا لە ئێران دیداری کرد.
"الویە دوکوتینى" ڕاوێژکارى باڵیۆزخانەى فەڕەنسا لە تاران، ڕۆژى پێنجشەمە رێکەوتى 18-9-2014 سەردانى نووسینگەى نوێنەرایەتى حکوومەتى هەرێمى کوردستان لە تارانی کرد و لە لایەن دکتۆر "محەمەد سەدیق ئەحمەد" (جگەرخوێن) جێگرى نوێنەرى حکوومەتى هەرێمی کوردستان لە تاران و هەروەها "سۆران علی" بەرێوەبەریی پەیوەندییەکان و ڕاگەیاندنیی نوێنەرایەتیی هەرێمى کوردستان بە گەرمی پێشوازیی لێکرا.
لەو دیدارەدا بە شێوەیەکى تێروتەسەل باس لە بارودۆخی کوردستان و عێراق و ناوچەکە کرا و "الویە دوکوتینى" باسی لە سووربوونى وڵاتى فەڕەنسا کرد بۆ پشتیوانیی کردنی هەرێمى کوردستان و دوایین هەڵوێستى فەڕەنسا و وڵاتانى هاوپەیمانى ئەورووپاى خستەڕوو و تەئکیدى لەسەر جدیەیی هەڵوێستى فەڕەنسا کرد بۆ پشتیوانى هەرێمى کوردستان.
لە بەشیًکی دیکەی ئەم دیدارەدا جێگرى نوێنەرایەتیی هەرێمى کوردستان لە تاران، باسی لە پێویستیی پشتیوانى نێودەوڵەتیی کرد سەبارەت بە هاوکاریکردنى ئاوارەکان و جەختیشی کردەوە کە هەرێمى کوردستان بۆ بەرگریکردن لە هاووڵاتییانى پێویستیی بە یارمەتی نێودەوڵەتیی هەیە.
سەرۆک بارزانی پێشوازیی لە عەمید سمێ بۆسەڵی کرد
ئەمڕۆ پێنجشەممە ١٨ـی ئەیلوولی ٢٠١٤ بەڕێز مەسعود بارزانی سەرۆکی هەرێمی کوردستان پێشوازیی لە عەمید سمێ بۆسەڵی، فەرماندەی هێزی ١٨ـی سوپای یەکی زێرەڤانی کرد.
لە دیدارەکەدا سەرەتا سەرۆک بارزانی بەخێرهاتنی کرد و سوپاسی خۆڕاگریی و ئازایەتیی ئەو فەرماندەیەی کرد کە لەگەڵ پۆلێك هەڤاڵ و پێشمەرگە شنگالیان بەجێ نەهێشت و زۆر ئازایانە مانەوە و بەرگرییان کرد و نەیانهێشت دەستی ڕەشی تیرۆرسیتان بگاتە چیای شنگال.
سەرۆک بارزانی تەئکیدی کردەوە کە پێشمەرگە ئەرکێکی پیرۆزی هەڵبژاردووە کە هەمیشە پێش مەرگ دەکەوێت و گیانی خۆی بەخت دەکات بۆ ئەوەی گەلەکەی بە زیندوویی بمێنێتەوە، بۆیە ئازایەتیی ئەو فەرماندە و پێشمەرگانەی لەچیای شنگال مانەوە و بەرگرییان کرد مایەی پێزانینە و شانازییەکیان تۆمار کرد کە وەک هەموو داستانە پڕ سەرفرازییەکانی پێشمەرگەی کوردستان بەرز دەنرخێندرێت.
سەرۆک بارزانی جەختیشی کردەوە کە شنگال و هەموو ئەو ناوچانەی کەوتوونەتە دەست تیرۆریستان ئازاد دەکرێنەوە و خەڵکی ئەو ناوچانە بە سەربەرزی دەگەڕێنەوە ناو ماڵی خۆیان.
لە بەرانبەردا، عەمید سمێ بۆسەڵی، سوپاسی سەرۆک بارزانی کرد بۆ ڕەخساندنی دەرفەتی دیدارەکە و سەرنج و تێبییەکانی خۆی لەسەر ڕووداوەکان و ڕەوشی پێشمەرگە لە شنگال و چیای شنگال بەتایبەتی خستەڕوو و ڕایگەیاند کە ئەوەی من و هەڤاڵانم ئەنجاممان داوە ئەرکی سەرشانمان بووە و هەمیشە ئامادەین بەرگریی لە خاک و گەلەکەمان بکەین.
سەرۆكی هەرێمی كوردستان پێشوازی لە كونسوڵی چین لە هەولێر دەكات
ئەمڕۆ پێنجشەممە 18ـی 9ـی 2014 لە شاری دهۆك بەڕێز مەسعود بارزانی سەرۆكی هەرێمی كوردستان پێشوازی لە تان بانگلین كونسوڵی وڵاتی چین لە هەولێر و شاندێكی یاوەری كرد.
لە دیدارێكدا كونسوڵی چین لە هەولێر سوپاسی سەرۆك بارزانی كرد بۆ ڕەخساندنی ئەم دیدارە و بڕیاری كردنەوەی كونسوڵخانەی گشتیی وڵاتەكەی و دەستبەكاربوونی وەك یەكەم كونسوڵی وڵاتی چین لە شاری هەولێر بە سەرۆك بارزانی ڕاگەیاند. كونسوڵی چین ئەوەیشی خستەڕوو كە ئەم هەنگاوە دەستپێكێكە بۆ كردنەوەی پەیوەندییەكی فەرمی و ڕاستەوخۆ لەنێوان چین و كوردستان و هیوای خواست پەیوەندییەكانی نێوان هەر دوو لا گەشەی پێبدرێت هەروەها ئاماژەیشی بەوەدا كە ئاسۆی پێشكەوتن لە هەرێمی كوردستان زۆر ڕوونە و بواری كاری هاوبەشی نیوان كوردستان و چین فراوانە.
لە بەشێكی دیكەی قسەكانیدا كونسوڵی چین لە هەولێر ئامادەیی وڵاتەكەیشی نیشاندا بۆ یارمەتیدانی مرۆیی و ناردنی هاوكاری بۆ ئاوارەكان و ئاماژەیشی بەوەدا كە وڵاتەكەی لایەنگری هەموو هەوڵێكی نێودەوڵەتییە بۆ پاراستنی سەقامگیری و ئاساییشی جیهانی. لەبارەی هەڕەشەی تیرۆریش كونسوڵی چین ئەوەی باس كرد كە تیرۆر هەڕەشەیەكی هاوبەشە لەسەر هەموو وڵاتانی جیهان.
لەبەرانبەردا سەرۆك بارزانی پیرۆزبایی لە كونسوڵی چین لە هەولێر كرد و هیوای سەركەوتنی بۆ خواست و خۆشحاڵیی خۆیشی نیشاندا بۆ كردنەوەی پەیوەندیی نێوان وڵاتی چین و كوردستان لە ئاستی فەرمی و دیپلۆماسیدا و هیوای خواست ئەم پەیوەندییە خزمەتی بەرژەوەندییەكانی هەردوولا و ناوچەكە بكات.
سەبارەت بە هەڕەشەكانی داعش و سەركەوتنەكانی پێشمەرگە سەرۆك بارزانی ئاماژەی بەوەدا سەركەوتنەكانی پێشمەرگە بەسەر تیرۆریستان ئەو وێنە ئەفسانەیەی شكاند كە داعش بۆ خۆی وێنای كردبوو. لەگەڵئەوەیشدا هەڕەشەی تیرۆریستان هەر ماوە و پێویستە لەناو ببردرێن و ئەو لەناوبردنەیش هەوڵێكی هەمەلایەنەی جیهانیی دەوێ و وڵاتی چینیش بە حوكمی پێگەی نێودەوڵەتیی خۆی دەتوانێ ڕۆڵێكی كارا لەمبارەیەوە بگێڕێت.
تاوتوێكردنی بارودۆخی مرۆیی ئاوارەكان تەوەرێكی دیكەی ئەم دانیشتنە بوو و سەرۆك بارزانی بڕیاری وڵاتی چینی بۆ ناردنی هاوكاریی مرۆیی بۆ هەرێمی كوردستان بەرز نرخاند.
پەیامی سەرۆكی هەرێمی كوردستان لەبارەی پەلاماری تیرۆریستان بۆ سەر كۆبانێ
بەناوی خودای بەخشندە و میهرەبان
هێرشی دڕندانەی تیرۆریستانی داعش بۆ سەر خوشك و براكانمان لە كۆبانێ بەشێكە لە ئەو نەفیرعام و دوژمنكارییەی تیرۆریستان لەدژی گەلی كوردستان ئەنجامی دەدەن. وەحشیگەری و پەلاماری تیرۆریستانی داعش بۆسەر كۆبانێ و ڕۆژئاوای كوردستان هەڕەشەیە بۆ هەموو گەلی كوردستان و شەرەف و كەرامەت و مان و نەمانی گەلەكەمانی كردۆتە ئامانج.
داوا لە هەموو لایەنە كوردستانییەكان دەكەم هەموو ناكۆكییەكانیان وەلا بنێن و بەیەكەوە بەرگری له كەرامەت و خاك و ژیانی هاووڵاتیانی كۆبانێ بكەن. بەرگریكردن لە خاك و خەڵكی كوردستان ئەركێكە لەسەر شانی هەموومانە و لەسەرووی هەموو ئەركێكی دیكەیە.
داوا لە كۆمەڵگەی نێودەوڵەتییش دەكەم بە زووترین كات هەموو ڕێوشوێنێك بگرنەبەر بۆ پاراستنی كۆبانێ و خەڵكی ڕۆژئاوای كوردستان لە دەستی تیرۆریستان. چونكە تیرۆریستانی داعش لە هەر شوێنێك بن دەست لە تاوان و كارەسات ناپارێزن و دەبێ لە هەر شوێنێك بێت لێیان بدرێت و تێكبشكێندرێن.
مسعود بارزانی
سەرۆكی هەرێمی كوردستان
19ـی ئەیلوولی 2014
مهنسوور جیهانیـ فیلمی سینەمایی "مەردان" لە دەرهێنانی سینەماکاری کورد "بەتین قوبادی" لە سی و نۆیەمین خولی فیستیڤاڵی فیلمی تۆرێنتۆ لە وڵاتی کەنەدا نمایشکرا.
"مەردان" یەکەمین فیلمی بڵندی سینەماکاری لاوی کورد "بەتین قوبادی" دوای کورتە فیلمی "لە با بپرس"ـنە کە خەڵاتی ورچی بلۆرینی شەستەمین خولی فیستیڤاڵی نێودەوڵەتیی فیلمی بەڕڵین لە ساڵی 2010 بەدەستهێنا، لە یەکەمین بەشداری نێودەوڵەتیی خۆیدا لە بەشی "دۆزینەوەکان" Discovery بە ناونیشانی "داهاتووی سینەمای جیهان" لە 39یەمین خولی فیستیڤاڵی نێودەوڵەتیی فیلمی تۆرێنتۆ لە وڵاتی کەنەدا چووە سەر پەردەی سینەماکان.
"مەردان" کە چیرۆکی پێشمەرگەیەکی کورد بۆ بینەر دەگێڕێتەوە، ساڵی ڕابردوو لە هەرێمی کوردستان سازکراوە و تیایدا ئەکتەری ناوداری کورد "حوسێن حەسەن"، گۆرانیبێژی کورد "هێلانە عەبدوڵڵا" (هێلی لۆڤ)، "ئیسماعیل زاگڕۆس"، "فەیاز دۆمان"، "میر موراد بەدرخان"، "بێریتان ئیلدیزتان" و چەندین ئەکتری دیکە ڕۆڵیان بینیوە، لە سێ سانسی جیاوازدا لەوانە: لە ڕۆژانی 6، 8 و 14ی ئەیلوول / سەپتەمبەری 2014 لە فیستیڤاڵی نێودەوڵەتیی فیلمی تۆرێنتۆ نمایشکرا.
لە کۆنگرەی ڕۆژنامەوانیدا کە ڕۆژی 28ی ئاب / ئۆگۆستی 2014 لە شاری تۆرێنتۆ بەڕێوەچوو، لە لایەن بەرپرسانی فیستیڤاڵەوە بە ڕەسمی ڕاگەیاندرا کە "مەردان" دوایین بەرهەمی "بەتین قوبادی" لە نێوان فیلم گەلێک لە وڵاتانی ئەمەریکا، بەریتانیا، کەنەدا، فەڕەنسا، ئەڕژەنتین، نەمسا، نۆڕوێژ، ئوستوڕاڵیا، پاکیستان، هێندستان و چەندین وڵاتی دیکە لە بەشی "دۆزینەوەکان" بە ناونیشانی "داهاتووی سینەمای جیهان" وەرگیراوە.
فیستیڤاڵی فیلمی تۆرێنتۆ کە یەکێکە لە فیستیڤاڵە گرینگ و پلە یەکەکانی سینەمای جیهان و زۆربەی فیلمە بەرچاوەکانی سینەما لەم ڕێگایەوە چوونەتە ناو فیستیڤاڵە جۆراوجۆرە جیهانییەکان و ئاکادیمیای ئۆسکارەوە، لەم خولەی خۆیدا بە نمایشی 300 فیلم لە فیلمسازانی زیاتر لە 60 وڵاتی جیهان لە بەشەکانی چیرۆکی، دیکۆمێنتاری، ئەزموونی و ئەنیمەیشنی و بە ئامادەبوونی سینەماکارانی بەئەزموون و ئەستێرە ناودارەکانی سینەمای جیهان لە چەندین بەشی جۆراوجۆری پێشبڕکێی و دەرەوەی پێشبڕکێی لەوانە: بەشی "فیلمسازە سەربەخۆکان"، بەشی "دۆزینەوەکان"، بەشی "مامۆستایان"، "کەشفی بەهرەمەندان" و بەشی "دیکۆمێنتاری" لە ڕۆژانی 4 تا 14ی ئەیلوول / سەپتەمبەری 2014 لە شاری تۆرێنتۆ لە کەنەدا بەڕێوەچوو.
لە پوختەی سیناریۆی فیلمی "مەردان"دا هاتووە: پێشمەرگەیەکی کورد کە لە منداڵیدا چیرۆکێکی ناخۆشی بۆ دێتە پێشێ دەبێتە مرۆڤێکی دوورەخراو، تەنیا و دوورەپەرێز، ئەو لە سرووشتی کێویی و لە نێوان شاخەکانی کوردستاندا بە شوێن پیاوێکی ونبوودا دەگەڕێت.
"بەتین قوبادی" ساڵی 1979 لە شاری بانە لە دایک بووە. ساڵی 1995 بە شێوەکاری چووە دنیای هونەرەوە و ساڵی 1997 بە سازکردنی کورتە فیلمی "شێوەکاری" بۆ تەلەڤیزیۆنی سنە دەستی بە چالاکی فیلمسازی کرد.
ئەم هونەرمەندە تا ئێستا 6 کورتە فیلمی چیرۆکی سازکردووە، لەوانە: کورتە فیلمی "شێوەکاری"، کورتە فیلمی "حەتمەن ئەمڕۆ" لە ساڵی 1997، کورتە فیلمی "لێرە ئانتین نادات" لە ساڵی 1998، کورتە فیلمی "سەربازێک کە شکا" لە ساڵی 2000، کورتە فیلمی "ئامادە بۆ مردن" لە ساڵی 2008 و هەروەها کورتە فیلمی "لە با بپرسن" لە ساڵی 2009.
بەتین لە تەمەنی 23 ساڵیدا بۆ کامڵبوونی چالاکییە سینەماییەکانی خۆی بەرەو پاریس سەفەری کرد و ئەم شارەی وەکوو زانکۆیەک هەڵبژارد. ئەو چەندین کورتە فیلمی لە فەڕەنسا و وڵاتانی دیکەی ئەورووپا سازکرد. ساڵی 2010 بە کورتە فیلمی "لە با بپرس" توانی خەڵاتی ورچی بلۆرینی شەستەمین خولی فیستیڤاڵی نێودەوڵەتیی فیلمی بەڕڵین لە وڵاتی ئەڵمانیا بۆ خۆی مسۆگر بکات.
چین كونسلخانهى گشتى له ههولێر دهكاتهوه
نیوهڕۆى ئهمڕۆ پێنجشهممه 18ى ئهیلوولى 2014، بهڕێز نێچیرڤان بارزانى سهرۆك وهزیرانى ههرێمى كوردستان، پێشوازى له بهڕێز "تان بانگلین" نێردراوى وهزارهتى دهرهوهى كۆمارى چین كرد، كه وهك كونسلى گشتیى وڵاتهكهى له ههرێمى كوردستان دهستهبهكار دهبێت.
له دیدارێكدا بهڕێز "بانگلین" خۆشحاڵیى خۆى به سهردانى ههرێمى كوردستان دهربڕى و دووپاتى كردهوه كه حكوومهتى وڵاتهكهى، به تایبهتى لهم بارودۆخهدا ئهوى ڕهوانهى ههرێمى كوردستان كردووه، بۆ ئهوهى له نزیكهوه پشتگیریى چین بۆ ههرێمى كوردستان و هاوسۆزى لهگهڵ ئاواره و پهنابهراندا نیشان بدات و لهوه بكۆڵێتهوه ئاخۆ چین چۆن دهتوانێت لهم بارودۆخهدا، هاوكاریى ههرێمى كوردستان و ئاواره و پهنابهران بكات؟.
ههروهها ڕایگهیاند كه بۆ پتهوكردنى پهیوهندییهكانى نێوان ههرێمى كوردستان و عیراق لهگهڵ چین، له ماوهى دوو مانگى داهاتوودا كونسلخانهى گشتیى كۆمارى چین له ههولێر دهكرێتهوه و خۆى وهك یهكهم كونسلى گشتیى چین له ههرێمى كوردستان دهستبهكار دهبێت. جهختیشى لهوه كردهوه كه له ڕێگهى كردنهوهى كونسلخانه له ههولێر، ههوڵ دهدهن ببنه پردێكى پتهوى نێوان ههرێمى كوردستان و چین و، كۆمپانیا چینییهكان هان دهدهن بۆ ئهوهى بێن له ههرێمى كوردستان كار بكهن و بهشدارى له پرۆسهى ئاوهدانكردنهوه و بنیاتنان و پێشخستنى ههرێمى كوردستاندا بكهن.
لاى خۆیهوه بهڕێز سهرۆك وهزیران به گهرمى بهخێرهاتنى كرد و به خۆشحاڵییهوه ستایش و پێشوازى لهم ههنگاوهى چین كرد، كه لهم بارودۆخهدا دهیهوێت كونسلخانهى گشتى له ههولێر بكاتهوه و پهیوهندییهكانى لهگهڵ ههرێمى كوردستان پتهو بكات. دووپاتیشى كردهوه كه ئهم ههنگاوهى چین لهم بارودۆخهى ئێستاى ههرێمى كوردستان و ناوچهكهدا، پشتگییرییهكى مهعنهویى گهورهیه و ههموو هاوكارییهكى بۆ كردنهوهى كونسولخانهكه، دووپات كردهوه.
له كۆتاییى دیدارهكهدا ههردوولا خواستى خۆیان بۆ پتهوكردنى پهیوهندییهكان له ههموو بوارهكانى ئابوورى و بازرگانى و سیاسى و كۆمهڵاتیدا دهربڕى و، جهختیان لهسهر پێویستیى هاوكاریكردنى حكوومهتى ههرێمى كوردستان بۆ ڕووبهڕووبوونهوهى تیرۆرستانى داعش، كردهوه.
به كردنهوهى كونسلخانهى كۆمارى چین له ههولێر، لهگهڵ ئهمهریكا، ڕووسیا، فهرهنسا و بهریتانیا، ئیتر ههر پێنج ئهندامى ههمیشهییى ئهنجومهنى ئاسایشى سهر به نهتهوه یهكگرتووهكان، نوێنهرایهتیى دیپلۆماسییان له ههرێمى كوردستان دهبێت.
More...
لە ئەمریکا فەلاح مستەفا چەند دیدارو کۆبوونەوەى لەگەڵ بەرپرسانى ئەو ووڵاتە بۆ بەدەستهێنانى هاوکارى بۆ هەرێم ئەنجام دا
سەرۆكی هەرێمی كوردستان لەگەڵ بەرپرسی یەكە ئیدارییەكان و سەرۆكی زانكۆكان و بەڕێوبەرە گشتییەكانی پارێزگای دهۆك كۆبۆیەوە
سەرۆک بارزانی پێشوازیی لە قاسم شەشۆ کرد
دوایین هەواڵەکان
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات
- سهرۆك نێچيرڤان بارزانى و دوو گرووپى پهرلهمانتارانى ئهڵمانى كۆبوونهوه
- سهرۆك نێچيرڤان بارزانى و سهرۆك وهزيرانى ئهرمهنستان تاوتوێى پهيوهندييهكان دهكهن
- سهرۆك نێچيرڤان بارزانى لهگهڵ خاوهنشكۆ شاى ئوردن كۆبووهوه
- كارنامهى سهرۆك نێچيرڤان بارزانى له كۆنفرانسى ئاساييشى ميونشن تهواو بوو
- سهرۆك نێچيرڤان بارزانى: عێراق و ههرێمى كوردستان، پێويستييان به يهكێتيى ئهورووپايه